Homeຂ່າວພາຍ​ໃນປະຊາຊົນລາວຊົມເຊີຍການເຈລະຈາ ສອງນາຍົກ ລາວ-ກຳປູເຈຍ ບັນຫາຮ້ອນສອງປະເທດ

ປະຊາຊົນລາວຊົມເຊີຍການເຈລະຈາ ສອງນາຍົກ ລາວ-ກຳປູເຈຍ ບັນຫາຮ້ອນສອງປະເທດ

Published on

ພາຍຫຼັງເກີດຄວາມເຄັ່ງຕຶງຢູ່ຊາຍແດນລະຫວ່າງສອງປະເທດ ລາວ-ກຳປູເຈຍ ໃນເຂດແຂວງອັດຕະປືຂອງລາວແລະຊຽງແຕງຂອງກຳປູເຈຍ ຝ່າຍລາວຮຽກຮ້ອງໃຫ້ກຳປູເຈຍຢຸດສ້າງທາງໃນເຂດດັ່ງກ່າວເນື່ອງຈາກຍັງບໍ່ມີການປັກຫຼັກໝາຍ ແລະຝ່າຍກຳປູເຈຍໄດ້ຮຽກຮ້ອງໃຫ້ຖະຫານລາວຖອນອອກຈາກເຂດດັ່ງກ່າວພາຍໃນວັນທີ 13 ສິງຫາ ນີ້ເພື່ອປ້ອງກັນບໍ່ໃຫ້ມີການປະເຊີນໜ້າ ແຕ່ຝ່າຍລາວບໍ່ໄດ້ປະຕິບັດຕາມ.

ແນວໃດກໍຕາມ, ໃນທີ່ສຸດຄວາມເປັນມິດຕະພາບອັນເປັນມູນເຊື້ອລະຫວ່າງສອງປະເທດລາວ-ກຳປູເຈຍ ໄດ້ນຳມາເຊິ່ງການພົບປະເຈລະຈາລະຫວ່າງສອງນາຍົກ ລາວ-ກຳປູ ແບບຮີບດ່ວນ ທີ່ນະຄອນຫຼວງວຽງຈັນ ໃນຕອນເຊົ້າຂອງວັນທີ 12 ສິງຫາ 2017 ນີ້ ເພື່ອແກ້ໄຂບັນຫາເຄັ່ງຕຶງດັ່ງກ່າວ ແລະຜົນການພົບປະເຈລະນາກໍຈົບລົງດ້ວຍຜົນສຳເລັດ ເຊິ່ງສັງລວມໄດ້ດັ່ງນີ້: ສອງຝ່າຍໄດ້ປຶກສາຫາລືກັນຢ່າງກົງໄປກົງມາ ດ້ວຍຄວາມເປັນມິດ ເພື່ອບໍ່ໃຫ້ສະຖານະການໃນຂົງເຂດນັ້ນເຄັ່ງຕຶງ ຫລືໃຊ້ກຳລັງຕໍ່ກັນ; ສອງຝ່າຍ ໄດ້ຕົກລົງຖອນທະຫານອອກຈາກເຂດທີ່ມີບັນຫາທັງໝົດ, ພາຍຫລັງ ສົມເດັດຮຸນເຊນ ໄດ້ສັ່ງໃຫ້ຢຸດຕິການສ້າງເສັ້ນທາງເຂົ້າໄປເຂດດັ່ງກ່າວ ເພື່ຶອໃຫ້ສະຖານະການຢູ່ເຂດດັ່ງກ່າວເຂົ້າສູ່ສະພາບປົກກະຕິໂດຍໄວ, ສ້າງຄວາມເຊື່ອໝັ້ນໃຫ້ປະຊາຊົນທັງສອງປະເທດວ່າຈະບໍ່ມີເຫດການທີ່ບໍ່ເພິ່ງປາຖະໜາເກີດຂຶ້ນ; ສອງຝ່າຍ ໄດ້ປຶກສາຫາລື ແລະ ຕົກລົງກັນ ໃຫ້ຄະນະກຳມາທິການຊາຍແດນຂອງສອງປະເທດ ກໍຄືສອງກະຊວງການຕ່າງປະເທດ ສືບຕໍ່ປຶກສາຫາລືພົບປະເຈລະຈາແກ້ໄຂບັນຫາຊາຍແດນທີ່ຍັງບໍ່ທັນໄດ້ຕົກລົງປັກຫລັກໝາຍນຳກັນໃຫ້ສຳເລັດໄວ ເທົ່າທີ່ຈະໄວໄດ້.

ຜົນສຳເລັດຂອງການພົບປະເຈລະຈາດັ່ງກ່າວ ໄດ້ສ້າງຄວາມຊື່ນຊົມຍິນດີແກ່ປະຊາຊົນສອງຊາດ ໂດຍສະເພາະແມ່ນປະຊາຊົນລາວ ທີ່ຍາມໃດກໍຮູ້ສຶກມີຄວາມຮັກຄວາມຜູກພັນກັບປະຊາຊົນບັນດາປະເທດອ້ອມຂ້າງດ້ວຍດີສະເໝີມາ. ປະຊາຊົນລາວຊົມເຊີຍຕໍ່ຜົນສຳເລັດຂອງການພົບປະເຈລະຈາດັ່ງກ່າວ, ຮູ້ສຶກໂລ່ງໃຈ ແລະໝັ້ນໃຈຕໍ່ແນວທາງຂອງພັກແລະລັດຖະບານລາວ ກໍຄືເຊື່ອໝັ້ນຕໍ່ສາຍສຳພັນອັນດີງາມທີ່ເປັນມູນເຊື້ອຂອງສອງປະເທດ ກໍຄືປະຊາຊົນສອງຊາດ ຈະບໍ່ມີເຫດການໃດທີ່ຈະມາທຳລາຍບັນຍາກາດແຫ່ງຄວາມສະຫງົບຮົ່ມເຢັນຂອງຊາຍແດນສອງປະເທດລາວ-ກຳປູເຈຍ ຢ່າງແນ່ນອນ.

ລິດຈະນາ ງາມວິໄລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...