ໜ່ວຍກູ້ໄພ 1624 ລາຍງານວ່າ ເມື່ອເວລາ 18:36 ໂມງ ຂອງວັນທີ 30 ສິງຫາ 2017 ໄດ້ເກີດເຫດເຮືອແພຈົມ ທີ່ເຂດລ້ອງນ້ຳງື່ມ ບ້ານ ໄຮ່ ເມືອງ ໄຊທານີ ນະຄອນຫຼວງວຽງຈັນ

ມີລາຍງານວ່າ ເຮືອທີ່ຈົມນັ້ນເປັນເຮືອແພສ່ວນບຸກຄົນ ມີຜູ້ໂດຍສານໃນເຮືອ 6 ຄົນ (ຍິງ 3 ຊາຍ 3) ຫຼັງເກີດເຫດ 4 ຄົນສາມາດລອຍຂຶ້ນຝັ່ງໄດ້ ແລະ ອີກ 2 ຄົນ (ຍິງ 1 ຊາຍ 1) ຍັງສູນຫາຍ

ທາງດ້ານເຈົ້າໜ້າໜ່ວຍກູ້ໄພ ຫຼັງຈາກໄດ້ຮັບແຈ້ງຂ່າວກໍ່ຟ້າວມາທີ່ຈຸດເກີດເຫດ ແລະ ເລັ່ງຄົ້ນຫາຮ່າງຜູ້ສູນຫາຍ ແລະ ເຮືອແພທີ່ຈົມລົງແມ່ນ້ຳຕະຫຼອດທັງຄືນ ຈົນຮອດເວລາ 13:00 ໂມງ ຂອງວັນທີ 1 ກັນຍາ 2017 ມີລາຍງານຄວາມຄືບໜ້າວ່າ  ໄດ້ພົບເຮືອແພທີ່ຈົມລົງໄປແລ້ວ ແຕ່ຍັງບໍ່ສາມາດນຳຂຶ້ນມາໄດ້ ສ່ວນຮ່າງຜູ້ສູນຫາຍທັງສອງ ຕອນນີ້ຍັງບໍ່ມີວີ່ແວວ.

ແຫລ່ງຂ່າວ: ໜ່ວຍກູ້ໄພ 1624