ລັດຖະມົນຕີກະຊວງສາທາລະນະສຸກນີເຊລີ ກ່າວພາຍຫລັງການປະຊຸມຄະນະລັດຖະມົນຕີ ທາງການນີເຊລີອອກມາດຕະການເລັ່ງດ່ວນເຝົ້າລະວັງຕາມແນວພົມແດນເພື່ອຄວາມປອດໄພຂອງປະຊາຊົນ ໂດຍຈະກວດສອບ ແລະ ຄັດກອງຜູ້ໂດຍສານທີ່ເດີນທາງເຂົ້າມາ ສະເພາະຈາກກົງໂກ ແລະ ປະເທດເພື່ອບ້ານ. ນອກຈາກນີ້ສູນຄວບຄຸມພະຍາດຂອງນີເຊລີຍັງກຽມຈະສົ່ງຄະນະກວດກາເດີນທາງໄປຍັງກົງໂກ ເພື່ອເປັນສ່ວນຫນື່ງຂອງມາດຕະການເພີ່ມຂີດຄວາມສາມາດໃນການຈັດການ ການແພ່ລະບາດຂອງພະຍາດດັ່ງກ່າວ.

ນີເຊລີ ເປັນປະເທດດຽວໃນອາຟຮິກາຕາເວັນຕົກທີ່ມີຫ້ອງປະຕິບັດການເຄື່ອນທີ່ສຳລັບການກວດສອບພະຍາດໄຂ້ເລືອດອອກ ໂດຍໄດ້ຮັບທຶນການສະຫນັບສະຫນູນມາຈາກສະຫະພາບເອີຮົບ ຫ້ອງປະຕິບັດການ ຫລື ຫ້ອງທົດລອງດັ່ງກ່າວສາມາດກວດຫາເຊື້ອພະຍາດໄດ້ຢ່າງໄວວາແມ້ແຕ່ພື້ນທີ່ຫ່າງໄກສອກຫລີກ ປະຈຸບັນຍັງບໍ່ມີວັກຊີນສຳລັບປ້ອງກັນເຊື້ອພະຍາດໄວຮັສອີໂບລາ ທີ່ເຮັດໃຫ້ເກີດພະຍາດຕິດແປດ ອັນຕະລາຍຮ້າຍແຮງສົ່ງຜົນເຖີງຊີວິດນີ້ເທື່ອ.

ແຫລ່ງຂ່າວຕ່າງປະເທດ: TNA