spot_img
Homeຂ່າວພາຍ​ໃນຢູ 18 ລາວ ສ້າງຜົນງານຕົກຕໍ່າສຸດບໍ່ມີຈັກຄະແນນ ໃນບານເຕະຊີງແຊ້ມອາຊຽນ 2017

ຢູ 18 ລາວ ສ້າງຜົນງານຕົກຕໍ່າສຸດບໍ່ມີຈັກຄະແນນ ໃນບານເຕະຊີງແຊ້ມອາຊຽນ 2017

Published on

ທີມຊາດລາວ ຮຸ່ນອາຍຸບໍ່ເກີນ 18 ປີ ສ້າງຜົນງານຕົກຕໍ່າທີ່ສຸດເມື່ອບໍ່ສາມາດເກັບໄດ້ຈັກຄະແນນໃນການແຂ່ງຂັນບານເຕະຊາຍຊີງແຊ້ມອາຊຽນ 2017 ຮຸ່ນອາຍຸບໍ່ເກີນ 18 ປີ, ຈັດຂຶ້ນ ທີ່ປະເທດ ມຽນມາ ໃນລະຫວ່າງວັນທີ 4-17 ກັນຍາ 2017 ນີ້ ໂດຍມີ 11 ປະເທດເຂົ້າຮ່ວມແບ່ງອອກເປັນ 2 ກຸ່ມຄື:
– ກຸ່ມ A : ໄທ, ຕີມໍ ເລສເຕ, ມາເລເຊຍ, ສິງກະໂປ, ກຳປູເຈຍ ແລະ ລາວ.
– ກຸ່ມ B : ຫວຽດນາມ, ມຽນມາ, ອິນໂດເນເຊຍ, ບຣູໄນ, ຟີລິບປິນ.

ເມື່ອລົງສະນັດທີ 5 ຂອງກຸ່ມ A ໃນວັນທີ 12 ກັນຍາ ທີ່ຜ່ານມາ ເສຍໃຫ້ກັບ ທີມຊາດກໍາປູເຈຍ ໝົດທ່າ 1-4.

ຈາກຜົນດັ່ງກ່າວ ສົ່ງຜົນໃຫ້ ທີມຊາດລາວ ຢູ 18 ສ້າງປະຫວັດສາດຕໍ່ເນື່ອງ ຫຼັງກ່ອນໜ້ານີ້ເສຍໃຫ້ ຕີມໍ ເລັສເຕ 2-3 ເປັນຄັ້ງທໍາອິດ ແລະ ຈາກຜົນນັດລ້າສຸດ ຫຼື ນັດສຸດທ້າຍຂອງກຸ່ມ ທີ່ເສຍໃຫ້ ກໍາປູເຈຍ 1-4 ເຮັດໃຫ້ທີມຊາດລາວ ບໍ່ມີຈັກຄະແນນຖືເປັນຜົນງານທີ່ຕົກຕໍ່າທີ່ສຸດກວ່າ ທີມຊາດທຸກຊຸດທີ່ຜ່ານມາ.

ສະຫລຸບຜົນການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸ 18 ປີ ທີ່ ແຂວງ ຢາງກຸງ ປະເທດ ມຽນມາ.
ທີມຊາດລາວ ລົງແຂ່ງຂັນ 4 ນັດ ເສຍ 4 ນັດ ມີ 0 ຄະແນນ ເປັນອັນດັບ 6 ກຸ່ມ A.
ລາວ ເສຍ ມາເລເຊຍ 1-4
ລາວ ເສຍ ໄທ 1-2
ລາວ ເສຍ ສິງກະໂປ 0-3
ລາວ ເສຍ ຕິມໍ ເລສເຕ 2-3
ລາວ ເສຍ ກຳປູເຈຍ 1-4

 

 

ແຫລ່ງຂ່າວ: Sengaloun Sayalath

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...