ເມື່ອທ້າຍອາທິດຜ່ານມານີ້ ປກສ ເມືອງປາກງື່ມ ນະຄອນຫລວງວຽງຈັນ ໄດ້ຈັບຕົວ ທ້າວ ວຽງສະຫວັນ ອາຍຸ 44 ປີ,
ຢູ່ບ້ານນາຂາວ ເມືອງໄຊທານີ ນະຄອນຫລວງວຽງຈັນ ໃນຂໍ້ຫາຄ້າຂາຍຢາເສບຕິດ ພ້ອມຂອງກາງຢາບ້າຈຳນວນ
102 ເມັດ, ຫລັງຈາກນັ້ນ ໄດ້ສືບສວນ- ສອບສວນຂະຫຍາຍຜົນ ຈົນສາມາດຈັບຜູ້ຮ່ວມຂະບວນການໄດ້ອີກໜຶ່ງຄົນ
ຄືນາງ ຢົວເຮີ ອາຍຸ 38 ປີ ຢູ່ບ້ານທ່າກົກໄຮ ເມືອງປາກງື່ມ ນະຄອນຫລວງວຽງຈັນ ແລະ ກວດຄົ້ນເຮືອນພົບຢາບ້າ
300 ເມັດ ຈຶ່ງໄດ້ຍຶດໄວ້ເປັນຫລັກຖານໃນການດຳເນີນຄະດີຕາມລະບຽບກົດໝາຍ.
ເຈົ້າໜ້າທີ່ໃຫ້ຮູ້ວ່າ: ຜູ້ຕ້ອງຫາທັງສອງ ແມ່ນເປົ້າໝາຍຕິດຕາມຂອງເຈົ້າໜ້າທີ່ມາດົນ, ເນື່ອງຈາກໄດ້ຮ່ວມກັນ
ເຄື່ອນໄຫວຄ້າຂາຍຢາເສບຕິດໃຫ້ກັບໄວໜຸ່ມໃນເຂດເມືອງປາກງື່ມມາດົນ.
ແຫຼ່ງຂ່າວ: http://laophatthananews.blogspot.com/2014/08/blog-post_52.html