spot_img
Homeຂ່າວຕ່າງປະເທດຄວາມເຄັ່ງຕຶງໃນແຫຼມເກົາຫຼີ ອາດເປັນພຽງຂໍ້ອ້າງໃນການຕັ້ງ ລະບົບຕໍ່ຕ້ານຂີປະນາວຸດ

ຄວາມເຄັ່ງຕຶງໃນແຫຼມເກົາຫຼີ ອາດເປັນພຽງຂໍ້ອ້າງໃນການຕັ້ງ ລະບົບຕໍ່ຕ້ານຂີປະນາວຸດ

Published on

ສະພາບຄວາມເຄັ່ງຕຶງໃນເຂດແຫຼມເກົາຫຼີມີຂຶ້ນທຸກປີ ໂດຍສະເພາະແມ່ນໄລຍະຊ້ອມຮົບຮ່ວມກັນ ລະຫວ່າງສະຫະລັດກັບເກົາຫຼີໃຕ້ ພິເສດໃນປີນີ້ ພາຍໃຕ້ການນຳຂອງ ປະທານາທິບໍດີ ທຣໍ້າ ຂອງສະຫະລັດ ໄດ້ເຮັດໃຫ້ສະພາບການໃນແຫຼມເກົາຫຼີຮ້ອນແຮງກວ່າຊູ່ປີ.

ນັກວິເຄາະສ່ວນຫຼາຍຕີລາຄາວ່າ ສະພາບຄວາມເຄັ່ງຕຶງໃນແຫຼມເກົາຫຼີເກີດຂຶ້ນຍ້ອນ 2 ສາເຫດ ຄື ຍ້ອນການຊ້ອມຮົບຮ່ວມກັນລະຫວ່າງ ສະຫະລັດ-ເກົາຫຼີໃຕ້-ຍີ່ປຸ່ນ ແລະ ຍ້ອນການພັດທະນາອາວຸດນິວເຄລຍຂອງເກົາຫຼີເໜືອ ແຕ່ຖ້າເຮົາເບິ່ງໃນມຸມທີ່ຕ່າງກັນແລ້ວນັ້ນ ຈະເຮັດໃຫ້ເຫັນເຫດຂອງຂອງທາງສອງຝ່າຍ.

ສະຫະລັດ ອັນມີເກົາຫຼີໃຕ້ເປັນຕົວແທນ ຍາມໃດກໍບໍ່ລົດລະຄວາມພະຍາຍາມທີ່ຈະ ຂົ່ມຂູ່ແລະກົດດັນທາງທະຫານຕໍ່ເກົາຫຼີເໜືອ ເຊິ່ງສະແດງອອກໃນການສ້າງຂ່າວໃຫ້ເປັນຄືວ່າອຳນາດການປົກຄອງເກົາຫຼີເໜືອໂຫດຮ້າຍປ່າເຖື່ອນ ພ້ອມທັງມີການຊ້ອມຮົບຮ່ວມກັນຢ່າງເປັນປະຈຳໃນບໍລິເວນດັ່ງກ່າວ ລວມທັງໃຫ້ສະຫະລັດມາຕັ້ງຖານທັບໃນປະເທດເກົາຫຼີໃຕ້ແລະຍີ່ປຸ່ນ. ການເຮັດແບບນີ້ ແມ່ນເປັນເຫດຜົນທີ່ໜີບໃຫ້ເກົາຫຼີເໜືອຕ້ອງສ້າງຄວາມເຂັ້ມແຂງທາງດ້ານການທະຫານ ເພື່ອປົກປ້ອງອະທິປະໄຕຂອງຕົນ.

ເມື່ອເກົາຫຼີເໜືອພັດທະນາອາວຸດຂອງຕົນ ໂດຍສະເພາະແມ່ນອາວຸດນິວເຄລຍ ກໍໄດ້ກາຍເປັນເຫດຜົນໃຫ້ສະຫະລັດໃຊ້ເປັນຂໍ້ອ້າງ ໃນການໃຊ້ມາຕະການຕ່າງໆ ຕໍ່ເກົາຫຼີເໜືອ ທັງທາງກົງແລະທາງອ້ອມ ໃນນັ້ນລວມທັງການຂົ່ມຂູ່ດ້ວຍກຳລັງທາງທະຫານ ມີການເຄື່ອນທັບແລະຍຸດໂທປະກອນຈາກສະຫະລັດເຂົ້າສູ່ເຂດແຫຼມເກົາຫຼີ ແລະຫຼ້າສຸດ ກໍໄດ້ສຳເລັດການຕິດຕັ້ງລະບົບຕໍ່ຕ້ານຂີປະນາວຸດຂຶ້ນທີ່ປະເທດເກົາຫຼີໃຕ້.

ການຕິດຕັ້ງລະບົບຕໍ່ຕ້ານຂີປະນາວຸດຂອງສະຫະລັດທີ່ເກົາຫຼີໃຕ້ນັ້ນ ຖືກຄັດຄ້ານຈາກປະເທດຈີນ ແລະລວມທັງປະຊາຊົນເກົາຫຼີໃຕ້ ແຕ່ສະຫະລັດກໍບໍ່ໄດ້ຟັງ.

ອາດຈະເປັນໄປໄດ້ວ່າສະຫະລັດຄິດຢາກຕັ້ງລະບົບປະຕິບັດການຕ້ານລູກສອນໄຟດັ່ງກ່າວໃນເຂດນີ້ມາດົນແລ້ວ ແຕ່ບໍ່ມີເຫດຜົນໃດພຽງພໍ ຈຶ່ງສ້າງໃຫ້ສະຖານະການມີຄວາມເຄັ່ງຕຶງຂຶ້ນ ໂດຍການນຳເຮືອບັນທຸກເຮືອບິນສູ້ຮົບພ້ອມອາວຸດຍຸດໂທປະກອນເຂົ້າສູ່ແຫຼມເກົາຫຼີ. ຫຼືເວົ້າແຈ້ງໆ ວ່າ ການຕິດຕັ້ງລະບົບຕໍ່ຕ້ານລູກສອນໄຟດັ່ງກ່າວນັ້ນ ອາດຈະບໍ່ພຽງແຕ່ເພື່ອຕ້ານລູກສອນໄຟຂອງເກົາຫຼີເໜືອເທົ່ານັ້ນ ແຕ່ອາດຍັງໝາຍເຖິງການສ້າງອຳນາດທາງທະຫານໃນເອເຊຍກໍໄດ້.

(ທັງຫມົດນັ້ນເປັນທັດສະນະຂອງຜູ້ຂຽນ)

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...