spot_img
Homeຂ່າວການພັດທະນາເປີດນຳໃຊ້ທາງຫຼວງແຫ່ງຊາດເລກທີ 11 ເຊື່ອມສີໄຄ - ສັງທອງ - ປາກລາຍ ຢ່າງເປັນທາງການ

ເປີດນຳໃຊ້ທາງຫຼວງແຫ່ງຊາດເລກທີ 11 ເຊື່ອມສີໄຄ – ສັງທອງ – ປາກລາຍ ຢ່າງເປັນທາງການ

Published on

 

ພິທີໄຂນຳໃຊ້ເສັ້ນທາງຫຼວງແຫ່ງຊາດເລກ 11 ແຕ່ສາມແຍກເກົ້າລ້ຽວ ຫາເມືອງສັງທອງ ນະຄອນຫລວງວຽງຈັນ

ມີຂຶ້ນ ໃນວັນທີ 15 ສິງຫາຜ່ານມານີ້, ໂດຍການໃຫ້ກຽດເຂົ້າຮ່ວມຂອງທ່ານ ທອງສິງ ທຳມະວົງ ນາຍົກລັດຖະມົນຕີ

ແຫ່ງ ສປປ ລາວ, ພ້ອມນີ້ ຍັງມີພາກສ່ວນກ່ຽວຂ້ອງຈາກຝ່າຍລາວ ແລະ ໄທ ເຂົ້າຮ່ວມຢ່າງຫລວງຫລາຍ.

 

ເສັ້ນທາງດັ່ງກ່າວ, ໄດ້ຮັບການສະໜັບສະໜູນດ້ານການເງິນຈາກລັດຖະບານໄທກໍຄືອົງການນິດາ (NEDA) ໃນມູນ

ຄ່າ 1.392 ລ້ານບາດ (ສະກຸນເງິນໄທ) ຫລື ປະມານ 348 ຕື້ກີບ, ໃນນັ້ນ, 30% ແມ່ນຊ່ວຍເຫລືອລ້າ ແລະ 70% ແມ່ນ

ກູ້ຢືມດອກເບ້ຍຕ່ຳໄລຍະຍາວ ແລະ ຮັບເໝົາກໍ່ສ້າງໂດຍ ບໍລິສັດ ໄທວັດວິສະວະກອນ ຈຳກັດ ໃນໄລຍະເວລາ 3 ປີ ຈຶ່ງ

ສຳເລັດເສັ້ນທາງສາຍນີ້, ນອກຈາກຈະອຳນວຍໃຫ້ແກ່ການຄົມມະນາຄົມ, ໄປມາຫາສູ່ລະຫວ່າງປະຊາຊົນ, ການຂົນ

ສົ່ງພາຍໃນປະເທດມີຄວາມສະດວກຫລາຍຂຶ້ນແລ້ວ, ຍັງເປັນເສັ້ນທາງເຊື່ອມຕໍ່ກັບຊາຍແດນລາຊະອານາຈັກໄທ

ນຳດ້ວຍອັນຈະເປັນການປະກອບສ່ວນສຳຄັນໃນການຊຸກຍູ້ເສດຖະກິດ-ສັງຄົມ, ການຄ້າ, ການ ລົງທຶນ ແລະ ການ

ທ່ອງທ່ຽວຂອງລາວ ໃຫ້ມີການຂະຫຍາຍຕົວດີຍິ່ງຂຶ້ນ ແລະ ຊ່ວຍໃຫ້ລະດັບຊີວິດການເປັນຢູ່ຂອງປະຊາຊົນບັນດາເຜົ່າ

ທີ່ດຳລົງຊີວິດລຽບຕາມເສັ້ນທາງນັບມື້ດີຂຶ້ນເປັນກ້າວໆ.

 

ຫົວໜ້າໂຄງການເສັ້ນທາງດັ່ງກ່າວໃຫ້ຮູ້ວ່າ: ເສັ້ນທາງຫລວງເລກທີ 11 ມີຈຸດເລີ່ມຕົ້ນແຕ່ສາມແຍກລະຫວ່າງທາງ

ຫລວງແຫ່ງຊາດເລກ 13 ເໜືອ ແລະ ທາງສີໄຄ ເມືອງສີໂຄດຕະບອງ ນະຄອນຫລວງວຽງຈັນ ລຽບຕາມແມ່ນ້ຳຂອງ

ໄປທາງທິດຕາເວັນຕົກສຽງເໜືອ ແລະ ຂ້າມຜ່ານນ້ຳຂອງໄປເຊື່ອມຈອດກັບເສັ້ນທາງເລກ 4 ຢູ່ບ້ານຄົກເຂົ້າດໍ ເມືອງ

ປາກລາຍ ແຂວງໄຊຍະບູລີ ມີຄວາມຍາວ 204 ກິໂລແມັດ, ລັດຖະບານໄດ້ກຳນົດເອົາເສັ້ນທາງສາຍນີ້ເປັນເສັ້ນທາງ

ຍຸດທະສາດທີ່ມີຄວາມສຳຄັນ ຕໍ່ການພັດທະນາເສດຖະກິດ-ສັງຄົມເວົ້າລວມ, ເວົ້າສະເພາະຢູ່ບັນດາແຂວງທີ່ມີເສັ້ນ

ທາງຜ່ານ ແລະ ທັງເປັນເສັ້ນທາງເຊື່ອມຕໍ່ລະຫວ່າງບັນດາແຂວງເໜືອ, ພາກກາງ ແລະ ພາກໃຕ້ ແລະ ເຊື່ອມໄປຫາ

ປະເທດເພື່ອນບ້ານ ແລະ ອານຸພາກພື້ນນຳອີກ.

 

ເສັ້ນທາງສາຍນີ້ ເມື່ອກ່ອນເປັນທາງດິນແດງ, ແລວທາງຄົດໂຄ້ງຫລາຍ, ໜ້າທາງແຄບ ແລະ ເປັນຄື້ນເປັນຂຸມການ

ສັນຈອນໄປມາມີຄວາມຫຍຸ້ງຍາກລຳບາກ, ບາງປີເກີດນ້ຳຖ້ວມເສັ້ນທາງເປ່ເພເຮັດໃຫ້ການສັນຈອນຕິດຂັດເປັນ

ເວລາດົນ ແລະ ສ້າງຄວາມສິ້ນເປືອງຫລາຍຢ່າງ ດັ່ງນັ້ນລັດຖະບານລາວ ຈຶ່ງໄດ້ສະເໜີຕໍ່ລັດຖະບານໄທໃຫ້ການຊ່ວຍ

ເຫລືອໃນການກໍ່ສ້າງສ້ອມແປງເສັ້ນທາງດັ່ງກ່າວມີມາດຕະຖານ ແລະ ອຳນວຍຄວາມສະດວກສະບາຍໃນການຄົມ

ມະນາຄົມໃຫ້ດີຂຶ້ນເທື່ອລະກ້າວ.

 

ແຫຼ່ງຂ່າວ: http://laophatthananews.blogspot.com/2014/08/11_19.html

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...