spot_img
Homeຂ່າວເຫດການລັດຖະມົນຕີຕ່າງປະເທດລາວ ພົບປະກັບຄູ່ຮ່ວມຕຳແໜ່ງປະເທດເພື່ອນມິດ ຢູ່ນະຄອນຫລວງມານີລາ

ລັດຖະມົນຕີຕ່າງປະເທດລາວ ພົບປະກັບຄູ່ຮ່ວມຕຳແໜ່ງປະເທດເພື່ອນມິດ ຢູ່ນະຄອນຫລວງມານີລາ

Published on

ຂປລ. ໃນລະຫວ່າງການເຂົ້າຮ່ວມ ກອງປະຊຸມລັດຖະມົນຕີຕ່າງປະເທດອາຊຽນ (AMM) ຄັ້ງທີ 50 ແລະ ກອງປະຊຸມອື່ນໆ ທີ່ກ່ຽວຂ້ອງທີ່ນະຄອນຫລວງມານີລາ ປະເທດຟິລິບປິນ ແຕ່ວັນທີ 4-8 ສິງຫາ 2017, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ພົບປະກັບຄູ່ຮ່ວມຕຳແໜ່ງ ຈາກປະເທດເພື່ອນມິດຈຳນວນໜຶ່ງ. ​ໃນ​ນີ້, ​ໄດ້​ພົບ​ປະ​ກັບ ທ່ານ ຟ້າ​ມ ບິ່ງ ມິ​ງ, ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ຕ່າງປະ​ເທດ ​ແຫ່ງ ສສ ຫວຽດນາມ ພ້ອມ​ດ້ວຍ​ຄະນະ ​ໃນ​ວັນ​ທີ 5 ສິງຫາ 2017; ພົບ​ປະ​ກັບ​ ທ່ານ ຫວັງ ອີ້, ລັດຖະມົນຕີ​ກະຊວງ​ການ​ຕ່າງປະ​ເທດ ​ແຫ່ງ ສປ ຈີນ ​ແລະ ຄະນະ ​ໃນ​ວັນ​ທີ 6 ສິງຫາ 2017; ພົບ​ປະ​ກັບ ທ່ານ ຣາວີ ກາຣູນານາ​ຢາ​ເກ, ລັດຖະມົນຕີ​ກະຊວງ​ການ​ຕ່າງປະ​ເທດສີ​ລັງກາ ​ແລະ ທ່ານ ​ເມ​ບລູດ ກາ​ວູ​ໂຊກ​ລູ, ລັດຖະມົນຕີ​ກະຊວງ​ການ​ຕ່າງປະ​ເທດຕວກ​ກີ ພ້ອມ​ດ້ວຍ​ຄະນະ.

ການພົບປະຄັ້ງ​ນີ້, ທັງ​ສອງ​ຝ່າຍ​ໄດ້​ປຶກສາ​ຫາລື, ​ແລກປ່ຽນຄວາມ​ຄິດ​ຄວາມເຫັນ ​ແລະ ທັດສະນະ​ຕ່າງໆ ກ່ຽວກັບ​ການ​ຊຸກຍູ້​ສົ່ງ​ເສີມ ​ແລະ ຮັດ​ແໜ້ນ ການ​ພົວພັນ​ຮ່ວມ​ມື​ທີ່​ດີ ລະຫວ່າງ ສ​ປປ ລາວ ​ແລະ ບັນດາ​ປະ​ເທດ​ອາຊຽນ ກໍ​ຄື​ບັນດາ​ປະ​ເທດ​ເພື່ອນ​ມິດ ​ໃຫ້​ສືບ​ຕໍ່​ຂະຫຍາຍຕົວ​ຍິ່ງໆຂື້ນ ​ແລະ ​ເປັນ​ການ​ຊຸກຍູ້​ສົ່ງ​ເສີມ​ສັນຕິ​ພາບ, ຄວາມຫມັ້ນຄົງ ​ແລະ ການ​ພັດທະນາ​ເສດຖະກິດ-​ສັງຄົມ ​ໃນ​ພາກ​ພື້ນ ​ແລະ ສາກົນ. ການ​ພົບ​ປະ​ສອງ​ຝ່າຍ​ຄັ້ງ​ນີ້ ​ໄດ້​ດຳ​ເນີນ​ໄປ​ດ້ວຍ​ບັນຍາກາດ​ອັນ​ອົບ​ອຸ່ນ, ມິດຕະພາບ, ຄວາມ​ເຂົ້າອົກ​ເຂົ້າ​ໃຈ ​ແລະ ​ເປັນ​ກັນ​ເອງ​ຂອງ​ທັງ​ສອງ​ຝ່າຍ.

 

ແຫລ່ງຂ່າວ: ຂປລ

 

ບົດຄວາມຫຼ້າສຸດ

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...