spot_img
Homeຂ່າວທ້ອງຖິ່ນຖ້າ​ພົບ​ເຫັນ​ຕຳຫລວດຈະລາຈອນມີ​ການ​ປະພຶດ​ບໍ່ດີ​ໂທ​ແຈ້ງ 1191 ​ເພື່ອ​ແກ້​ໄຂ​ທັນ​ເວລາ

ຖ້າ​ພົບ​ເຫັນ​ຕຳຫລວດຈະລາຈອນມີ​ການ​ປະພຶດ​ບໍ່ດີ​ໂທ​ແຈ້ງ 1191 ​ເພື່ອ​ແກ້​ໄຂ​ທັນ​ເວລາ

Published on

ພາຍຫລັງ, ​ມີ​ເຈົ້າໜ້າທີ່​ຈະລາຈອນ​ຈຳນວນໜຶ່ງ​ເຮັດ​ຜິດ​ລະບຽບ​ໃນ​ກຳລັງຄື​: ຕັ້ງ​ດ່ານ​ຈຸດ​ກວດກາ ​ແລະ ​ເກັບ​ເອົາ​ເງິນນຳ​ປະຊາຊົນ, ​ເຮັດ​ໃຫ້​ມີ​ຫາງ​ສຽງບໍ່ດີ​ຈາກ​ສັງຄົມ ​ແລະ ​ສ້າງ​ຄວາມເຊື່ອມ​ເສຍ​ຕໍ່ກຳລັງ​ຕຳຫລວດ, ​ໂດຍ​ສະ​ເພາະ​ແມ່ນ​ເຈົ້າໜ້າທີ່​ຈະລາຈອນ, ສະ​ນັ້ນກົມ​ຕຳຫລວດຈະລາຈອນ ຈຶ່ງ​ໄດ້​ແຕ່ງ​ຕັ້ງ​ຄະນະ​ສະ​ເພາະ​ກິດ​ເພື່ອ​ກວດກາ ​ແລະ ​ແກ້​ໄຂ​ບັນຫາ​ເຈົ້າໜ້າທີ່​ຈະລາຈອນເຮັດ​ຜິດ​ລະບຽບ.

