spot_img
Homeຂ່າວຕ່າງປະເທດໜ່ວຍງານລັດທົ່ວສະຫະລັດຖືກປິດ ພະນັກງານລັດບໍ່ໄດ້ຮັບເງິນເດືອນ

ໜ່ວຍງານລັດທົ່ວສະຫະລັດຖືກປິດ ພະນັກງານລັດບໍ່ໄດ້ຮັບເງິນເດືອນ

Published on

ສຳນັກຂ່າວຕ່າງປະເທດລາຍງານວ່າ ລັດຖະບານ​ສະ​ຫະລັດ​ທີ່​ມີ ທ່ານ ​ໂດນັນ​ ທຣຳ​ ເປັນ​ປະ​ທາ​ນາ​ທິບໍ​ດີ​ ຕົກ​ຢູ່ໃນ​ສະພາ​ວະ​ແຊ່​ແຂງ​ ຫຼື ​ຖືກ​ຊັດ​ດາວ​ (shut down)​ ແລ້ວ​ ຫຼັງ​ຈາກ​ທີ່​ສະພາ​ຄອງ​ເກຣສ​ບໍ່​ຜ່ານ​ຮ່າງ​ກົດໝາຍ​ງົບ​ປະ​ມານ​ ສົ່ງ​ຜົນ​ໃຫ້​ໜ່ວຍ​ງານລັດ​ຫຼາຍ​ແຫ່ງທົ່ວ​ປະເທດ​ຕ້ອງ​ປິດ​ການດຳເນີນງານ ​ແລະ ​ເຈົ້າໜ້າທີ່ລັດ​ຈະ​ບໍ່​ໄດ້ຮັບ​ເງິນເດືອນ​ໃນ​ລະຫວ່າງ​ການ​ແຊ່​ແຂງ​.

ລັດຖະບານ​ສະຫະລັດ​ຖືກ​ຊັດ​ດາວ​ ຫຼື ​ຖືກ​ແຊ່​ແຂງ​ແລ້ວ​ ຫຼັງ​ຈາກ​ທີ່​ຜ່ານ​ເສັ້ນ​ຕາຍ​ ເວລາ​ທ່ຽງ​ຄືນ​ຂອງ​ວັນ​ສຸກ​​ທີ​ 19 ມັງກອນ ທີ່ຜ່ານມາ​ ຕາມ​ເວລາ​ທ້ອງ​ຖິ່ນ​ ແລະ ​ສະມາຊິກວຸດທິສະພາ​ຂອງ​ພັກ​ຣີພັບບຼິກັນ ​ແລະ ​ພັກ​ເດ​ໂມ​ແຄຣດ ​ຍັງ​ຄົງ​ມີ​ຄວາມ​ຂັດ​ແຍ່ງ​ກັນ​ໃນ​ຫຼາຍ​ປະ​ເດັນ​ ເຮັດໃຫ້​ຮ່າງ​ກົດໝາຍ​ງົບ​ປະ​ມານ​ສະບັບ​ໃໝ່​ຂອງ​ສະຫະລັດ​ທີ່​ຈະ​ຖືກ​ນຳ​ມາ​ໃຊ້​ຈ່າຍ​ສຳລັບໜ່ວຍ​ງານ​ຕ່າງ​ໆ​ຈົນ​ເຖິງ​ວັນທີ​ 16 ກຸມພາ​ນີ້​ ໄດ້ຮັບ​ຄະ​ແນນ​ສຽງ​ສະໜັບ​ສະໜູນ​ 50 ຕໍ່​ 49 ສຽງ​ ບໍ່​ເຖິງ​ 60 ສຽງ​ຕາມ​ກຳນົດ​. ຖື​ວ່າ​ເປັນ​ການ​ແຊ່​ແຂງ​ລັດຖະບານ​ສະຫະລັດ​ເທື່ອທຳອິດ​ທີ່ເກິດຂື້ນ​ໂດຍ​ທີ່ພັກລັດຖະບານ​ເປັນ​ຜູ້​ຄວບ​ຄຸມ​ທັງ​ສະພາ​ຄອງ​ເກຣສ ​ແລະ ທຳ​ນຽບ​ຂາວ​ ເຊິ່ງ​ຖື​ວ່າ​ເປັນ​ເລື່ອງ​ທີ່​ໜ້າ​ອັບ​ອາຍ​ສຳລັບ​ພັກ​ຣີພັບບຼິກັນ​ ແລະ ຍັງ​ເປັນ​ການ​ຖືກ​ແຊ່​ແຂງ​ທີ່​ກົງ​ກັບ​ວາລະ​ດຳ​ລົງ​ຕຳແໜ່ງ​ຄົບ 1 ປີ ຂອງປະ​ທາ​ນາ​ທິບໍ​ທ່ານ ​ໂດນັນ ທຣຳ​ ອີກດ້ວຍ.​

