ສຳນັກຂ່າວຕ່າງປະເທດ ລາຍງານໃນວັນທີ 7 ກັນຍາ 2014 ຜ່ານມານີ້ວ່າ ເກີດເຫດເຮືອບິນຕົກໃນໂກລົມບີ ໃນວັນເສົາ
ທີ 6 ກັນຍາ 2014 ທີ່ຜ່ານມາ ຫຼັງຈາກທີ່ບິນຂື້ນຟ້າໄດ້ບໍ່ພໍເທົ່າໃດນາທີ ເປັນເຫດເຮັດໃຫ້ມີຜູ້ເສຍຊີວິດຍົກລຳ 10 ຄົນ.
ລາຍງານຂ່າວ ໂດຍອ້າງໜ່ວຍງານຄວາມປອດໄພຂອງລັດຖະບານໂກລົມບີ ທີ່ໄດ້ລະບຸວ່າ ຂະນະນີ້ພົບຊາກຂອງເຮືອບິນ
ລຳທີ່ປະສົບອຸບັດເຫດແລ້ວ ໂດຍພົບຮ່ອງຮອຍການແຕກຫັກສີກຂາດຂອງໂຕເຮືອບິນ ຕະຫຼອດຈົນຮ່ອງຮອຍຂອງ
ໄຟໄໝ້ ໂດຍພົບຈຸດທີ່ພົບຊາກເຮືອບິນລຳນີ້ ຢູ່ໃກ້ກັບເມືອງປອຍໂຕ ຊານຕານເດ ໃນແຂວງອະມາໂຊນາສ ຂອງໂກລົມ
ບີ.
ດ້ານແຫຼ່ງຂ່າວຂອງກອງທັບອາກາດໂກລົມບີ ໄດ້ອອກມາເປີດເຜີຍວ່າ ເຈົ້າໜ້າທີ່ໄດ້ໃຊ້ຄວາມພະຍາຍາມຢ່າງຍາກລຳ
ບາກ ໃນການນຳຮ່າງຂອງຜູ້ໂດຍສານ 8 ຄົນ ແລະ ລູກເຮືອອີກ 2 ຄົນ ຂອງເຮືອບິນລຳດັ່ງກ່າວອອກມາຈາກຈຸດທີ່ເຮືອ
ບິນຕົກ ເນື່ອງຈາກປະເຊີນກັບອຸປະສັກດ້ານສະພາບພູມີປະເທດທີ່ເປັນປ່າ ໃນຂະນະທີ່ສາເຫດຂອງໂສກນາຕະກຳຄັ້ງ
ນີ້ ຍັງຢູ່ໃນລະຫວ່າງການສືບສວນ.