spot_img
Homeຂ່າວການສຶກສານັກຮຽນ ມ 7 ຫລາຍກວ່າ 18.000 ກວ່າຄົນມຸ່ງໜ້າເຂົ້າສະໜາມຮົບສອບເສັງເຂົ້າ ມຊ

ນັກຮຽນ ມ 7 ຫລາຍກວ່າ 18.000 ກວ່າຄົນມຸ່ງໜ້າເຂົ້າສະໜາມຮົບສອບເສັງເຂົ້າ ມຊ

Published on

ຕອນເຊົ້າຂອງມື້ນີ້ວັນທີ 25 ກໍລະກົດ 2017 ນີ້, ນັກຮຽນ ມ 7 ປະມານ 18.000 ກວ່າຄົນຈະມຸ່ງໜ້າເຂົ້າຫ້ອງສອບເສັງເຂົ້າມະຫາວິທະຍາໄລໃນທົ່ວປະເທດຢ່າງເປັນທາງການ ຂະນະທີ່ ກະຊວງສຶກສາທິການ ແລະ ກິລາຍັງບໍ່ມີການເປີດເຜີຍຕົວເລກຮັບເອົານັກຮຽນ-ນັກສຶກສາເຂົ້າຮຽນຢູ່ມະຫາວິທະຍາໄລແຫ່ງຊາດແຫ່ງຕ່າງໆທົ່ວປະເທດສໍາລັບສົກປີ 2017-2018 .

ເຈົ້າໜ້າທີ່ ແລະ ຄູອາຈານຢູ່ມະຫາວິທະຍາໄລແຫ່ງຊາດໄດ້ເປີດເຜີຍໃນວັນທີ 24 ກໍລະກົດ 2017 ນີ້ວ່າ: ປັດຈຸບັນນີ້ ມະຫາວິທະຍາໄລແຫ່ງຕ່າງໆທົ່ວປະເທດຍັງບໍ່ຮັບຮູ້ກ່ຽວກັບຕົວເລກຮັບເອົານັກຮຽນເຂົ້າໃນສະຖາບັນຂອງພວກຕົນເອງເທື່ອ ເນື່ອງຈາກວ່າກະຊວງສຶກສາທິການ ແລະ ກິລາຍັງປຶກສາຫາລື ແລະ ພິຈາລະນາຄວາມເປັນໄດ້ແຕ່ລະດ້ານຢູ່.

ຫວ່າງບໍ່ດົນມານີ້, ມະຫາວິທະຍາແຫ່ງຊາດໄດ້ມີແຈ້ງການສອບເສັງເຂົ້າຮຽນທີ່ ມຊ ສົກສຶກສາ 2017-2018 ດັ່ງນີ້ວ່າ ນັບແຕ່ວັນທີ 28 ມິຖຸນາ 2017 ເລີ່ມຂາຍຄໍາຮ້ອງສະໝັກສອບເສັງ, ວັນທີ 19 ກໍລະກົດ 2017 ຈະໄດ້ປິດຮັບຄໍາຮ້ອງລົງທະບຽນສະໝັກສອບເສັງ ແລະ ວັນທີ 25 ກໍລະກົດ 2017 ເປັນວັນສອບເສັງຢ່າງເປັນທາງການ. 

ແນວໃດກໍດີ ສໍາລັບສົກຮຽນປີ 2016-2017 ນີ້ ມີນັກມັດທະຍາຍົມຕອນປາຍ ຫລື ມ 7 ທົ່ວປະເທດສອບເສັງຈົບຊັ້ນປະມານ 60.000 ກວ່າຄົນ. 

ໃນສົກຮຽນ 2015-2016 ຜ່ານນີ້ມີນັກຮຽນມັດທະຍົມຕອນປາຍ ຫລື ມ 7 ທົ່ວປະເທດສອບເສັງຈົບຊັ້ນປະມານ 50.000 ຄົນ ແລະ ລົງທະບຽນເສັງເຂົ້າມະຫາວິທະຍາໄລແຫ່ງຕ່າງໆປະມານ 17.000 ຄົນ ແຕ່ຮັບເອົາມີພຽງ 5.000 ຄົນເທົ່ານັ້ນເຂົ້າຮຽນຢູ່ໃນລະດັບມະຫາວິທະຍາໄລ ສ່ວນເຫຼືອແມ່ນໃຫ້ໄປຮຽນວິຊາຊີບ.