ການ​ທີ່​ລັດຖະບານ​ສະຫະລັດ​ຖືກ​ແຊ່​ແຂງ​ຈະ​ເຮັດໃຫ້​ໜ່ວຍ​ງານລັດ​ຫຼາຍ​ແຫ່ງ​ຕ້ອງ​ປິດ​ດຳເນີນງານ ແຕ່ໜ່ວຍ​ງານ​ທີ່​ໃຫ້​ບໍລິການ​ດ້ານ​ພື້ນ​ຖານ​ກັບ​ປະຊາຊົນ​ຍັງ​ຄົງດຳເນີນການ​ຕາມ​ປົກກະຕິ​ ເຊັ່ນ:​ ການ​ໄຟ​ຟ້າ​, ໄປ​ສະ​ນີ​​, ໂຮງ​ໝໍ​, ຄຸກ​, ໜ່ວຍ​ກູ້​ໄພ​, ການ​ຈະລາຈອນ​ທາງ​ອາ​ກາດ​ ແລະ ໜ່ວຍ​ງານ​ດ້ານ​ຄວາມໝັ້ນຄົງ​ ແຕ່​ໜ່ວຍ​ງານ​ອື່ນ​ໆ​ທີ່​ບໍ່​ໄດ້​ສົ່ງ​ຜົນ​ກະທົບ​ຕໍ່​ການ​ໃຊ້​ຊີວິດ​ຂອງ​ປະຊາຊົນ​ໂດຍ​ກົງ​ ເຊັ່ນ:​ ສວນ​ສາທາລະນະ​ ແລະ​ ອຸດ​ທະຍານ​ແຫ່ງ​ຊາດທົ່ວ​ສະຫະລັດ​ອາດ​ຕ້ອງ​ປິດ​ໃຫ້​ບໍລິການ​ ເຊິ່ງ​ກໍ​ຈະ​ສົ່ງ​ຜົນ​ກະທົບ​ຕໍ່​ການ​ທ່ອງ​ທ່ຽວ​ຂອງ​ສະຫະລັດ​ ແລະ ​ສ້າງ​ຄວາມ​ບໍ່​ພໍ​ໃຈ​ໃຫ້​ກັບ​ຄົນ​ອາ​ເມ​ຣິ​ກັນ​ຈຳນວນຫຼາຍ​ ຄືກັບ​ທີ່​ເຄຍ​ເກີດ​ຂຶ້ນ​ເມື່ອ​ລັດຖະບານ​ສະຫະລັດ​ຖືກ​ແຊ່​ແຂງ​ຄັ້ງຫຼ້າ​ສຸດ​ເມື່ອ​ປີ​ 2013 ເຊິ່ງ​ເກີດ​ຂຶ້ນ​ເປັນ​ເວລາ​ 16 ວັນ.​

ເຖິງແມ່ນວ່າໜ່ວຍ​ງານ​ດ້ານ​ຄວາມໝັ້ນຄົງ​ຈະ​ຍັງ​ຄົງ​ປະຕິບັດໜ້າທີ່​ຕາມ​ປົກກະຕິ​ ແຕ່​ງານ​ກໍ່​ສ້າງ ​ແລະ ​ງານ​ຝຶກ​ສອນ​ອົບຮົມ​ບຸກ​ລາກ​ອນ​ຂອງ​ກອງທັບ​ຈະ​ຖືກ​ສັ່ງ​ໃຫ້​ຢຸດ.​ ນອກ​ຈາກ​ນີ້​ ການ​ອອກ​ໜັງສື​ຜ່ານແດນໃຫ້​ກັບ​ຊາວ​ອາ​ເມ​ຣິ​ກັນ​ ແລະ ​ການ​ອອກ​ວີ​ຊາ​ໃຫ້​ຄົນ​ຕ່າງປະເທດ​ອາດ​ເກີດ​ຄວາມ​ຫຼ້າ​ຊ້າ​ໃນ​ຊ່ວງ​ແຊ່​ແຂງ​. ຄາດ​ວ່າ​ຈະ​ມີ​ເຈົ້າໜ້າທີ່ລັດ​ປະ​ມານ​ 850,000 ຄົນ​ ຈາກ​ທັງ​ໝົດ​ 3,500,000 ຄົນ​ ທີ່​ຕ້ອງ​ຢຸດ​ເຮັດວຽກ​ໂດຍ​ບໍ່​ມີ​ກຳນົດ​ ແລະ ​ບໍ່​ໄດ້ຮັບ​ຄ່າ​ຕອບ​ແທນ.​

