spot_img
Homeຂ່າວພາຍ​ໃນປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ

ປະທານສະພາເນັ້ນຕ້ອງຊົດເຊີຍໃຫ້ຜູ້ໄດ້ຮັບຜົນກະທົບຈາກໂຄງການທາງລົດໄຟຢ່າງຍຸຕິທໍາ

Published on

ວັນທີ 30 ກໍລະກົດ 2017 ນີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມປະຊາຊົນ ບ້ານບວມອໍ້, ເມືອງຊຽງເງິນ ໂດຍມີ ທ່ານ ສາຍສະໝອນ ທິດາກອນ ເຈົ້າເມືອງຊຽງເງິນ, ອົງການປົກຄອງບ້ານແລະພໍ່-ແມ່ປະຊາຊົນໃຫ້ການຕ້ອນຮັບ ແລະ ເຂົ້າຮ່ວມຮັບຟັງ 100 ກວ່າຄົນ.

ທ່ານ ສາຍສະໝອນ ທິດາກອນ ເຈົ້າເມືອງຊຽງເງິນກໍໄດ້ລາຍງານສະພາບໂດຍຫຍໍ້ຕໍ່ ທ່ານ ປະທານສະພາແຫ່ງຊາດຮັບຊາບກ່ຽວກັບຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ ວ່າ ບ້ານ ບວມອໍ້ ເປັນບ້ານຊົນເຜົ່າກຶມມຸ, ມີຈຳນວນ 98 ຄອບຄົວ 102 ຫລັງຄາ, ພົນລະເມືອງທັງໝົດ 404 ຄົນ, ຍິງ 206 ຄົນ, ຖືກຜົນກະທົບຈາກໂຄງການກໍ່ສ້າງງທາງລົດໄຟລາວ-ຈີນ ມີເນື້ອທີ່ດິນທັງໝົດ 3 ກວ່າເຮັກຕາ ໃນນີ້ມີດິນຂອງປະຊາຊົນ 94 ຕອນ ເນື້ອທີ່ 32.00 ກວ່າຕາແມັດ ດິນລວມບ້ານເຊັ່ນ: ໂຮງຮຽນ, ສະໂມສອນ ແລະ ດິນສາທາລະນະຈຳນວນ 3 ຕອນ ເນື້ອທີ່ 4.119 ຕາແມັດ; ຜົນກະທົບດ້ານສິ່ງປຸກສ້າງ ມີເຮືອນ 102 ຫລັງ ເຊິ່ງເປັນເຮືອນຖາວອນ 55 ຫລັງ, ເຄິ່ງຖາວອນ 33 ຫລັງ, ປະຖົມປະຖານ 11 ຫລັງ, ໂຮງຮຽນປະຖົມສົມບູນ 1 ແຫ່ງ ແລະ ສະໂມສອນບ້ານ 1 ຫລັງ; ຜົນກະທົບດ້ານເຄື່ອງປູກຂອງຝັງປະເພດໄມ້ໃຫ້ໝາກ 639 ຕົ້ນ, ໄມ້ອຸດສາຫະກຳ 591 ຕົ້ນ ແລະ ອື່ນໆ. 

ໂອກາດດັ່ງກ່າວນີ້ ທ່ານ ປະທານສະພາແຫ່ງຊາດ ກໍໄດ້ມີຄຳຖາມເຈາະຈິ້ມຕື່ມກ່ຽວກັບຄວາມຮັບຮູ້ຂອງປະຊາຊົນຕໍ່ການປະຕິບັດໂຄງການກໍ່ສ້າງທາງລົດໄຟລາວ-ຈີນ ພ້ອມທັງໄດ້ທິດຊີ້ນໍາໃນການປະຕິບັດໂຄງການຢູ່ທ້ອງຖີ່ນເມືອງຊຽງເງິນ, ໂດຍສະເພາະແມ່ນການປະຕິບັດວຽກງານຊົດເຊີຍຜົນກະທົບໃຫ້ແກ່ປະຊາຊົນ ຕ້ອງປະຕິບັດຕາມດຳລັດຂອງນາຍົກລັດຖະມົນຕີວ່າດ້ວຍການແກ້ໄຂຜົນກະທົບຈາກໂຄງການກໍ່ສ້າງທາງລົດໄຟລາວ-ຈີນ, ໃນນັ້ນຕ້ອງຊົດ ເຊີຍໃຫ້ປະຊາຊົນຢ່າງຮັບປະກັນ, ມີຄວາມຖຶກຕ້ອງ, ໂປງໃສ ແລະ ຍຸຕິທຳ. ນອກນັ້ນຍັງໄດ້ຮຽກຮ້ອງໃຫ້ພາກສວນທີ່ກ່ຽວຂ້ອງ ເປັນຕົ້ນແມ່ນການນຳຂອງແຂວງ, ເມືອງ ພາຍຫລັງທີ່ສຳເລັດການຍົກຍ້າຍແລ້ວ ຕ້ອງຮີບຮ້ອນຈັດສັນພື້ນທີ່ທຳການຜະລິດໃຫ້ແກ່ປະຊາຊົນໂດຍດ່ວນ.

 

ແຫລ່ງຂ່າວ: ສຳນັກສານປະເທດລາວ

ບົດຄວາມຫຼ້າສຸດ

ທ່ານ ງາມປະສົງ ເມືອງມະນີ ລັດຖະມົນຕີກະຊວງ (ຍທຂ) ຊີ້ແຈງສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນ

ສືບຕໍ່ແກ້ໄຂຜົນກະທົບຈາກໂຄງການທາງລົດໄຟລາວ-ຈີນທີ່ຍັງບໍ່ທັນສໍາເລັດ 16 ໜ້າວຽກ ໃນວາລະການດຳເນີນກອງປະຊຸມໃນກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ທ່ານ ງາມປະສົງ ເມືອງມະນີ ລັດຖະມົນຕີກະຊວງໂຍທາທິການ ແລະ ຂົນສົ່ງ...

ແຕ່ງຕັ້ງ ທ່ານ ພອນວິໄລ ແກ້ວບຸນສານ ເປັນຮັກສາການຫົວໜ້າຄະນະຄຸ້ມຄອງດ່ານສາກົນແດນສະຫວັນ.

ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ ວັນທີ 10 ມີຖຸປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນນາ 2025 ຜ່ານມາ, ດ່ານສາກົນແດນສະຫວັນ ແຂວງສະຫວັນນະເຂດ ໄດ້ປະກາດຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງຂອງດ່ານສາກົນແດນສະຫວັນ,...

ຖວທ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ

ຖວທ ສະຫຼຸບການປະຕິບັດວຽກງານ ແລະ ເຜີຍແຜ່ແຈ້ງການກ່ຽວກັບການປັບປຸງກົງຈັກ - ບຸກຄະລາກອນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານໃນໄລຍະຜ່ານມາ, ພ້ອມທັງເຜີຍແຜ່ແຈ້ງການກ່ຽວກັບການປັບປຸງກົງຈັກ ແລະ ບຸກຄະລາກອນ...

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...