ສະຫະພາບເອີລົບ ລະດົມທຶນຊ່ວຍເຫຼືອຊາວກະສິກອນ ກຽມນຳສົ່ງສະຖາບັນຕ່າງໆ ຫຼັງຣັດເຊຍຫ້າມນຳເຂົ້າສິນຄ້າ
ສຳນັກຂ່າວຂອງຕ່າງປະເທດລາຍງານວ່າ ສະຫະພາບເອີລົບ ໄດ້ລະດົມເງິນທຶນຈຳນວນ 125 ລ້ານເອີໂຣ ເພື່ອຊົດ
ເຊີຍສິນຄ້າກະເສດ ທີ່ບໍ່ໄດ້ສົ່ງອອກໄປຍັງຣັດເຊຍ ຕາມທີ່ຣັດເຊຍປະກາດຫ້າມນຳເຂົ້າອາຫານຈາກສະຫະລັດ ແລະ
ສະຫະພາບເອີລົບ ໂດຍສິນຄ້າທີ່ໄດ້ຮັບການຊົດເຊີຍທັງໝົດ ຈະຖືກສົ່ງໄປຍັງໂຮງຮຽນ, ໂຮງໝໍ ແລະ ສະຖາບັນ
ອື່ນໆ ເຊິ່ງສິນຄ້າດັ່ງກ່າວປະກອບມີ: ໝາກເລັ່ນ, ພິກໄທ, ໝາກແຕງ, ໝາກລະແຊັງ… ທີ່ຢູ່ໃນລາຍການຊົດເຊີຍ.
ທ່ານ ນາງ ແອງເກລ່າ ແມເຄິນ ນາຍົກລັດຖະມົນຕີເຢຍລະມັນ ກ່າວໃນວັນທີ 19 ສິງຫາ 2014 ທີ່ປະເທດລັດເວຍ
ວ່າ ສະຫະພາບເອີລົບ ຕ້ອງຕົກຢູ່ໃນສະພາບທີ່ຖືກລົງໂທດຢ່າງຮຸນແຮງຈາກວິກິດການໃນອູແກຣນ.