ສາ​ເຫດ​ທີ່​ສະພາ​ຄອງ​ເກຣສ​ບໍ່​ຜ່ານ​ຮ່າງ​ກົດໝາຍ​ງົບ​ປະ​ມານ​ສະບັບ​ໃໝ່​ ແມ່ນຍ້ອນ​ວຸດທິ​ສະມາຊິກ​ຂອງ​ພັກ​ຣີພັບບຼິກັນ​ ແລະ ​ເດ​ໂມ​ແຄຣດ​ ບໍ່​ສາມາດ​ຕົກລົງ​ຫຼາຍ​​ປະ​ເດັນ​ຮ່ວມ​ກັນ​ໄດ້​ ໂດຍ​ສະເພາະ​ເລື່ອງ​ທີ່ພັກ​ເດ​ໂມ​ແຄຣດ​ຮຽກ​ຮ້ອງ​ໃຫ້​ເຫຼົ່າ​ຜູ້​ອົບພະຍົບ​ໄວເຍົາ ຫຼື ​ດ​ຣີມ​ເມີ​ (dreamer) ​ທີ່​ມີ​ຫຼາຍກວ່າ​ 700,000 ຄົນ​ ຕ້ອງ​ໄດ້ຮັບ​ການ​ປົກ​ປ້ອງ​ບໍ່​ໃຫ້​ຖືກ​ເນລ​ະເທດ​ອອກ​ນອກ​ສະຫະລັດ​ ເຊິ່ງ​ພັກ​ຣີພັບບຼິກັນ​ໃຊ້​ເລື່ອງ​ນີ້​ຕໍ່​ຮອງ​ເພື່ອ​ໃຫ້​ໄດ້​ງົບ​ປະ​ມານ​ມະຫາ​ສານ​ທີ່​ຈະ​ນຳ​ມາ​ໃຊ້​ຄວບ​ຄຸມ​ຊາຍແດນ​ໃຫ້​ເຂັ້ມ​ງວດຫຼາຍ​ຂຶ້ນ​ ລວມ​ທັງ​ໃຊ້​ໃນ​ການສ້າງ​ກຳ​ແພງ​ກັ້ນ​ແລວ​ຊາຍແດນ​ສະຫະລັດ​ ແລະ ​ເມັກ​ຊິ​ໂກອີກ​ດ້ວຍ.​

ການ​ເຈລະຈາ​ເລື່ອງ​ງົບ​ປະ​ມານ​ທີ່​ຈະ​ນຳ​ມາ​ໃຊ້​ຄວບ​ຄຸມ​ຊາຍແດນ​ຂອງ​ສະຫະລັດ​ກາຍ​ເປັນ​ເລື່ອງ​ທີ່​ຍາກ​ລຳ​ບາກ​ຫຼາຍ​ຂຶ້ນ​ ເມື່ອ​ ທ່ານ ​ທຣຳ​ ເອີ້ນ​ຜູ້​ອົບພະຍົບ​ໃນ​ສະຫະລັດ​ວ່າ “​ມາ​ຈາກ​ປະເທດ​ສົກກະປົກ”.​

ໂຄສົ​ກ​ຂອງ​ທຳ​ນຽບ​ຂາວ​ກ່າວ​ຫາພັກ​ເດ​ໂມ​ແຄຣດ​ວ່າ ​ກຳ​ລັງ​ໃຊ້​ປະຊາຊົນ​ສະຫະລັດ​ເປັນ​ຕົວ​ປະ​ກັນ​ເພື່ອ​ບີບ​ບັງຄັບ​ໃຫ້​ລັດຖະບານ​ເຮັດ​ຕາມ​ຂໍ້​ຮຽກ​ຮ້ອງ​ ແລະ ​ລັດຖະບານ​ສະຫະລັດ​ຈະ​ເລັ່ງ​ຫາ​ທາງ​ອອກ​ໃຫ້​ກັບ​ວິກ​ິດ​ການທີ່ເກິດຂື້ນ​.

 

ແຫລ່ງຂ່າວ : voicetv.co.th ແລະ ມ່ວນສະນຸກ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...