ງານ ASEAN Music Festival 2017 ທີ່ຈັດຂຶ້ນທີ່ ມາກາຕີ ແມັດໂຕຣ ມະນິລາ ປະເທດ ຟິລິປິນ ໃນຄ່ຳຄືນຂອງວານນີ້ (15 ພະຈິກ 2017 )ໂດຍມີ 9 ປະເທດສະມາຊິກອາຊຽນທີ່ໄດ້ຮັບເຊີນໄປເຂົ້າຮ່ວມງານສະແດງໃນຄອນເສີດ ASEAN Music Festival 2017 ກັບເຈົ້າພາບ ຟິລິບປິນ ແລະ ກໍ່ມີຕາງໜ້າ 1 ວົງສີລະປິນຈາກລາວຢ່າງ ວົງເຊລ ກໍ່ຖືກຮັບເຊີນໄປຮ່ວມງານໃນຄັ້ງນີ້.
ASEAN Music Festival 2017 ຕ້ອງໄດ້ຢຸດຕິການສະແດງທັງໝົດເນື່ອງຈາກມີຝູງຊົນຊາວຟິລິປິນຈຳນວນມະຫາສານກວ່າ 2-3 ໝື່ນຄົງລັ່ງໄຫລເຂົ້າຮ່ວມງານ ແຕ່ສະຖານທີ່ຈັດງານສາມາດບັນຈຸຜູ້ເຂົ້າຊົມໄດ້ພຽງ 1,000 ຄົນເທົ່ານັ້ນ.
ພາກສ່ວນຮັບຜິດຊອບຈັດງານໃນຄັ້ງນີ້ໄດ້ໃຊ້ເວລາກວ່າ 2 ຊົ່ວໂມງເພື່ອຄວບຄຸມສະຖານະການ ແລະ ຂໍໃຫ້ຜູ້ຊົມສ່ວນທີ່ເຫຼືອກັບບ້ານໄປ ແຕ່ກໍ່ບໍ່ເປັນຜົນ ແລະ ມີທ່າທີວ່າຄົນຈະລັ່ງໄຫລເຂົ້າມາຮ່ວມງານເພີ່ມຂຶ້ນເລື່ອຍໆ ດັ່ງນັ້ນ, ຈິ່ງເຮັດໃຫ້ທາງຜູ້ຈັດງານຕັດສິນໃຈຍົກເລີກງານ ແລະ ການສະແດງທັງໝົດ ພ້ອມທັງກ່າວຂໍໂທດສີລະປິນຈາກທຸກປະເທດທີ່ເດີນທາງມາຮ່ວມງານໃນຄັ້ງນີ້
https://www.facebook.com/sack.cells/videos/pcb.1537378066355179/1537375459688773/?type=3&theater
ຫຼັງຈາກນັ້ນ ທາງວົງເຊລ ນຳໂດຍ ສັກ ນັກຮ້ອງນຳຂອງວົງໄດ້ອອກມາໄລນ໌ສົດຜ່ານເຟສບຸກ Sack Cells Ratana-inthavong ເພື່ອຊີ້ແຈງໃຫ້ແຟນຄລັບຊາວລາວທຸກຄົນໄດ້ຮູ້ເຖິງເຫດຜົນທີ່ວົງເຊລບໍ່ໄດ້ຂຶ້ນຮ້ອງເພງລາວ ໂຊຊາວຟິລິປິນໃນເທື່ອນີ້ ແຖມຍັງຂຽນພາດຂໍ້ຄວາມແບບຂຳໆໄວ້ວ່າ: “ຊີວິດເຄີຍເຈິແຕ່ຝົນຕົກລະບໍ່ໄດ້ຫຼິ້ນ ເທື່ອນີ້ ມາພົບປະສົບການໃໝ່ “ຄົນລົ້ນງານ ບໍ່ໄດ້ຫຼິ້ນ”