ເກີດເຫດແຜ່ນດິນໄຫວໃນກາລິຟໍເນຍ ສະຫະລັດອາເມຣິກາ ຂະໜາດ 6.0 ຣິກເຕີ້ ພົບຜູ້ບາດເຈັບນັບຮ້ອຍ ແລະ
ບາດເຈັບສາຫັດ 2 ຄົນ, ທໍ່ສົ່ງແກັດ, ນ້ຳປະປາ ແລະ ບ້ານເຮືອນພັງທະລາຍ ຮຸນແຮງທີ່ສຸດໃນຮອບ 25 ປີ.
ສຳນັກຂ່າວຕ່າງປະເທດລາຍງານວ່າ ເກີດເຫດແຜ່ນດິນໄຫວ ວັດຄວາມແຮງໄດ້ຂະໜາດ 6.0 ຣິກເຕີ້ ໃນເວລາ
03:20 ໂມງ ຂອງວັນອາທິດທີ 24 ສິງຫາ 2014 ທີ່ຜ່ານມາ (ຕາມເວລາໃນທ້ອງຖິ່ນ) ໂດຍມ່ີຈຸດສູນກາງຂອງແຜ່ນ
ດິນໄຫວ ຢູ່ຫ່າງຈາກ ອາເມຣິກັນ ແຄນຢອນ ໄປທາງຕາເວັນຕົກສ່ຽງເໜືອ ພຽງແຕ່ 6 ກິໂລແມັດ ເຊິ່ງເປັນເຫດ
ແຜ່ນດິນໄຫວທີ່ຮຸນແຮງທີ່ສຸດໃນຮອບ 25 ປີ ສົ່ງຜົນໃຫ້ມີຜູ້ໄດ້ຮັບບາດເຈັບຮ້ອຍກ່ວາຄົນ ອາການສາຫັດ 2 ຄົນ
ແລະ ອາຄານບ້ານເຮືອນເຂດອ່າວຟຣານຊານຟຣານຊິສໂກ ໄດ້ຮັບຄວາມເສຍຫາຍໜັກໜ່ວງກ່ວາໝູ່ ໂດຍອ່າວ
ຟຣານຊານຟຣານຊິສໂກ ຫຼື Bay Area ທາງຕອນເໜືອຂອງລັດກາລິຟໍເນຍ ຖືເປັນພື້ນທີ່ເຊິ່ງໄດ້ຮັບຄວາມເສຍ
ຫາຍໜັກທີ່ສຸດ ຈາກເຫດແຜ່ນດິນໄຫວໃນຄັ້ງນີ້.
ດ້ານເຈົ້າໜ້າທີ່ທາງການຂອງເມືອງເນປາ ລາຍງານວ່າ ແຮງສັ່ນສະເທືອນຂອງແຜ່ນດິນໄຫວ ເຮັດໃຫ້ປະຊາຊົນ
ແຕກຕື່ນຕົກໃຈ ຮີບອອກມາຈາກບ້ານເຮືອນມາຢູ່ຕາມຖະໜົນ, ອີກທັງຍັງເປັນເຫດເຮັດໃຫ້ລົດ 4 ຄັນພັງເສຍ
ຫາຍ ໃນຂະນະທີ່ທໍ່ສົ່ງແກັສສາຍຫຼັກເກີດຮອຍແຕກ ປະມານ 50 ຈຸດ ແລະ ຍັງເຮັດໃຫ້ທໍ່ສົ່ງນ້ຳປະປາແຕກປະ
ມານ 30 ຈຸດ, ບັນດາຕຶກເກົ່າແກ່ບູຮານ 3 ຫຼັງໃນເມືອງນາປາ ໄດ້ຮັບຄວາມເສຍຫາຍ ແລະ ບ້ານເຮືອນຂອງປະ
ຊາຊົນກ່ວາໝື່ນຫຼັງບໍ່ມີໄຟຟ້າໃຊ້.