ທ່ານພັນ​ໂທ ຄຳ​ເຫລັກ ​ໄຊ​ຍະ​ສິດ ຮອງ​ກົມ​ຕຳຫລວດ​ຈະລາຈອນ ​ໄດ້​ໃຫ້​ສຳພາດ​ຕໍ່ນັກ​ຂ່າວໜັງສື​ພິມ​ລາວ​ພັດທະນາ ​ເມື່ອ​ບໍ່ດົນ​ນີ້ວ່າ: ​ເພື່ອ​ປະຕິບັດ​ຕາມ​ພາລະ​ບົດບາດ ​ແລະ ​ເຮັດໜ້າທີ່​ຮັບ​ໃຊ້​ປະຊາຊົນ, ອຳນວຍ​ຄວາມ​ສະດວກ​ໃຫ້​ຜູ້​ໃຊ້​ລົດ​ໃຊ້​ຖະໜົນ, ທັງ​ກວດກາ​ການ​ປະຕິບັດ​ກົດ​ລະບຽບຈະລາຈອນ ​ເລັ່ງ​ໃສ່​ຄວາມ​ເປັນ​ລະບຽບຮຽບຮ້ອຍ​ໃນ​ສັງຄົມ ​ແລະ ​ແນ​ໃສ່​ສະກັດ​ກັ້ນການ​ເກີດອຸປະຕິ​ເຫດ​ຕາມ​ທ້ອງ​ຖະໜົນ​ໃຫ້​ຫລຸດຜ່ອນ​ລົງ. ​​ຜ່ານ​ມາ, ​ເຈົ້າໜ້າທີ່ຈະລາຈອນ ກໍ​ໄດ້​ເອົາ​​ໃຈ​ໃສ່​ປະຕິບັດໜ້າທີ່​ຂອງ​ຕົນ​ໄດ້​ເປັນ​ຢ່າງ​​ດີ, ​ແຕ່​ຄຽງຄູ່​ກັນ​ນັ້ນ, ກໍ​ຍັງ​ມີ​​ເຈົ້າໜ້າທີ່ຈຳນວນໜຶ່ງປະພຶດ​ບໍ່ດີ ເປັນ​ຕົ້ນ​ແມ່ນ​ການ​ນຸ່ງ​ຖື​ບໍ່ຖືກຕ້ອງໃນ​ເວລາ​ປະຕິບັດໜ້າທີ່, ບໍ່ປະຕິບັດ​ຕາມ​ກົດ​ລະບຽບປະຈຳ​ເວນຍາມ ​ແລະ ການ​ໄປ​ລ້າ​ມາ​ການ, ພ້ອມ​ດຽວກັນ, ​ກໍ​ມີ​ການ​ຕັ້ງ​​ດ່ານ​ກວດກາ ​ແລະ ຮັບ​ເອົາ​ເງິນຈາກ​ປະຊາຊົນ, ຊຶ່ງ​ຜິດ​ຕໍ່ລະບຽບວິ​ໄນ ​ແລະ ​ໜ້າທີ່ຂອງ​ຕົນ, ສະ​ນັ້ນກົມ​ວິຊາ​ສະ​ເພາະກໍ​ໄດ້​ເລັ່ງລົງກວດກາ ​​ແລະ ມີ​ບາງ​ກໍລະນີ ທາງ​ການຈັດ​ຕັ້ງ​ກໍ​ໄດ້​ມີ​ການ​ສຶກສາ​ອົບຮົມ, ຖ້າກໍລະນີ​ຮ້າຍ​ແຮງ ກໍ​ໄດ້​ມີ​ການ​ປະຕິບັດ​ລົງ​ໂທດດ້ວຍ​ການ​ໄລ່​ອອກ​ຈາກ​ກຳລັງ ​ເປັນ​ຈຳນວນຫລາຍ​ໃນ​ໄລຍະ​ຜ່ານ​ມາ.

ຮອງ​ກົມ​ຕຳຫລວດ​ຈະລາຈອນ ​ໃຫ້​ຮູ້​ວ່າ: ​ໃນ​ໂອກາດ​ນີ້, ກໍ​ຂໍ​ໃຫ້​ສັງຄົມ​​ເປັນ​ຫູ​ເປັນຕາ​ຊ່ວຍ​ການຈັດ​ຕັ້ງ​, ຖ້າພົບ​ເຫັນ​ເຈົ້າໜ້າທີ່​ເຮັດ​ຜິດ​ລະບຽບສາມາດ​ໂທ​ແຈ້ງ​ໄດ້​ທີ່​ເບີ 1191 ​ເພື່ອ​ຈະ​ມີ​ການ​ກວດກາ ​ແລະ ດຳ​ເນີນ​ມາດ​ຕະການຕາມ​ລະບຽບກົດໝາຍຢ່າງ​ເຂັ້ມ​ງວດ, ພ້ອມ​ນັ້ນ ​ກໍ​ຂໍ​ຮຽກຮ້ອງ​ໃຫ້​ຜູ້​ໃຊ້​ລົດ​ໃຊ້​ຖະໜົນ​ເປັນ​ເຈົ້າ​ການ​ເອົາ​ໃຈ​ໃສ່​ປະຕິບັດ​ລະບຽບຈະລາຈອນ​ໃຫ້​ເຂັ້ມ​ງວດກວ່າ​ເກົ່າ ​ເພື່ອ​ຈະ​ຊ່ວຍ​ໃຫ້ການ​ເກີດ​ອຸປະຕິ​ເຫດ​ຫລຸດຜ່ອນ​ລົງ.

ແຫລ່ງຂ່າວ: ລາວພັດທະນາ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...