ສຳນັກຂ່າວຕ່າງປະເທດລາຍງານຈາກນະຄອນລວງປັກກິ່ງ ປະເທດຈີນ ເມື່ອວັນທີ 28 ມີນາ 2018 ວ່າ ສຳນັກຂ່າວຊິນຫົວຂອງທາງການຈີນລາຍງານພ້ອມເຜີຍແພ່ພາບການພົບປະຫາລືລະຫວ່າງປະທານາທິບໍດີສີຈິ້ນຜິງ ກັບ ທ່ານ ຄິມຈອງອຶນ ຜູ້ນຳເກົາຫຼີເໜືອ ມີ່ມະຫາສາລາປະຊາຊົນ ໃນນະຄອນຫຼວງປັກກິ່ງ ໂດຍທ່ານ ຄິມຈອງອຶນ ແລະ ທ່ານ ນາງ ຮີ ຊໍ-ຈູ ພັນລະຍາ ເດີນທາງມາຢ້ຽມຢາມຢ່າງບໍ່ເປັນທາງການ ໃນລະຫວ່າງວັນອາທິດ-ວັນພຸດ ເຊິ່ງຜູ້ນຳຈີນພ້ອມດ້ວຍພັນລະຍາຄືທ່ານນາງ ເຜິງ ລີ່ຫຍວນ ເປັນເຈົ້າພາບໃນການຕ້ອນຮັບ
ຜູ່ນຳຈີນກ່າວເຖິງການມາຂອງທ່ານ ຄິມຈອງອຶນ ວ່າຄືການກະຊັບ ແລະ ສົ່ງເສີມຄວາມສຳພັນ “ຢ່າງມີໄນສຳຄັນ” ລະຫວ່າງພັກຄົນງານເກົາຫຼີ ກັບພັກຄອມມູນິດຈີນ ບົນພື້ນຖານຂອງອຸດົມການສັງຄົມນິຍົມ ເຊິ່ງເປັນເລື່ອງທີ່ໜ້າຍິນດີ
ດ້ານຜູ້ນຳເກົາຫຼີ ທ່ານ ຄິມຈອງອຶນ ກ່າວວ່າ ເຂົາມີຄວາມຕັ້ງໃຈຢ່າງສູງໃນກນຕ້ອງລາຍງານຄວາມຄືບໜ້າຂອງການແກ້ໄຂບັນຫສທີ່ແຫຼມເກົາຫຼີໃຫ້ທ່ານ ສີຈິ້ນຜິງ ຮັບຮູ້ດ້ວຍຕົນເອງວ່າບັນຍາກາດໃນຕອນນີ້ “ດີຂຶ້ນຫຼາຍ” ແລະ ລັດຖະບານປຽງຢາງຢຶດໝັ້ນໃນການປົດອາວຸດນິວເຄຣຍ ແລະ ເຂົາພ້ອມທີ່ຈະເຈລະຈາໂດຍກົງກັບສະຫະລັດ ນອກຈາກນີ້ຜູ້ນຳເກົາຫຼີເໜືອຍັງເຊື້ອເຊີນຜູ້ນຳຈີນໄປຢຽມຢາມນະຄອນຫຼວງປຽງຢາງຢ່າງເປັນທາງການອີກດ້ວຍ