spot_img
Homeຂ່າວນໍ້າຖ້ວມປະຊາຊົນຫວຽດນາມ ຮ່ວມບໍລິຈາກເງິນຊ່ວຍເຫຼືອຜູ້ປະສົບໄພນ້ຳຖ້ວມຢູ່ລາວ

ປະຊາຊົນຫວຽດນາມ ຮ່ວມບໍລິຈາກເງິນຊ່ວຍເຫຼືອຜູ້ປະສົບໄພນ້ຳຖ້ວມຢູ່ລາວ

Published on

ເພື່ອ​ເປັນ​ການ​ຊ່ວຍເຫຼືອ​ໃຫ້ກັບ​ຜູ້​ທີ່​ຖືກ​ເຄາະ​ຮ້າຍ​ຈາກ​ໄພ​ພິບັດ​ທາງ​ທຳ​ມະ​ຊາດ (ນ້ຳ​ຖ້ວມ) ໃຫ້​ບັນດາ​ແຂວງ​ພາກ​ກາງ ພາກເໜືອ ແລະ ພາກ​ໃຕ້ ທີ່​ໄດ້​ຮັບ​ຜົນກະທົບ​ຈາກ​ພະຍຸ​ສົງກາ ສະຖານທູດ ​ສສ ຫວຽດນາມ ປະຈຳ ​ສປປ ລາວ ຕາງໜ້າ​ໃຫ້​ບັນດາ​ຜູ້ຕາງໜ້າ​ຫວຽດນາມ ປະຈຳ​ລາວ ແລະ ປະຊາຊົນ​ຫວຽດນາມ​ອາໄສ​ຢູ່​ລາວ ໄດ້​ຮ່ວມ​ກັນ​ບໍລິຈາກເງິນ​ຊ່ວຍເຫຼືອ​ປະຊາຊົນ​ລາວ ຜູ້ຖືກ​ເຄາະ​ຮ້າຍ​ຈາກ​ພະຍຸ​ດັ່ງກ່າວ ຈຳນວນ 9.546 ໂດ​ລາ​ສະຫະລັດ ຫຼື ປະມານ 79 ລ້ານ​ກວ່າກີບ ນຳ​ມາ​ມອບ​ໃຫ້​ກະຊວງ​ແຮງງານ ແລະ ສະຫວັດດີ​ການ-ສັງຄົມ ເພື່ອ​ນຳໄປ​ຊ່ວຍເຫຼືອ​ຕໍ່ໃຫ້​ກັບຜູ້​ປະສົບ​ໄພພິບັດ​ດັ່ງກ່າວ.

ວັນ​ທີ 9 ຕຸລາ 2017 ທີ່​ກະຊວງ​ແຮງ​ງານ ແລະ ສະຫວັດດີການ-ສັງຄົມ ທ່ານ ຫວຽນ ແທງ ຕຸ່ງ ອຸປະ​ທູດ ​ສສ ຫວຽດນາມ ປະຈຳ ​ສປປ ລາວ ພ້ອມ​ຄະນະ ໄດ້​ນຳ​ເງິນ​ຈຳນວນ​ດັ່ງກ່າວ​ມາມອບ​ໃຫ້​ທ່ານ​ນາງ ໃບ​ຄຳ ຂັດ​ທິຍະ ຮອງ​ລັດຖະມົນຕີກະຊວງແຮງ​ງານ ແລະ ສະຫວັດດີ​ການ-ສັງຄົມ.

ໂອກາດ​ນີ້ ທ່ານ​ນາງ ໃບ​ຄຳ ຂັດ​ທິ​ຍະ ໄດ້​ກ່າວ​ສະແດງ​ຄວາມຂອບໃຈ​ຕໍ່​ລັດຖະບານ ​ສສ ຫວຽດນາມ ກໍ່​ຄື​ປະຊາຊົນ​ຫວຽດນາມທີ່​ອາໄສ​ຢູ່​ລາວ ທີ່​ໄດ້​ພ້ອມ​ກັນ​ບໍລິຈາກເງິນ​ຊ່ວຍເຫຼືອ​ປະຊາຊົນ​ຜູ້​ຖືກເຄາະ​ຮ້າຍ​ຈາກ​ໄພພິບັດ ແລະ ຈະ​ນຳ​ເອົາ​ເງິນ​ຈຳນວນ​ດັ່ງກ່າວ ໄປ​ນຳ​ໃຊ້​ໃຫ້​ເກີດ​ປະໂຫຍດ​ສູງ​ສຸດ ເຂົ້າ​ໃນ​ການ​ຊ່ວຍເຫຼືອ​ໃຫ້​ແກ່​ຜູ້ປະສົບ​ໄພ ພ້ອມ​ນັ້ນ ຍັງ​ຮຽກຮ້ອງເຖິງ​ພາກສ່ວນ​ຕ່າງໆ​ຮ່ວມ​ກັນ​ບໍລິ​ຈາກ​ເງິນ ຫຼື ວັດຖຸ​ສິ່ງ​ຂອງ ແລະ ເຄື່ອງ​ອຸປະໂພກບໍລິໂພກຕ່າງໆ ເພື່ອ​ຊ່ວຍເຫຼືອ​ໃຫ້​ກັບ​ຜູ້​ປະສົບ​ໄພ ກໍ່​ຄືເພື່ອ​ຟື້ນ​ຟູ​ບູລະນະ​ພື້ນຖານ​ໂຄງ​ລ່າງ ຖະໜົນ​ຫົນທາງ ແລະ ກະສິກຳ ກໍ່​ຄືການ​ຊື້​ແນວພັນ​ເພື່ອ​ໄປ​ມອບ​ໃຫ້​ປະຊາຊົນ​ທີ່ໄດ້​ຮັບ​ຜົນ​ກະທົບ.

 

ແຫລ່ງຂ່າວ: ໜັງສືພິມວຽງຈັນໃໝ່

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...