ສົກຮຽນຜ່ານມານີ້, ໂດຍອີງໃສ່ສະຖິຕິນັກຮຽນທີ ຈົບ ມ7 ໃນທົ່ວປະເທດ ມີ 50 ພັນຄົນ ສະເພາະນະຄອນຫຼວງວຽງຈັນມີ 9 ພັນກວ່າຄົນ. ສະນັ້ນ ຈາກສະຖິຕິດັ່ງກ່າວ ຈຶ່ງສາມາດເວົ້າໄດ້ວ່ານັກສຶກສາມີອັດຕາເພີ່ມຂຶ້ນກວ່າປີຜ່ານມາ ເນື່ອງຈາກສົກຮຽນນີ້, ມີນັກຮຽນເຂົ້າມາສອບເສັງເຖິງ 17-18 ພັນຄົນ ແລະ ສູນສອບເສັງແມ່ນແບ່ງອອກເປັນ 18 ຈຸດສອບເສັງ. ໃນນັ້ນ, ວິທະຍາເຂດດົງໂດກແມ່ນມີ 12 ຈຸດ ແລະ ທັງ 12 ຈຸດນັ້ນໄດ້ແຕ່ງຕັ້ງຄະນະກຳມະການຮັບຜິດຊອບ ໂດຍໄດ້ກຳນົດໃນການບໍລິຫານຄຸ້ມຄອງການສອບເສັງ ແລະອີກ 6 ຈຸດສອບເສັງແມ່ນ ຢູ່ໂສກປ່າຫຼວງຄື: 1. ຄະນະນິຕິສາດ ແລະລັດຖະສາດ (ດອນນົກຂຸ້ມ), 2. ວິທະຍາໄລເຕັກນິກຊັບພະວິຊາ, 3. ຄະນະວິສະວະກຳສາດ, ແລະອີກ 3 ຈຸດສອບເສັງແມ່ນຢູ່ໂຮງຮຽນ ມັດທະຍົມສົມບູນ ວຽງຈັນ, ໂຮງຮຽນມິດຕະພາບລາວ-ຫວຽດນາມ (ຫຼັກ 5), ມັດທະຍົມປາຍ ມິດຕະພາບວຽງຈັນໂຮ່ຈີ່ມິນ, ສ່ວນຫ້ອງສອບ ເສັງແມ່ນບັນຈຸຫ້ອງລະ 20 ຄົນ ຫຼື ບາງຫ້ອງ 30 ຄົນ, ໃນການກະກຽມ ແລະຫົວບົດສອບເສັງ ແມ່ນໄດ້ປະຕິບັດຕາມທິດຊີ້ນຳຂອງກະຊວງສຶກສາທິການ ແລະກິລາ ໃນດ້ານມາ ຕະຖານຂໍ້ສອບ, ເນື້ອໃນການຈັດການ ແມ່ນໄດ້ປະຕິບັດເປັນເອກະພາບໃນທົ່ວປະເທດ. ທັງນີ້ ກໍເພື່ອເປັນການຮັບປະກັນໃນຄວາມໂປ່ງໃສບໍ່ໃຫ້ມີການຮົ່ວໄຫລ ທາງຄະນະຮັບ ຜິດຊອບໄດ້ຖອດ ຖອນບົດຮຽນໃຫ້ກັບບັນດາກຳມະການ, ກົດລະບຽບ, ຜູ້ຍາມຫ້ອງເສັງ, ນັກຮຽນທີ່ເຂົ້າສອບເສັງຕ້ອງປະຕິບັດກົດລະບຽບຢ່າງເຂັ້ມງວດ.

 

ຮຽບຮຽງຂ່າວໂດຍ: ຮັກຊາດ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...