spot_img
Homeອຸບັດເຫດແລະປາກົດການຫຍໍ້ທໍ້ລັກລອບຊື້ຂາຍເຮໂຣອິນ ຖືກຈັບດຳເນີນຄະດີ

ລັກລອບຊື້ຂາຍເຮໂຣອິນ ຖືກຈັບດຳເນີນຄະດີ

Published on

ໃນ​ວັນ​ທີ 12 ສິງຫາ 2017 ກົມ​ຕຳຫຼວດ​ສະກັດ​ກັ້ນ ແລະ ຕ້ານ​ຢາ​ເສບ​ຕິດ ກົມ​ໃຫຍ່​ຕຳຫຼວດ ກະຊວງ ​ປກສ ໄດ້​ເຂົ້າ​ຈັບຕົວ​ເປົ້າ​ໝາຍ 2 ຄົນ ທີ່​ຮ່ວມ​ລັກລອບ​ນັດ​ຊື້​ຂາຍ​ເຮ​ໂຣ​ອິນ ຢູ່​ຮ້ານອາຫານ​ແຫ່ງ​ໜຶ່ງ ເຂດ​ເມືອງຫາດ​ຊາຍ​ຟອງ ນະຄອນຫຼວງວຽງ​ຈັນ ພ້ອມ​ເຮ​ໂຣ​ອິນ 1 ຫໍ່ ໜັກ 380,9 ກຼາມ ແລ້ວ​ນຳ​ຕົວ​ໄປສອບ​ສວນ​ຂະຫຍາຍ​ຜົນ​ຫາ​ທີ່​ມາຂອງ​ເຮ​ໂຣ​ອິນ​ດັ່ງກ່າວ.

ເຈົ້າ​ໜ້າທີ່​ກົມ​ຕຳຫຼວດ​ສະກັດກັ້ນ ແລະ ຕ້ານ​ຢາ​ເສບ​ຕິດ​ໃຫ້​ຮູ້ວ່າ: ຜູ້​ຖືກ​ຫາ​ສອງ​ຄົນ​ຊື່​ທ້າວ ວັນທາ ອາຍຸ 29 ປີ ຢູ່​ບ້ານ​ຜົ້ງ​ສາລີ ເມືອງ ແລະ ແຂວງ​ຜົ້ງ​ສາລີ ແລະ ທ້າວ ໄມ​ແສງ ອາຍຸ 35 ປີ ຢູ່​ບ້ານ​ມອມ ເມືອງ​ຕົ້ນ​ເຜິ້ງ ແຂວງ​ບໍ່​ແກ້ວ ສ່ວນ​ຂອງ​ກາງ​ທີ່ຢຶດ​ໄດ້ ນອກຈາກ​ເຮ​ໂຣ​ອິນ​ແລ້ວ ຍັງ​ມີ​ລົດ​ໃຫຍ່ 1 ຄັນ ລົດຈັກ 1 ຄັນ ໂທລະສັບ​ມື​ຖື 1 ໜ່ວຍ ແລະ ເງິນ​ຈຳນວນ​ໜຶ່ງ.

ຜ່ານ​ການ​ສອບ​ສວນ ພວກກ່ຽວ​ໄດ້​ຮັບ​ສາລະພາບ​ວ່າ: ເຮ​ໂຣອິນ​ຈຳນວນ​ດັ່ງກ່າວ​ແມ່ນ​ຂອງພວກ​ກ່ຽວ​ແທ້ ເຊິ່ງ​ໄດ້​ຮ່ວມ​ກັນ​ຊື້ມາ​ຈາກ​ຜູ້​ຮ່ວມ​ຂະ​ບວນ​ການ​ນຳກັນ ​ເພື່ອ​ຈະ​ເອົາ​ໄປ​ຂາຍ​ຕໍ່ໃຫ້​ຜູ້ສັ່ງຊື້ ໂດຍ​ນັດ​ສົ່ງ​ໃຫ້​ກັນ​ຢູ່​ຮ້ານ​ອາຫານ​ແຫ່ງ​ໜຶ່ງ ເຂດ​ເມືອງ​ຫາດຊາຍ​ຟອງ ນະຄອນຫຼວງ​ວຽງ​ຈັນ ແຕ່​ບໍ່​ທັນ​ໄດ້​ຂາຍ​ຖືກ​ເຈົ້າ​ໜ້າທີ່ຕຳຫຼວດ​ຈັບ​ຕົວ​ກ່ອນ ປັດຈຸບັນ ຜູ້​ຖືກ​ຫາ​ທັງ​ສອງ​ຍັງ​ຢູ່​ໃນ​ຂັ້ນ​ຕອນ​ຂອງ​ການ​ສອບ​ສວນ​ຂະຫຍາຍຜົນ​ຫາ​ເຄືອ​ຂ່າຍ ກຸ່ມ​ແກ້ງ ເພື່ອນຳ​ຈັບ​ຕົວ​ມາ​ດຳເນີນ​ຄະດີ​ຕາມຂັ້ນ​ຕອນ​ຂອງ​ກົດໝາຍ.

 

ແຫລ່ງຂ່າວ: ໜັງສືພິມວຽງຈັນໃໝ່

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...