ສຳນັກຂ່າວເອຟພີ ແລະ ຣອຍເຕີລາຍງານ ເມື່ອວັນທີ 29 ເມສາ 2017 ວ່າ ທຳນຽບປະທານາທິບໍດີສະຫະລັດອາເມລິກາ ຖະແຫລງການວ່າ ປະທານາທິບໍດີ ໂດນັລ ທຣັມ ແຫ່ງສະຫະລັດ ໄດ້ເຊີນ ປະທານາທິບໍດີ ໂຣດຣິໂກ ດູແຕຣ໌ເຕ ແຫ່ງຟິລິບປິນ ເດີນທາງໄປທີ່ທຳນຽບຂາວ ເພື່ອຫາລືກ່ຽວກັບໄພຄຸກຄາມຈາກປະເທດເກົາຫຼີເໜືອ
ຖະແຫຼງການໄດ້ລະວ່າ ທຣັມ ໄດ້ສົນທະນາກັບຜູ້ນຳຟິລິບປິນຜ່ານທາງໂທລະສັບ ເຊິ່ງເປັນການສົນທະນາກັນຢ່າງເປັນມິດ ໂດຍຜູ້ນຳທັງສອງໄດ້ຫາລືກ່ຽວກັບເລື່ອງທີ່ອາຊຽນສະແດງຄວາມເປັນຫ່ວງກັງວົນກ່ຽວກັບຄວາມໝັ້ນຄົງໃນລະດັບພາກພື້ນ ຮວມໄປເຖິງໄພຄຸກຄາມຈາກເກົາຫຼີໜືອ ໃນກອງປະຊຸມສຸດຍອດອາຊຽນ ຄັ້ງທີ 30 ທີ່ປະເທດ ຟິລິບປິນເປັນເຈົ້າພາບຈັດກອງປະຊຸມ.
ນອກຈາກນີ້ ຜູ້ນຳທັງສອງຍັງຫາລືກ່ຽວກັບຂໍ້ແທ້ຈິງກ່ຽວກັບການທີ່ລັດຖະບານຟິລີບປິນກຳລັງຕໍ່ສູ້ຢ່າງໜັກເພື່ອກຳຈັດຢາເສຍຕິດອອກໄປໃຫ້ໝົດຈາກປະເທດ.