spot_img
Homeຂ່າວພາຍ​ໃນລັດຖະບານລາວປະກາດອັດສີດນັກກີລາລາວ ຖ້າຫາກຍາດຫຼຽນລາງວັນມາໄດ້

ລັດຖະບານລາວປະກາດອັດສີດນັກກີລາລາວ ຖ້າຫາກຍາດຫຼຽນລາງວັນມາໄດ້

Published on

ລັດຖະບານກໍ່ຄືກະຊວງສຶກສາທິການ ແລະ ກີລາ ປະກາດຈະໃຫ້ເງິນຊຸກຍູ້ແກ່ທັບນັກກີລາລາວ ໃນຈຳນວນ 22 ປະເພດ ຖ້າຫາກສາມາດຍາດໄດ້ຫຼຽນຄຳ

ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ສສກ ກ່າວໃນວັນທີ 07 ສິງຫາ 2017 ທີ່ຜ່ານມານີ້ ໃນພິທີຖະແຫຼງຂ່າວ ແລະ ປະກາດໃຫ້ເງິນລາງວັນໂບນັດແກ່ທັບນັກກີລາລາວ ທີ່ເຂົ້າຮ່ວມງານມະຫາກຳກີລາຊີເກມ ຄັ້ງທີ 29 ທີ່ປະເທດມາເລເຊຍ ລະຫວ່າງວັນທີ 19-30 ສິງຫາ 2017 ນີ້ວ່າ: ຖ້າຫາກນັກກີລາຄົນໃດຄົນໜຶ່ງ ຫຼື ປະເພດກີລາໃດໜຶ່ງສາມາດຍາດໄດ້ຫຼຽນຄຳ ລັດຖະບານພ້ອມຈະໃຫ້ລາງວັນເງິນສົດ ຫຼຽນລະ 25 ລ້ານກີບ ພ້ອມເງິນອັດສີດ 2,5 ລ້ານກີບ ແລະ ຫຼຽນໄຊແຮງງານຊັ້ນ 2, ສ່ວນຫຼຽນເງິນຈະໄດ້ຮັບລາງວັນເງິນສົດ 15 ລ້ານກີບ ພ້ອມເງິນອັດສີດ 2 ລ້ານກີບ ແລະ ຫຼຽນໄຊແຮງງານຊັ້ນ 3 ຂະນະທີ່ຫຼຽນທອງ ຈະໄດ້ຮັບລາງວັນເງິນສົດ 10 ລ້ານກີບ ພ້ອມເງິນອັດສີດ 1,6 ລ້ານກີບ ແລະ ຫຼຽນແຮງງານ ນອກຈາກນັ້ນບໍລິສັດ ເບຍລາວ ຈຳກັດ ຍັງປະກາດຈະໃຫ້ເງິນອັດສີດຫຼຽນຄຳ 8 ລ້ານກີບ, ຫຼຽນເງິນ 3 ລ້ານກີບ ແລະ ຫຼຽນທອງ 1 ລ້ານກີບ.

ສຳລັບບັນດາສະຫະພັນກີລາແຫ່ງຊາດທີ່ໃຫ້ການສະໜັບສະໜູນອັດສີດເງິນໃຫ້ນັກກີລາຂອງຕົນເອງນັ້ນມີ ສະຫະພັນກີລາບິນລຽດ-ສະນຸກເກີ ແຫ່ງຊາດ ປະກາດອັດສີດນັກກີລາ ຖ້າຫາກຍາດໄດ້

    • ຫຼຽນຄຳຈະໃຫ້ເງິນສົດ 50 ລ້ານກີບ
    • ຫຼຽນເງິນ 30 ລ້ານກີບ
    • ຫຼຽນທອງ 10 ລ້ານກີບ

ພ້ອມນັ້ນກໍ່ຍັງມີປະທານສະຫະພັນກີລາຢູໂດແຫ່ງຊາດ ຊຸກຍູ້ທັບນັກກີລາຕົນເອງ ເພື່ອສູ້ຊົນຍາດເອົາຫຼຽນຄຳຈຳນວນ 57 ລ້ານກີບ ແລະ 7 ພັນໂດລາສະຫະລັດ, ທ່ານຮອງປະທານສະຫະພັນເທຄວັນໂດແຫ່ງຊາດ ອຸປະຖຳກີລາ ເທຄັວນໂດ້ 5 ພັນໂດລາ, ທ່ານ ປະທານບໍລິສັດ ແສງເພັດເກັບກູ້ລະເບີດ ອຸປະຖຳກີລາກ໊ອຟ 130.000 ໂດລາ, ບໍລິສັດ ໄຟຟ້າລາວ ອຸປະຖຳກີລາກ໊ອຟ 30.000 ໂດລາ, ບໍລິສັດ ອີດີແອລເຈນ ຊຸກຍູ້ກີລາກ໊ອຟ 20.000 ໂດລາ ແລະ ທະນາຄານຮ່ວມພັດທະນາ ອຸປະຖຳກີລາກ໊ອຟ 10.000 ໂດລາ, ບໍລິສັດ ຜະລິດເຄື່ອງນຸ່ງກີລາຄົບວົງຈອນ ຫຍີ່ຫໍ້ FBT ຊຸກຍູ້ນັກກີລາລາວ 82 ລ້ານກີບ, ບໍລິສັດ ເບຍລາວ ຈຳກັດ 75 ລ້ານກີບ ແລະ ບັນດາພາກສ່ວນຕ່າງໆຊຸກຍູ້ອີກລວມມູນຄ່າ 358 ລ້ານກີບ, ສ່ວນກີລາບານເຕະແມ່ນຈະໄດ້ຮັບເງິນລາງວັນ 1 ຕື້ກີບ ຖ້າຫາກຜ່ານເຂົາຮອບຮອງຊະເລີດ .

 

ແຫລ່ງຂ່າວ: Sengaloun Sayalath

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...