ໃນການແຂ່ງຂັນບານເຕະຍິງ ຊິງແຊັ້ມອາຊຽນ ຮຸ່ນອາຍຸບໍ່ເກີນ 16 ປີ ຫລື AFF U-16 GIRLS’ CHAMPIONSHIP 2018 ທີມຊາດລາວຊະນະອິນໂດເນເຊຍ 2-0 ຜ່ານເຂົ້າຮອບຮອງຊະນະເລີດ
ເມື່ອວັນທີ 6 ພຶດສະພາ 2018 ເວລາ 16:00 ນາທີ ແຂ່ງຂັນຢູ່ທີ່ສະໜາມ ATHLETIC JAKA BARLING 1. ເປັນການພົບກັນລະຫວ່າງທີມຊາດລາວ ກັບ ທີມຊາດອິນໂດເນເຊຍເຈົ້າພາບ ການແຂ່ງຂັນເລີ່ມຂຶ້ນພຽງ 4ນາທີ ລາວເຮົາກໍ່ໄດ້ປະຕູນຳຂຶ້ນກ່ອນ ຈາກຍິງປະຕູຂອງ ເບີ 8 “ເປ້ ພົມພັກດີ” ແລະ ຕໍ່ມາໃນນາທີທີ 52 ທີມຊາດລາວກໍ່ໄດ້ປະຕູເພີ່ມເປັນປະຕູທີສອງຈາກ ເບີ 7 “ອິນທິດາ ຄູນສີ” ຈົບເກມທີມຊາດລາວຊະນະອິນໂດເນເຊຍ 2-0 ປະຕູ
ທີມຊາດລາວ ຜ່ານເຂົ້າຮອບຮອງຊະນະເລີດ ໃນຖານະອັນດັບ 2 ກຸ່ມ ບີ ລໍຖ້າພົບກັບອັນດັບ 1 ກຸ່ມ ເອ ເຊິ່ງຮອບຮອງຊະນະເລີດຈະແຂ່ງຂັນໃນວັນທີ 11 ພຶດສະພາ 2018 ເວລາ 16:00 ຢູ່ທີ່ສະຫນາມ Bumi Sriwijaya ເມືອງປາເລມບັງ ປະເທດ ອິນໂດເນເຊຍ
ລາຍຊື່ນັກກິລາລົງສະຫນາມ
+ຜູ້ຮັກສາປະຕູ
ເບີ 1. ພັດທະລາວະດີ ສໍໂພທິລາດ
+ ກອງຫລັງ
ເບີ 3. ກະເຕັນ ວົງສະຫວັນ
ເບີ 5 ວິໄລພອນ ແພງສະນະ
ເບີ 16 ສາຍສະຫມອນ ອິນທະພອນ
ເບີ 19 ເລດີ້ ຈັນທະວົງສາ
+ ກອງກາງ
ເບີ 7 ອິນທິດາ ຄູນສີ
ເບີ 8 ເປ້ ພົມພັກດິ
ເບີ 11 ໃຈຄຳ
ເບີ 13 ພອນສະຫວັນ ພົນເສນາ
+ ກອງຫນ້າ
ເບີ 9 ພິມພາ ທອງສະຫວ່າງ
ເບີ 10 ແສງເດືອນ ພົງໄພລັດ
ພາບຈາກ: ລາວສູ້ໆ
ແຫລ່ງຂ່າວ: ສະຫະພັນບານເຕະແຫ່ງຊາດລາວ