spot_img
Homeຂ່າວຕ່າງປະເທດພາບ​ປະຫວັດສາດ​ 2 ຜູ້​ນຳ​ເກົາ​ຫຼີ​ເໜືອ-ໃຕ້ ຈັບ​ມື​ຍ່າງ​ຂ້າມ​ເສັ້ນ​ແບ່ງ​ເຂດ​ແດນ​

ພາບ​ປະຫວັດສາດ​ 2 ຜູ້​ນຳ​ເກົາ​ຫຼີ​ເໜືອ-ໃຕ້ ຈັບ​ມື​ຍ່າງ​ຂ້າມ​ເສັ້ນ​ແບ່ງ​ເຂດ​ແດນ​

Published on

ຫຼັງ​ຈາກ​ທີ່​ ທ່ານ ​ຄິມ​ ຈອງ​ອຶນ​ ເດີນທາງ​ເຖິງ​ເຂດ​ປອດ​ທະຫານ​ ແລະ​ລົງ​ຈາກລົດ​ ຍ່າງ​ຂ້າມ​ເສັ້ນ​ແບ່ງ​ເຂດ​ທາງ​ທະຫານ​ (ເອັມ​ດີ​ແອລ​) ທີ່​ຂັ້ນ​ກາງ​ຝັ່ງ​ເກົາ​ຫຼີ​ເໜືອ​ ແລະ​ເກົາ​ຫຼີ​ໃຕ້​ ເພື່ອ​ຈັບ​ມື​ກັບ​ປະ​ທາ​ນາ​ທິບໍ​ດີ​ມຸນ​ ແຈ​ອິນ​ ເຊິ່ງ​ກາຍ​ເປັນ​ປະຫວັດສາດ​ໃໝ່​ ໃນ​ຮອບ​ 65 ປີ​ ທີ່​ຜູ້​ນຳ​ເກົາ​ຫຼີ​ເໜືອ​ ຂ້າມ​ເສັ້ນ​ແບ່ງ​ເຂດ​ແດນ​ໄປ​ທີ່​ເກົາ​ຫຼີ​ໃຕ້​ອີກດ້ວຍ.​

ຈາກ​ນັ້ນ​ ປະ​ທາ​ນາ​ທິບໍ​ດີ​ ມຸນ​ ແຈ​ອິນ​ ຂອງ​ເກົາ​ຫຼີ​ໃຕ້​ກໍ​ໄດ້​ເຮັດ​ເຊີ​​ໄພຣ​​ ດ້ວຍ​ການ​ຈັບ​ມື​ກັບ​ ຄິມ​ ຈອງ​ອຶນ​ ຍ່າງ​ກ້າວ​ຂ້າມ​ເອັມ​ດີ​ແອລໄປ​ທີ່​ຝັ່ງ​ເກົາ​ຫຼີ​ເໜືອ​ ແລະ​ຍ່າງ​ກັບ​ມາ​ອີກຄັ້ງ​ໜຶ່ງ​ ກ່ອນ​ສົນທະນາ​ກັນ​ດ້ວຍ​ສີ​ໜ້າ​ຍິ້ມ​ແຍ້ມ​ ແລະ​ເຂົ້າ​ສູ່​ພິທີ​ການ​ຕ້ອນ​ຮັບ​ຢ່າງ​ທາງ​ການ​ ມີ​ເດັກ​ນັກ​ຮຽນ​ໄດ້​ມອບ​ດອກ​ໄມ້​ໃຫ້​ ທ່ານ ​ຄິມ​ ຕໍ່​ດ້ວຍ​ວົງ​ດຸ​ລິ​ຍາງ​ ບັນ​ເລງ​ເພງ​ ເຊິ່ງເປັນເພງ​ພື້ນ​ເມືອງ​ດັ່ງ​ເດີມ​ຂອງ​ເກົາ​ຫຼີ​.

