ທ້າວ ຫຼິວ ຫຼິງເສົາ ປັດຈຸບັນອາຍຸ 40 ປີ ຊາວກວງຊີ ບ້ານເກີດທີ່ໝູ່ບ້ານ ຖັນໂຖ ທົງອັນ ເມືອງ ຫຼົງເສິງ ລາວໄດ້ອອກຈາກບ້ານເກີດເມື່ອ 20 ປີກ່ອນ ເພື່ອມາຊອກວຽກເຮັດທີເຂດເຊິນເຈິ້ນ ແລ້ວມີວັນໜຶ່ງເມື່ອ 5 ປີກ່ອນລາວຄິດຈະກັບບ້ານເກີດ ແລະ ຕ້ອງເດີນທາງໄກ ດັ່ງນັ້ນລາວຈຶ່ງໄດ້ສ້າງຕູບໄມ້ໄຜ່ ທີ່ໜັກກວ່າ 60 ກິໂລກຣາມ ໄວ້ພັກໃນລະຫວ່າງການເດີນທາງ ລາວໄດ້ແບກຕູບນ້ອຍອອກເດີນທາງຈາກເມືອງໃຫຍ່ກວາງຕຸ້ງ ກັບບ້ານເກີດທີ່ກ່ວງຊີ ຕັ້ງແຕ່ 5 ປີກ່ອນ ຫຼ້າສຸດເຫຼືອໄລຍະທາງພຽງ 20 ກິໂລແມັດກໍ່ຈະຍ່າງຮອດບ້ານຂອງເຂົາແລ້ວ ຕາມໄລຍະທາງລາວໄດ້ເກັບເສດອາຫານຕາມຖັງຂີ້ເຫຍື້ອກິນແຕ່ລະມື້ເພື່ອປະຄອງຊີວິດໃຫ້ຢູ່ລອດ
ຕະຫຼອດການເດີນທາງລາວບໍ່ເຄີຍຂໍຄວາມຊ່ວຍເຫຼືອຈາກໃຜ ເຖິງແມ່ນວ່າຈະມີຜູ້ສະເໜີເຂົ້າມາຊ່ວຍເຫຼືອລາວກໍ່ຕາມ ແຕ່ລາວກໍ່ປະຕິເສດ ແລະ ເຂົາຍັງຢືນຍັນວ່າຈະແບກຫາບຕູບທີ່ລາວເຮັດນີ້ກັບບ້ານເກີດຂອງລາວພ້ອມ ໃນໄລຍະ 5 ປີ ຕູບໄດ້ເປ້ເພ ແລະ ປ່ຽນໄປ 3 ຫຼັງແລ້ວ
