spot_img
Homeຂ່າວທ້ອງຖິ່ນປຊຊ ເມືອງໄກສອນຮ້ອງ ໃສ່ປຸ໋ຍແລ້ວເຂົ້າບໍ່ງາມ

ປຊຊ ເມືອງໄກສອນຮ້ອງ ໃສ່ປຸ໋ຍແລ້ວເຂົ້າບໍ່ງາມ

Published on

 

ທີມຂ່າວລາວໂພສຕ໌ໄດ້ຮັບການຮ້ອງຮຽນຈາກຊາວນາເມືອງໄກສອນພົມວິຫານ ແຂວງສະຫວັນນະເຂດວ່າ ຊາວໄຮ່ຊາວນາຫຼາຍຄອບຄົວປະສົບກັບບັນຫາເດືອນຮ້ອນຊື້ປຸ໋ຍມາໃສ່ນາແລ້ວເຂົ້າບໍ່ງາມເລີຍ ແຕ່ກົງກັນຂ້າມຖ້າຄອບຄົວໃດຂ້າມຂອງໄປຊື້ຝັ່ງມຸກດາຫານມາໃສ່ຈະເຮັດໃຫ້ເຂົ້າຂຽວງາມ ຕ່າງຈາກປຸ໋ຍທີ່ຊື້ຢູ່ພາຍໃນປະເທດທີ່ບາງຄອບຄົວໃສ່ໝົດໄປເຖິງ 8 ກະເປົາໃນນາ 1.5 ເຮັກຕາແລ້ວ ແຕ່ຕົ້ນເຂົ້າຍັງຄືເກົ່າບໍ່ມີການປ່ຽນແປງແຕ່ຢ່າງໃດເລີຍ ເຊິ່ງຕ່າງຈາກປີກາຍທີ່ໃສ່ປຸ໋ຍພຽງ 4 ກະເປົາເຂົ້າກໍຂຽວງາມແລ້ວ ໃນຂະນະທີ່ລາຄາປຸ໋ຍປີນີ້ກະເປົາລະ 240,000 ກີບ.

ຊາວນາທ່ານໜຶ່ງທີ່ໄດ້ຮັບຄວາມເດືອດຮ້ອນຕັ້ງຂໍ້ສົງໄສວ່າ: ຄົງຈະເປັນປຸ໋ຍປອມ ຫຼືບໍ່ກໍແມ່ນປຸ໋ຍເສຍຄຸນ ແຕ່ທີ່ໜ້າສັງເກດແມ່ນປຸ໋ຍທີ່ໃສ່ແລ້ວບໍ່ໄດ້ຜົນນັ້ນຈະມີຄວາມແຕກຕ່າງຢູ່ບ່ອນຫຍິບ ແລະນ້ຳໜັກປຸ໋ຍຈະໜັກກວ່າ. ຊາວນາທ່ານດັ່ງກ່າວກ່າວຕື່ມວ່າ: ຂ້ອຍສົງໄສວ່າເຂົາເຈົ້າໄປຊື້ເອົາກະສອບປຸ໋ຍເປົ່າທີ່ວາງຂາຍເພື່ອບັນຈຸເຂົ້າສານນັ້ນມາແລ້ວບັນຈຸປຸ໋ຍທີ່ບໍ່ມີຄຸນນະພາບຈຳໜ່າຍ ຈຶ່ງເຮັດໃຫ້ໃສ່ນາແລ້ວບໍ່ໄດ້ຜົນ ຫຼືບາງເທື່ອປຸ໋ຍອາດຈະໝົດອາຍຸກໍເປັນໄດ້. ດັ່ງນັ້ນ, ຈຶ່ງຢາກຮຽກຮ້ອງເຖິງຂັ້ນເທິງທີ່ກ່ຽວຂ້ອງ ລວມທັງເຈົ້າຂອງຜະລິດຕະພັນປຸ໋ຍດັ່ງກ່າວຮີບຮ້ອນລົງກວດກາ ແລະຫາວິທີຊ່ວຍເຫຼືອປະຊາຊົນໄວໆ ແດ່.

ປຸ໋ຍທີ່ມີວາງຂາຍຢູ່ສະຫວັນນະເຂດນັ້ນມີຢູ່ 2 ຍີ່ຫໍ້ ຄື ປຸ໋ຍກາກະຕ່າຍ ແລະກາຫົວງົວຄັນໄຖ ເປັນປຸຍທີ່ນຳເຂົ້າຈາກປະເທດໄທ ແລະກໍເປັນຄືກັນທັງສອງຍີ່ຫໍ້.

15_15_15_ 97

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...