ຍານອະວາກາດອິນໄຊສ໌ຈະບິນໄປພ້ອມກັບຈະຫລວດແອດລາສ5 ຈາກຖານທັບອະວາກາດແວນເດນເບີກ ໃນລັດແຄລີຟໍເນຍ ເວລາ 4ໂມງ 5ນາທີ ຂອງມື້ນີ້ ຕາມເວລາຂອບເຂດປາຊີຟິກ ເຊີ່ງກົງກັບເວລາ 18ໂມງ5ນາທີ ຂອງປະເທດລາວ. ກຳນົດລົງຈອດເທີງດາວອັງຄານໃນວັນທີ 26 ພຶດສະພາ, ເນື່ອງຈາກສະພາບອາກາດມີຫມອກປົກຄຸມຫນາເຮັດໃຫ້ເປັນອຸປະສັກພຽງຢ່າງດຽວຂອງການອອກບິນ ແຕ່ເຊື່ອວ່າຈະບໍ່ເປັນບັນຫາຢ່າງແນ່ນອນ.
ໃນການອອກສຳຫລວດໃນຄັ້ງນີ້ແມ່ນເພື່ອສຶກສາເພີ່ມຕື່ມກ່ຽວກັບສະພາບຂອງດາວອັງຄານເພື່ອກຽມສົ່ງນັກສຳຫລວດໄປຫລັງປີ 2030 ແລະ ເພື່ອສຶກສາກ່ຽວກັບການກຳເນີດຂື້ນຂອງດາວແມ່ນເກີດຂື້ນມາໄດ້ຢ່າງໃດ ໂຄງການນີ້ແມ່ນມີມູນຄ່າເຖີງ 993ລ້ານໂດລາສະຫະລັດ ຫລື ປະມານ 8.243.886.000.000 ກີບ.
ນັກວິທະຍາສາດຂອງນາຊາກ່າວວ່າ ເປັນທີ່ຮູ້ກັນດີວ່າດາວອັງຄານມີແຜ່ນດິນໄຫວ, ຫິມະປົກຄຸມ ແລະ ອຸກາບາດຕົກໃສ່. ນາຊາຕ້ອງການຮູ້ແນວໂນ້ມການເກີດແຜ່ນດິນໄຫວວ່າຖີ່ພຽງໃດ ເພາະເປັນຂໍ້ມູນຈຳເປັນຕໍ່ການສົ່ງຄົນໄປສຳຫລວດ.
ຍານອິນໄຊສ໌ໃຊ້ພະລັງງານແສງອາທິດ ແລະ ແບັດເຕີລີ້ ອອກແບບໃຫ້ໃຊ້ງານໄດ້ 26ເດືອນຢູ່ໂລກ ຫລື ເທົ່າກັບ 1ປີເທີງດາວອັງຄານ.
ແຫລ່ງຂ່າວຕ່າງປະເທດ: TNA