spot_img
Homeຂ່າວຕ່າງປະເທດເຮລິຄອບເຕີ້ UN ຖືກຍິງຕົກ ໃນຊູດານໃຕ້ ຫລັງບໍ່ສົນໃຈຄຳເຕືອນຂອງກຸ່ມຕິດອາວຸດ!

ເຮລິຄອບເຕີ້ UN ຖືກຍິງຕົກ ໃນຊູດານໃຕ້ ຫລັງບໍ່ສົນໃຈຄຳເຕືອນຂອງກຸ່ມຕິດອາວຸດ!

Published on

 

ເຮລິຄອບເຕີ້ລຳລຽງຂອງສະຫະປະຊາຊາດ ຖືກກຸ່ມຕິດອາວຸດຍິງຕົກໃນຊູດານໃຕ້ ມີຜູ້ເສຍຊີວິດ 3 ລາຍ

 

ເມື່ອວັນທີ 26 ສິງຫາ 2014 ຜ່ານມານີ້ ສຳນັກຂ່າວຕ່າງປະເທດ ໄດ້ລາຍງານວ່າ ເກີດເຫດເຮລິຄອບເຕີ້ລຳລຽງຂອງ

ສະຫະປະຊາຊາດ ຖືກກຸ່ມຕິດອາວຸດຍິງຕົກ ເນື່ອງຈາກມີການຝ່າຝືນຄຳເຕືອນຂອງກຸ່ມຕິດອາວຸດ ທີ່ຫ້າມບິນຜ່ານ

ເຂດນ່ານຟ້າດັ່ງກ່າວ ສົ່ງຜົນເຮັດໃຫ້ມີຜູ້ເສຍຊີວິດ 3 ຄົນ ແລະ ລອດຊີວິດມາໄດ້ 1 ຄົນ.

 

ເຫດການດັ່ງກ່າວ ເກີດຂຶ້ນເມື່ອວັນທີ 26 ສິງຫາ 2014 ທີຜ່ານມາ ໂດຍເຮລິຄອບເຕີ້ລຳລຽງລຸ້ນ Mi-8 ຂອງອົງການ

ສະຫະປະຊາຊາດ ຖືກກຸ່ມຕິດອາວຸດຍິງຕົກໃນປະເທດຊູດານໃຕ້ ໃນຂະນະທີ່ບິນເໜືອນ່ານຟ້າຂອງຊູດານໃຕ້ ໃກ້ໆ

ກັບເມືອງເບນທິວ ເຊິ່ງເປັນພື້ນທີ່ຂັດແຍ່ງລະຫວ່າງ ຜູ້ສະໜັບສະໜູນລັດຖະບານຊູດານໃຕ້ ແລະ ກຸ່ມຕິດອາວຸດ

ຈາກເຫດການດັ່ງກ່າວນີ້ ອົງການສະຫະປະຊາຊາດເຜີຍວ່າ ມີເຈົ້າໜ້າທີ່ເທິງເຮລິຄອບເຕີ້ ເສຍຊີວິດ 3 ຄົນ ແລະ

ລອດຊີວິດກັບມາໄດ້ 1 ຄົນ ໂດຍທັງໝົດເປັນຊາວຣັດເຊຍ.

 

ລາຍງານຂ່າວຍັງໄດ້ລະບຸອີກວ່າ ໜຶ່ງອາທິດກ່ອນໜ້ານີ້ ທ້າວ ປີເຕີ້ ກາເດດ ຫົວໜ້າຂອງກຸ່ມຕິດອາວຸດໃນຊູດານ

ໃຕ້ ໄດ້ສົ່ງຄຳເຕືອນເຖິງອົງການສະຫະປະຊາຊາດແລ້ວວ່າ ຫ້າມບິນຜ່ານນ່ານຟ້າດັ່ງກ່າວ ແຕ່ອົງການສະຫະປະຊາ

ຊາດໄດ້ຝ່າຝືນຄຳເຕືອນ ກຸ່ມຕິດອາວຸດດັ່ງກ່າວຈຶ່ງເປີດສາກຍິງເຮລິຄອບເຕີ້ຕົກ ດ້ວຍຂີປະນາວຸດພາກພື້ນດິນ,

ເຖິງຢ່ງາໃດກໍຕາມ  ສະຫະປະຊາຊາດກຳລັງສືບສວນເຫດການດັ່ງກ່າວນີ້ຢ່າງລະອຽດ.

 

ສຳລັບປະເທດຊູດານໃຕ້ ແມ່ນໄດ້ກາຍເປັນພື້ນທີ່ຂັດແຍ່ງກັນຮຸນແຮງ ນັບຕັ້ງແຕ່ເດືອນທັນວາ ປີ 2013 ທີ່ຜ່ານ

ມາແລ້ວ ໂດຍມີການໂຈມຕີກັນເປັນແຕ່ລະໄລຍະ ລະຫວ່າງກຸ່ມຕິດອາວຸດທີ່ສະໜັບສະໜູນ ອາດີດຮອງປະທານາ

ທິບໍດີ ຣິກ ມາຊາ ກັບກອງທະຫານຂອງຝ່າຍລັດຖະບານຂອງປະທານາທິບໍດີ ຊັນວາ ຄີ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...