spot_img
Homeຂ່າວທ້ອງຖິ່ນເມືອງພູຄູນ ເລັ່ງສຸມໃສ່ປະຕິບັດແຜນດຳເນີນງານ 9 ວຽກຈຸດສຸມໃນທ້າຍປີ

ເມືອງພູຄູນ ເລັ່ງສຸມໃສ່ປະຕິບັດແຜນດຳເນີນງານ 9 ວຽກຈຸດສຸມໃນທ້າຍປີ

Published on

ເຈົ້າເມືອງພູຄູນ ເໜັ້ນໃຫ້ຄະນະພັກ, ອົງການປົກຄອງແຕ່ລະຂັ້ນຕ້ອງທົບທວນຄືນ ຜົນການຈັດຕັ້ງປະຕິບັດວຽກງານ ແລະ ເປັນເຈົ້າການຊີ້ນຳ-ນຳພາບັນດາວຽກງານຢ່າງວອງໄວ ແລະ ມີຄຸນນະພາບ ໂດຍຖືເອົາໂຄງການດຳເນີນງານຂອງຄະນະບໍລິຫານງານພັກເມືອງພູຄູນ ສະໄໝທີ3 ໄລຍະແຕ່ປີ 2014-2019 ເປັນຕົວຊີ້ວັດ. ສະຫາຍ ວຽງທອງ ຫັດສະຈັນ ເລຂາຄະນະບໍລິຫານງານພັກເມືອງພູຄູນ ໄດ້ມີຄຳເຫັນຕໍ່ກອງປະຊຸມຄົບຄະນະບໍລິຫານງານພັກເມືອງພູຄູນ ຄັ້ງທີ 4 ສະໄໝທີ 3 ໃນທ້າຍເດືອນສິງຫາ ທີຜ່ານມາວ່າ: ເພືອຮັບປະກັນໃຫ້ການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ 7 ຂອງອົງຄະນະພັກແຂວງ ແລະ ມະຕິກອງປະຊຸມໃຫ່ຍຄັ້ງທີ 10 ຂອງພັກວ່າງອອກ ໃຫ້ບັນລຸຕາມຈຸດປະສົງ ແລະ ລະດັບຄາດໝາຍຕາມທິດທາງ ແລະ ຈຸດໝາຍທີ່ໄດ້ວ່າງໄວ້ ກອງປະຊຸມໃນຄັ້ງນີ້ໄດ້ສະຫຼຸບຕີລາຄາຢ່າງກົງໄປກົງມາຕໍ່ໝາກຜົນ ແລະ ຂໍ້ຄົງຄ້າງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໃນໄລຍະ 6 ເດືອນຜ່ານມາ ແລະ ໄດ້ຕົກລົງຮັບຮອງເອົາໂຄງການດຳເນີນງານຂອງຄະນະບໍລິຫານງານພັກເມືອງພູຄູນ ໄລຍະ 4 ເດືອນທ້າຍປີມີ 9 ວຽກງານ ທີ່ສຳຄັນຄື:

1. ກະກຽມໄຂສົກຮຽນໃໝ່ 2017-2018,
2. ຊຸກຍູ້ເກັບລາຍຮັບງົບປະມານປະຈໍາປີ2017,
3. ແກ້ໄຂປະກົດການຫຍໍ້ທໍ້ໃນສັງຄົມ,
4.ຊຸກຍູ້ສົງເສີມການຜະລິດເປັນສິນຄ້າ,
5. ຊຸກຍູ້ສົ່ງເສີມການບໍລິການ ແລະ ການທ່ອງທ່ຽວ,
6. ຄົ້ນຄວ້າວຽກງານກອງທຶນ,
7. ລົງປະເມີນເພືອປະກາດບ້ານພູວຽງນ້ອຍເປັນຕົວເມືອງນ້ອຍໃນຊົນນະບົດ,
8.ຈັດສັນທີ່ດິນຢູ່ບັນດາບ້ານພາຍໃນເມືອງ,
9.ຄົ້ນຄວ້າ, ແກ້ໄຂຄຳສະເໜີ, ຄຳຮ້ອງຕ່າງໆ

ຂ່າວ: ວັນທຽນ ຄຳທະສິດ ນັກຂ່າວທ້ອງຖິ່ນປະຈຳເມືອງພູຄູນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...