spot_img
Homeຂ່າວທ້ອງຖິ່ນຢູ່ ສປປ.ລາວ ຈີນລົງທຶນດ້ານພະລັງງານ ແລະ ບໍ່ແຮ່ ຫຼາຍທີ່ສຸດ ມູນຄ່າເຖິງ 10 ຕື້ໂດລາ

ຢູ່ ສປປ.ລາວ ຈີນລົງທຶນດ້ານພະລັງງານ ແລະ ບໍ່ແຮ່ ຫຼາຍທີ່ສຸດ ມູນຄ່າເຖິງ 10 ຕື້ໂດລາ

Published on

ສຳນັກຂ່າວສານປະເທດລາວລາຍງານເມື່ອວັນທີ 2 ກຸມພາ 2018 ທີ່ຜ່ານມາວ່າ: ສປປ.ລາວ ແລະ ສປ.ຈີນ ໄດ້ມີການຮ່ວມມືດ້ານພະລັງງານ ແລະ ບໍ່ແຮ່, ໂດຍລັດຖະບານຈີນ ໄດ້ສະໜອງທຶນ ແລະ ໃຫ້ທຶນສະໜັບສະໜູນແກ່ ສປປ.ລາວ ລວມມູນຄ່າເຖິງ 10 ຕື້ກວ່າໂດລາສະຫະລັດ.

ໃນໂອກາດກອງປະຊຸມເວທີປຶກສາຫາລືການຮ່ວມມືລາວ-ຈີນ “ໜຶ່ງແລວ ໜຶ່ງເສັ້ນທາງ” ເມື່ອວັນສຸກທີ່ຜ່ານມາ ທີ່ນະຄອນຫຼວງວຽງຈັນ ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ກ່າວວ່າ: ການຮ່ວມມືໃນການພັດທະນາຂະແໜງພະລັງງານ ແລະ ບໍ່ແຮ່ລະຫວ່າງລາວ-ຈີນ ແມ່ນບັນຫາໜຶ່ງທີ່ສຳຄັນ ແລະ ນອນຢູ່ໃນກອບການຮ່ວມມືທີ່ທັງສອງປະເທດໄດ້ຕົກລົງກັນຢູ່ໃນສັນຍາມິດຕະພາບ ແລະ ການຮ່ວມມືໃນໄລຍະໃໝ່.

ໂດຍການຮ່ວມມືດັ່ງກ່າວ, ໃນໄລຍະຜ່ານມາ ຖືວ່າຢູ່ໃນອັນດັບຕົ້ນໆ ມາຮອດປັດຈຸບັນ ລາວ-ຈີນ ໄດ້ມີການຮ່ວມມືພັດທະນາອຸດສາຫະກຳພະລັງງານໄຟຟ້າ, ເຊິ່ງມີໂຄງການທີ່ຢູ່ໃນໄລຍະດຳເນີນການຜະລິດແລ້ວ 9 ໂຄງການຄື: ໂຄງການນ້ຳລິກ 1 ແລະ 2, ໂຄງການນ້ຳງື່ມ 5, ໂຄງການນ້ຳງຽບ 2, ໂຄງການນ້ຳອູໄລຍະທີ 1 (ນ້ຳອູ 2,5,6), ນ້ຳມັງ 1, ນ້ຳໄຜ່, ນ້ຳແບ່ງ ແລະ ພວມກຳລັງກໍ່ສ້າງອີກ 10 ກວ່າໂຄງການ. ນອກນີ້ຍັງມີການຮ່ວມມືກໍ່ສ້າງສາຍສົ່ງໄຟຟ້າ 230 KV ແລະ 500 KV ຈຳນວນ 8 ໂຄງການ.

ສຳລັບການຮ່ວມມືດ້ານບໍ່ແຮ່ ກໍ່ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ມາຮອດປັດຈຸບັນ ມີ 52 ໂຄງການຂອງຜູ້ລົງທຶນທີ່ໄດ້ຮັບອະນຸຍາດ ຈາກລັດຖະບານລາວ ທີ່ພວມດຳເນີນການຂຸດຄົ້ນ ແລະ ປຸງແຕ່ງ. ພ້ອມດຽວກັນກໍ່ຍັງມີ 20 ກວ່າໂຄງການ ຢູ່ໃນໄລຍະດຳເນີນການສຳຫຼວດ, ໃນການສຶກສາ ຄວາມເປັນໄປໄດ້ທາງດ້ານເສດຖະກິດ-ເຕັກນິກ, ເຊິ່ງບັນດາໂຄງການພັດທະນາໃກ້ປະຕິບັດຢ່າງຖືກຕ້ອງ ຕາມສັນຍາ ແລະ ລະບຽບກົດໝາຍຂອງ ສປປ.ລາວ.

ທ່ານ ຄຳມະນີ ອິນທິລາດ ຍັງໄດ້ກ່າວຕື່ມອີກວ່າ: ການຮ່ວມມືດ້ານເສດຖະກິດການຄ້າ ແລະ ການລົງທຶນລະຫວ່າງ 2 ປະເທດຂະຫຍາຍຕົວຢ່າງຕໍ່ເນື່ອງ ແລະ ນັບມື້ນັບເພີ່ມຂຶ້ນ ດ້ວຍອັດຕາສູງ ໃນແຕ່ລະປີການລົງທຶນກໍ່ໄດ້ເພີ່ມຂຶ້ນ. ປັດຈຸບັນ ຈີນກາຍເປັນອັນດັບ 1 ຂອງການລົງທຶນຕ່າງປະເທດຢູ່ ສປປ.ລາວ ໃນນີ້ຂະແໜງພະລັງງານ ແລະ ບໍ່ແຮ່ຫຼາຍກວ່າໝູ່.

 

ແຫລ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...