ຕາມແຫຼ່ງຂ່າວຂອງຕ່າງປະເທດ ລາຍງານໃນວັນທີ 2 ກັນຍາ 2014 ຜ່ານມານີ້ວ່າ ມີຊາກປາຕາຍນັບໝື່ນໂຕ ກະຈາຍ
ເຕັມທະເລສາບທາງພາກຕາເວັນຕົກຂອງແມັກຊິກໂກ ໃນຊ່ວງອາທິດທີ່ຜ່ານມາ ໂດຍປະຊາຊົນໃນລັດຮາລີສໂກ ໄດ້ຮັບ
ຜົນກະທົບເປັນຈຳນວນກວ້າງຂວາງ ພາກັນຕຳນິວ່າ ເປັນການສ້າງມົນລະພິດຢ່າງໃຫຍ່ຫຼວງ ໂດຍມີຊາກປາກ່ວາ 50
ໂຕນ ຄວບຄຸມພື້ນຜິວທະເລສາບຍາວ 9 ກິໂລແມັດ ເຊິ່ງໄດ້ສົ່ງກິ່ນເໝັນກະຈາຍທົ່ວພື້ນທີ່ 2 ກິໂລແມັດ.
ທັງນີ້ ເຈົາໜ້າທີ່ດ້ານສິ່ງແວດລ້ອມ ແລະ ຊາວບ້ານໃນພື້ນທີ່ ຍັງບໍ່ສາມາດລະບຸສາເຫດຂອງເຫດການດັ່ງກ່າວ ແຕ່ກໍໄດ້
ສັນນິຖານວ່າ ອາດເກີດຈາກໂຮງງານອຸດສາຫະກຳ ແລະ ຟາມລ້ຽງສັດທີ່ຢູ່ໃກ້ກັບບໍລິເວນທະເລສາບ Cajititlan ຢູ່ທາງ
ພາກຕາເວັນຕົກຂອງປະເທດ ແຕ່ກໍຍັງບໍ່ທັນມີການກວດສອບທີ່ຊັດເຈນ.
