ນັບວ່າເປັນເລື່ອງທີ່ໜ້າຕົກໃຈບໍ່ໜ້ອຍ ເມື່ອ Charles Gerba ນັກຈຸລິນຊີ ວິທະຍາຈາກມະຫາວິທະຍາໄລ ແອລິໂຊນາດເຕດ ລາຍງານວ່າ ສິ່ງທີ່ສະສົມເຊື້ອພະຍາດຫລາຍທີ່ສຸດໃນຫ້ອງນ້ຳຄື ຟອຍຖູແຂ້ວ ໂດຍສະເພາະ ຖ້າຫາກຟອຍຖູແຂ້ວ ນັ້ນວາງໄວ້ໃກ້ກັບໂຖວິດ ຫລາຍເກີນໄປ ເພາະເວລາທີ່ທ່ານກົດໂຖວິດຂະນະທີ່ເປີດຝາຖິ້ມໄວ້ ລະອອງສິ່ງເປິເປື້ອນຈະກະເດັນອອກຈາກໂຖວິດໄປຕິດຕາມພື້ນຜິວທຸກຢ່າງໃນຫ້ອງນ້ຳ!
ທີ່ສຳຄັນທຸກເທື່ອທີ່ຖູແຂ້ວ ກໍຈະມີເສດອາຫານ ແບັກທີເຣຍ ຄາບເລືອດ ແລະນ້ຳລາຍຕິດກັບຟອຍແຂ້ວ ເຊິ່ງຫາກບໍ່ທໍາຄວາມສະອາດດີໆ ຫລັງຖູແຂ້ວ ສາລະພັດເຊື້ອພະຍາດກໍຈະກັບເຂົ້າຮ່າງກາຍອີກເທື່ອໜຶ່ງ ເມື່ອຖູແຂ້ວເທື່ອຕໍ່ໄປ ສົ່ງຜົນໃຫ້ເກີດພະຍາດໃນຊ່ອງປາກ ແລະ ບັນຫາສຸຂະພາບອື່ນໆ ນໍາມາອີກ
ຂະນະທີ່ Tom Glass ແພດຜູ້ຊ່ຽວຊານດ້ານພະຍາດໃນຜົ້ງປາກ ທີ່ມະຫາວິທະຍາໄລໂອຄາໂຮມາ ບອກວ່າ ຟອຍຖູແຂ້ວ ແຕ່ລະອັນມີຈຸລິນຊີຢ່າງນ້ອຍ 10ລ້ານໂຕ! ເຊິ່ງລວມເຖິງໄວຣັດໄຂ້ຫວັດໃຫຍ່ ສະຕາຟີໂລຄອກຄັດ ສະເຕັບໂຕຄອກຄັດ ລວມເຖິງ ແບັກທີເຣຍ ອີກຫລາຍຊະນິດທີ່ເປັນສາເຫດຂອງພະຍາດເຫືອກ ແລະ ຫີນປູນ ໂດຍຄຳແນະນຳທີ່ດີຄື ພະຍາຍາມເກັບຮັກສາຟອຍຖູແຂ້ວ ຂອງສະມາຊິກໃນຄອບຄົວໃຫ້ຫ່າງກັນຢ່າງນ້ອຍ 25 ມິລີເມັດ ເພື່ອບໍ່ໃຫ້ເຊື້ອພະຍາດຕິດຕໍ່ເຖິງກັນໄດ້ ໃຫ້ປ່ຽນຟອຍຖູແຂ້ວ ທຸກເທື່ອຫລັງຈາກເປັນຫວັດເປັນຕົ້ນ.