spot_img
Homeຂ່າວພາຍ​ໃນປະຊາຊົນເຂດທ່າວຽງ ແຕກຕື່ນຂົນເຄື່ອງໜີນໍ້າ ຄາດວ່າຍ້ອນເຂື່ອນແຕກ

ປະຊາຊົນເຂດທ່າວຽງ ແຕກຕື່ນຂົນເຄື່ອງໜີນໍ້າ ຄາດວ່າຍ້ອນເຂື່ອນແຕກ

Published on

ປະຊາຊົນເຂດທ່າວຽງ ແຕກຕື່ນຂົນເຄື່ອງໜີນໍ້າ… ຫຼັງມີກະແສນໍ້າມະຫາສານໄຫລມາຖ້ວມບ້ານເຮືອນ ຄາດວ່າຍ້ອນເຂື່ອນແຕກ

ໃນຕອນບ່າຍຂອງວັນທີ 11 ກັນຍາ 2017 ປະຊາຊົນເຂດທ່າວຽງ ເມືອງທ່າໂທມ ແຂວງໄຊຊົມບູນ ໄດ້ແຕກຕື່ນປົບຕາຍເກືອບບໍ່ທັນ ເມື່ອມີກະແສນໍ້າມະຫາສານໄຫລລົ້ນເຂົ້າມາແບບບໍ່ທັນຕັ້ງໂຕ ແລະ ບໍ່ຮູ້ສາເຫດ.ແຕ່ປະຊາຊົນເຂດດັ່ງກ່າວ ຄາດຄະເນວ່າສາເຫດອາດມາຈາກເຂື່ອນແຕກ ສ່ວນການຄົມມະນາຄົມຂົນສົ່ງຈາກປາກຊັນໄປຊຽງຂວາງຕ້ອງເປັນອຳມະພາດ ທັນທີ່ ເຮັດໃຫ້ລົດຕິດຍາວຢຽດ.

ຈາກການໃຫ້ຂໍ້ມູນຈາກເຈົ້າໜ້າທີ່ທ້ອງຖິ່ນ ເມືອງທ່າໂທມ ໃຫ້ຮູ້ວ່າ ເກີດເຫດເຂື່ອນແຕກແທ້ ໃນຕອນສວາຍ ວັນທີ 11 ກັນຍາ 2017 ເປັນເຂື່ອນນ້ອຍທີ່ກຳລັງກໍ່ສ້າງຢູ່ເທິງເໜືອ ເຂື່ອນນໍ້າງຽບ 2 ຊື່ວ່າ ເຂື່ອນນໍ້າເອົ້າ.

ເຈົ້າໜ້າທີ່ກ່ຽວຂ້ອງແມ່ນກໍາລັງເລັ່ງກວດຫາສາເຫດທີ່ເຄື່ອນແຕກຢູ່, ສ່ວນຜົນກະທົບທີ່ມີຕໍ່ ປະຊາຊົນ ແລະ ພື້ນທີ່ ທີ່ກະແສນໍ້າພັດໄປນັ້ນເຫັນວ່າເສຍຫາຍຫຼາຍສົມຄວນ,​ ຈະຕ້ອງໄດ້ໃຊ້ເວລາໃນການສໍາຫຼວດ. ປະຈຸບັນ ບໍ່ທັນມີລາຍງານ ຜູ້ບາດເຈັບ ຫຼື ເສຍຊີວິດ.

ແຫລ່ງຂ່າວ: ລາຍການປິ່ນອ້ອມຂ່າວ ທາງວິທະຍຸ FM90.0MHz
ຮູບປະກອບຂ່າວ: ລາວອັບເດດ.

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...