ບັນເທີງຕ່າງປະເທດກັບລາວໂພສຕ໌ ມື້ນີ້ແອັດມີຂ່າວຄວາມໂສກເສົ້າທາງຝັ່ງ ຮໍລີວູດ ມາຝາກ ເນື່ອງຈາກ “ເຊີໂຣເຈີ ມົວ” ນັກສະແດງຮຸ່ນໃຫຍ່ຊາວອັງກິດ ເຊິ່ງຮັບບົດບາດຂອງ “ເຈມສ໌ ບອນ” ສາຍລັບເຈົ້າສະເໜ່ລະຫັດ 007 ໄດ້ເສຍຊີວິດລົງແລ້ວ ດ້ວຍໂຣກມະເຮັງຕ່ອມລູກໝາກ ໃນວັນອັງຄານ ທີ 23 ພຶດສະພາ 2017 ດ້ວຍໄວອາຍຸ 89 ປີ  ທີ່ປະເທດສະວິດເຊີເລນ.

ໂຣເຈີ ມົວ ຮັບບົດບາດເປັນ ເຈມສ໌ ບອນ 007 ທັງໝົດ 7 ຕອນ ເປັນເວລາ 12 ປີ  ແລະ ຊ່ວງຫຼາຍປີທີ່ຜ່ານມາ ໂຣເຈີ ມົວ ຫັນມາເຮັດວຽກຊ່ວຍເຫລືອເພື່ອມະນຸດ ເຊັ່ນໄດ້ຮັບແຕ່ງຕັ້ງເປັນທູດສັນທະໄມຕີຂອງອົງການຢູນິເຊຟ ຊ່ວຍເຫຼືອໃນການຫາທຶນໃຫ້ກັບເດັກນ້ອຍຜູ່ດ້ອຍໂອກາດໃນສັງຄົມ.