ການ​ປະ​ຊຸມ​ສຸດຍອດ​ ລະຫວ່າງ​ເກົາ​ຫຼີ​ເໜືອ ​ແລະ​ເກົາ​ຫຼີ​ໃຕ້​ເລີ່ມ​ຕົ້ນ​ຂຶ້ນ​ແລ້ວ​ ໂດຍ​ ທ່ານ ມຸນ​ແຈ​ອິນ​ ປະ​ທາ​ນາ​ທິບໍ​ດີ​ເກົາ​ຫຼີ​ໃຕ້​ ແລະ​ ທ່ານ ຄິມ​ຈອງ​ອຶນ​ ຜູ້​ນຳ​ສູງ​ສຸດ​ແຫ່ງ​ ເກົາ​ຫຼີ​ເໜືອ​ ເຂົ້າ​ປະ​ຊຸມ​ຮ່ວມ​ກັນ​ໃນ​ມື້​ນີ້​ (27 ເມ​ສາ​) ເວລາ​ 9:30 ໂມງ​ ຕາມ​ເວລາ​ທ້ອງ​ຖິ່ນ​ ຫຼື​ 7:30 ໂມງຕາມເວລາປະເທດລາວ​ ທີ່​ໝູ່ບ້ານ​ປັນ​ມຸມ​ຈອມ​ ໃນ​ເຂດ​ປອດ​ທະຫານ​ ແຄມ​ຊາຍແດນ​ຂອງ​ສອງ​ປະເທດ​.

ການ​ປະ​ຊຸມສຸດຍອດ​ລະຫວ່າງ​ຜູ້​ນຳ​ເກົາ​ຫຼີ​ເໜືອ ​ແລະ​ໃຕ້​ໃ​ນ​ຄັ້ງ​ນີ້​ ນັບ​ເ​ປັ​ນ​ຄັ້ງທີ 3 ໃນ​ຮອບ​ 18 ປີ​ ແຕ່​ເ​ປັ​ນຄັ້ງທຳອິດ​ທີ່​ຈັດ​ຂຶ້ນ​ໃນ​ເກົາ​ຫຼີ​ໃຕ້​ ເພາະ​ສອງ​ຄັ້ງກ່ອນ​ກ່ອນ​ໃນ​ປີ​ 2000 ແລະ​ 2007 ລ້ວນ​ຈັດ​ຂຶ້ນ​ທີ່​ເກົາ​ຫຼີ​ເໜືອ​.

ລາຍ​ງານ​ຂອງ​ສຳ​ນັກ​ຂ່າວ​ກາງ​ເກົາ​ຫຼີ​ຂອງ​ເກົາ​ຫຼີ​ເໜືອ​ (KCNA) ຄິມ​ ຈອງ​ອຶນ​ຈະ​ຫາ​ລື​ຢ່າງ​ເປີດ​ໃຈ​ ໃນ​ປະ​ເດັນ​ທັງ​ໝົດ​ ທີ່ເກິດຂຶ້ນ​ເພື່ອ​ປັບ​ປຸງ​ຄວາມ​ສຳພັນ​ລະຫວ່າງ​ສອງ​ເກົາ​ຫຼີ​, ສ້າງ​ສັນ​ຕິ​ພາບ,​ ຄວາມຮັ່ງມີ​ ຕະຫຼອດ​ຈົນ​ການ​ລວມ​ຊາດ​ຂອງ​ແຫຼມ​ເກົາ​ຫຼີ​”.

ທັງ​ນີ້​ ການເດີນທາງ​ໄປ​ເກົາ​ຫຼີ​ໃຕ້​ໃ​ນ​ຄັ້ງ​ນີ້​ ເຮັດໃຫ້​ທ່ານ ຄິມ ​ກາຍ​ເປັນ​ຜູ້​ນຳ​ເກົາ​ຫຼີ​ເໜືອ​ຄົນທຳອິດທີ່​ກ້າວ​ຕີນ​ຢຽບ​ແຜ່ນດິນ​ເກົາ​ຫຼີ​ໃຕ້​ ນັບ​ຕັ້ງ​ແຕ່​ສິ້ນສຸດ​ສົງຄາມ​ເກົາ​ຫຼີ​ໃນ​ຊ່ວງ​ປີ​ 1950-1953 ເປັນ​ຕົ້ນ​ມາ.​

 

ແຫລ່ງຂ່າວ : China Xinhua News ແລະ muan.la

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...