Homeຂ່າວພາຍ​ໃນໂຄງການນ້ຳລີກ1 ມອບເງິນຊົດເຊີຍໃຫ້ແກ່ປະຊາຊົນ

ໂຄງການນ້ຳລີກ1 ມອບເງິນຊົດເຊີຍໃຫ້ແກ່ປະຊາຊົນ

Published on

ໂຄງການເຂື່ອນໄຟຟ້ານ້ຳລີກ1 ໄດ້ນຳເອົາເງິນຈຳນວນ 4 ຕື້ກວ່າກີບ ໄປມອບໃຫ້ແກ່ປະຊາຊົນທີ່ຖືກຜົນກະທົບ ຈາກໂຄງການກໍ່ສ້າງເຂື່ອນໄຟຟ້ານ້ຳລີກ 1 ຈຳນວນ 112 ຄອບຄົວ ເມື່ອວັນທີ 13 ມິຖຸນາ 2017 ທີ່ຜ່ານມານີ້ ທີ່ຫ້ອງວ່າການເມືອງຫີນເຫີບ ແຂວງວຽງຈັນ ໂດຍຜ່ານອົງການປົກຄອງເມືອງເຊິ່ງແມ່ນ ທ່ານ ອຸດົງ ວົງສະຫວາດ ເຈົ້າເມືອງໆຫີນເຫີບເປັນຜູ້ມອບໂດຍຊ້ອງໜ້າ ທ່ານ ນາງຈັນແພງ ວິພາວັນ ຄະນະປະຈຳພັກແຂວງຕາງໜ້າໃຫ້ແກ່ເຈົ້າແຂວງໆວຽງຈັນ,ມີບັນດາພະນັກງານຂັ້ນສູງຂອງໂຄງການເຂື່ອນໄຟຟ້ານ້ຳລີກ1ເຂົ້າຮ່ວມ.

ທ່ານ ພິພັດພົງ ຈັນດີ ຜູ້ອຳນວຍການບໍລິຫານບໍລິສັດໄຟຟ້ານ້ຳລີກ1ຈຳກັດກ່າວວ່າ:ໂຄງການກໍ່ສ້າງເຂື່ອນນ້ຳລີກ1ມີຜູ້ຖືກຜົນກະທົບທັງໝົດ489ຄອບຄົວລວມເປັນມູນຄ່າຊົດເຊີຍທັງໝົດ11.7 ລ້ານໂດລາສະຫະລັດ ຫລື ຫຼາຍກວ່າ 90 ຕື້ກີບ ໃນນີ້ຖືກກະທົບເປັນສິ່ງປຸກສ້າງປະເພດທີ່ຢູ່ອາໄສຈຳນວນ 112 ຄອບຄົວ ແມ່ນໄດ້ຍົກຍ້າຍອອກໄປຢູ່ບ້ານຫີນເຫີບເໜືອ,ບ້ານຫີນເຫີບໃຕ້ແລະບ້ານໂພນທອງແລະປຸກສ້າງເຮືອນໃຫ້ແທນສຳເລັດ100%ແລ້ວ.

ການມອບເງິນຊົດເຊີຍຄັ້ງນີ້ແມ່ນເປັນປະເພດດິນທຳການຜະລິດ, ຕົ້ນໄມ້ໃຫ້ໝາກແລະຕົ້ນໄມ້ອຸດສາຫະກຳ,ສ່ວນຄອບຄົວທັງຍັງຫຼືອຈະໄດ້ສືບຕໍ່ຊົດເຊີຍໃຫ້ສຳເລັດໃນທ້າຍປີນີ້.

ທ່ານກ່າວຕໍ່ອີກວ່າ: ໂຄງການກໍ່ສ້າງເຂື່ອນໄຟຟ້ານ້ຳລີກ 1 ປັດຈຸບັນມີຄວາມຄືບຫນ້າໄປແລ້ວ 58% ໂດຍມີມູນຄ່າການກໍ່ສ້າງ 153.7 ລ້ານໂດລາສະຫະລັດ ຫລື ປະມານ 1,200 ຕື້ກວ່າກີບ ມີກຳລັງການຜະລິດ 65 ເມກາວັດ.

 

ແຫລ່ງຂ່າວ: ລາວອັບເດດ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...