spot_img
Homeອຸບັດເຫດແລະປາກົດການຫຍໍ້ທໍ້ເຈົ້າໜ້າທີ່ດ່ານໜອງຄາຍຈັບຊາຍຊາວລາວຂົນຢາບ້າລັອດໃຫຍ່ພ້ອມຂອງກາງ

ເຈົ້າໜ້າທີ່ດ່ານໜອງຄາຍຈັບຊາຍຊາວລາວຂົນຢາບ້າລັອດໃຫຍ່ພ້ອມຂອງກາງ

Published on

ເມື່ອເວລາ 12:00 ນາທີ ຂອງວັນທີ 17 ກໍລະກົດ 2017 ທີ່ຜ່ານມາ ທີ່ຫ້ອງສອບສວນດ່ານກວດຄົນເຂົ້າ-ອອກເມືອງໜອງຄາຍ ດ່ານຊາຍແດນຂົວມິດຕະພາບລາວ-ໄທ 1. ເຈົ້າໜ້າທີ່ປາບປາມຢາເສບຕິດປະຈຳຂົວມິດຕະພາບລາວ-ໄທ 1 ຖະແຫຼງຂ່າວການຈັບກຸມຕົວທ້າວ ວັນພອນ ແສງວິໄລ ອາຍຸ 32 ປີ ຢູ່ບ້ານ ສີວິໄລ ເມືອງ ໄຊທານີ ນະຄອນຫຼວງວຽງຈັນ ປະເທດລາວ ມີອາຊີບເປັນນັກດົນຕີ (ມືກອງ) ພ້ອມຢາບ້າບັນຈຸໃນຖົງເຈ້ຍ 2 ຖົງ ເຊື່ອງໄວ້ໃນກະເປົາພາຍ 1 ໜ່ວຍ ພາຍໃນມີຢາບ້າຈຳນວນ 100 ຫໍ່ ບັນຈຸຢາບ້າກວ່າ 200,000 ເມັດ ທີ່ວາງໄວ້ບ່ອນຢຽບໃນລົດກະບະຢີ່ຫໍ້ໂຕໂຢຕ້າ ຮຸ້ນວິໂກ້ສີປອນທອງ ໝາຍເລກທະບຽນ ກບ 0345 ກຳແພງນະຄອນ

ເຈົ້າໜ້າທີ່ໜ່ວຍປາບປາມຢາເສບຕິດໄດ້ຕິດຕາມພຶດຕິກຳການເຂົ້າ-ອອກ ຣາຊາອານາຈັກໄທ ແລະ ສປປ ລາວ ຂອງຜູ່ຖືກຫາຢູ່ເປັນປະຈຳ ຈົນມາຮອດຕອນເຊົ້າປະມານ 06.55 ນາທີຂອງວັນທີ 17 ກໍລະກົດ ທາງເຈົ້າໜ້າທີ່ຈິ່ງໄດ້ເຂົ້າກວດຄົ້ນ ແລະ ພົບໄດ້ກະເປົາພາຍ 1 ໜ່ວຍວາງຢູ່ບ່ອນຢຽບບໍລິເວນດ້ານຫຼັງຄົນຂັບ ກັບພົບວ່າມີວັດຖຸເປັນກ້ອນແຂັງພັນດ້ວຍສະກັອດສີນ້ຳຕານຈຳນວນຫຼາຍຄ້າຍຫໍ່ຢາບ້າ ດັ່ງນັ້ນ ຈິ່ງເຊີນຕົວຜູ່ກ່ຽວມາສອບສວນ ແລະ ກວດຫໍ່ດັ່ງກ່າວຜ່ານການສອບສວນທ້າວ ວັນພອນ ໃຫ້ການຮັບສາລະພາບ ມີຊາຍຊາວເຜົ່າມົ້ງຊື່ ທ້າວ ທອມ ຢູ່ບ້ານຫຼັກ 52 ເມືອງ ໂພນໂຮງ ແຂວງ ວຽງຈັນ ຈ້າງຕົນຂົນຢາບ້າໃນລາຄາ 12,500,000 ກີບ ເພື່ອນຳຢາບ້າໄປສົ່ງໃຫ້ກັບນັກຄ້າຢາບ້າຊາວອຸດອນທານີ ແລະ ໄດ້ຄ່າເດີນທາງມາກ່ອນ 500,000 ກີບ ແຕ່ກໍ່ມາຖືກເຈົ້າໜ້າທີ່ກມຕົວໄດ້ກ່ອນ

 

ບົດຄວາມຫຼ້າສຸດ

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...

ເສຍຊີວິດ 63 ຄົນ ເຫດການແຜ່ນດິນໄຫວຂະໜາດໃຫຍ່ທີ່ຟິລິບປິນ ທາງການເຕືອນອາດຈະເກີດສຶນາມິຕາມມາອີກ

ສຳນັກຂ່າວຕ່າງປະເທດລາຍງານໃນວັນທີ 30 ກັນຍາ 2025 ທີ່ຜ່ານມາ ເວລາປະມານ 22:00ໂມງ ເກີດເຫດການແຜ່ນດິນໄຫວຂະໜາດໃຫຍ່ 6.9 ລິກເຕີ ທີ່ເທິງເກາະເຊບູ ປະເທດຟິລິບປິນ ເຮັດໃຫ້ມີຜູ້ເສຍຊີວິດຫຼາຍກວ່າ 63...

ການຂົນສົ່ງສາທາລະນະຢູ່ນະຄອນຫຼວງວຽງຈັນ

ນະຄອນຫຼວງວຽງຈັນ ຖືວ່າເປັນນະຄອນຫຼວງແຫ່ງ ສປປ ລາວ ທີ່ມີລະບົບການຂົນສົ່ງສາທາລະນະທີ່ອ້ອມຮອບ ເນື່ອງຈາກມີລົດເມໄວ້ຄອຍໃຫ້ບໍລິການຢູ່ຫຼາຍເຂດ ຕັ້ງແຕ່ໃນຕົວເມືອງຈົນໄປຮອດນອກຕົວເມືອງ ເພື່ອຄວາມສະດວກສະບາຍໃນການໄປ-ມາ ຂອງປະຊາຊົນເວົ້າລວມ ເວົ້າສະເພາະກໍຄືຜູ້ທີ່ອາໄສໃນນະຄອນຫຼວງວຽງຈັນໃນແຕ່ລະມື້. ນອກຈາກນີ້, ໃນປີ 2026 ກໍຈະເປີດໃຫ້ບໍລິການສຳລັບລົດເມໂດຍສານດ່ວນພິເສດ...