ສ່ອງກະແສຊຸດປະຈຳຊາດ “Miss Universe Laos” ຍັງມາແຮງ ຫຼັງຈາກທາງກອງປະກວດໄດ້ປ່ອຍຮູບ ຂອງ ສຸພາພອນ ສົມວິຈິດ (ນຸ້ຍ) ມິສຢູນິເວຣີສລາວ 2017 ກັບຊຸດປະຈຳຊາດທີ່ຈະໃຊ້ປະກວດໃນເວທີ Miss Universe 2017 ກໍ່ຖືກກະແສວິພາກວິຈານຢ່າງໜັກຈາກສັງຄົມເຖິງຄວາມບໍ່ເໝາະສົມ ແລະ ປັດຈຸບັນກໍ່ມີຂ່າວລືອອກມາຢ່າງຕໍ່ເນື່ອງ ກ່ຽວກັບເລື່ອງຊຸດປະຈຳຊາດ ວ່າທາງກອງປະກວດຈະປ່ຽນຊຸດປະຈຳຊາດໃໝ່ ແຕ່ກໍ່ບໍ່ຮູ້ວ່າມັນຈະແມ່ນເລື່ອງແທ້ ຫຼື ບໍ່ ເພາະຕອນນີ້ຍັງບໍ່ມີການແຈ້ງການຢ່າງເປັນທາງການກ່ຽວກັບເລື່ອງນີ້ຈາກທາງເຟສບຸກເພຈ Miss Universe Laos ມີສຢູນີເວີຣສ ລາວ ເທື່ອ
ແລະ ເມື່ອວານນີ້ (13/11/2017) ມີເຈົ້າຂອງເຟສບຸກຊື່ວ່າ Soumphon Jaejin ໄດ້ເຜີຍຮູບຖ່າຍຊຸດທີ່ຈະໃຊ້ໃນງານ Miss Universe 2017 ແລະ ມີການຝາກຖາມສົ່ງທ້າຍ
“ຢາກໃຫ້ໃສ່ເປັນຊຸດປະຈຳຊາດ ຫຼື ຢາກໃຫ້ໃສ່ໃນງານສຳຄັນຂອງກອງປະກວດ ໂຫວດເລີຍ ກົດໄລ້ກົດແຊ ດ່ວນ…
(ງານນີ້ມີອີກ1ເຊີໄພ້ ອຸບໄວ້ກ່ອນ )”
ເມື່ອວານນີ້ທາງທີມງານບັນເທີງດາລາຂອງລາວໂພສໄດ້ລອງຕິດຕໍ່ໄປຫາ ແຕ່ກໍ່ບໍ່ສາມາດໂທເຂົ້າຫາໄດ້ ດັ່ງນັ້ນ, ຈິ່ງໄດ້ສົ່ງຂໍ້ຄວາມເຂົ້າໄປຖາມທາງກອງປະກວດທີ່ເຟສບຸກເພຈ Miss Universe Laos ມີສຢູນີເວີຣສ ລາວ ແຕ່ຍັງບໍ່ໄດ້ຮັບຄຳຕອບໃດໆກັບຄືນມາ ສະນັ້ນ ຂ່າວລືເລື່ອງການປ່ຽນຊຸດປະຈຳຊາດນີ້ຍັງບໍ່ທັນມີຂໍ້ສະຫຼຸບຊັດເຈນ ພວກເຮົາຄົງຕ້ອງລຸ້ນກັນຕໍ່ໄປ ຄາດວ່າເມື່ອເຖິງເວລາທາງກອງປະກວດຈະອອກມາປະກາດໃຫ້ຮູ້ດ້ວຍຕົນເອງ.
