spot_img
Homeຂ່າວພາຍ​ໃນຮອດປີ 2025 ສປປ ລາວ ຈະສົ່ງກາເຟໄປທົ່ວທຸກພາກພື້ນ!

ຮອດປີ 2025 ສປປ ລາວ ຈະສົ່ງກາເຟໄປທົ່ວທຸກພາກພື້ນ!

Published on

ຂປລ. ສປປ ລາວ ທົບທວນວິໄສທັດແຜນຍຸດທະສາດ ຮອດປີ 2025 ເພື່ອສົ່ງເສີມກາເຟລາວ ໃຫ້ເຕີບໂຕຢ່າງ

ຕໍ່ເນື່ອງດ້ວຍການຂະຫຍາຍເນື້ອທີ່- ພ້ອມຍົກສະມັດຕະພາບການຜະລິດໃຫ້ສູງຂຶ້ນ ແລະ ໃຫ້ ໄດ້ບໍລິມາດຫລາຍ

ຂຶ້ນຕາມຄວາມຕ້ອງການຂອງຕະຫລາດ ຈາກປັດຈຸບັນທີ່ມີປະມານ 80.000 ເຮັກຕາ ໃຫ້ເພີ່ມຂຶ້ນຫລາຍກວ່າ

130.000 ເຮັກຕາໃນປີ 2025. ຂະນະທີ່ລັດຖະມົນຕີກະຊວງກະສິກຳ-ປ່າໄມ້ ເລັງເຫັນວ່າ ກາເຟລາວບໍ່ພຽງແຕ່

ເປັນສິນຄ້າສະໜອງພາຍໃນປະເທດເທົ່ານັ້ນ ແຕ່ຍັງເປັນສິນຄ້າສົ່ງອອກໄປຫລາຍປະເທດ ທັງພາກອາຊີ ແລະ

ເອີຣົບ ສາມາດສ້າງລາຍຮັບເງິນຕາເຂົ້າປະເທດຢ່າງຫລວງຫລາຍ.

ໃນວັນທີ 15 ເດືອນສິງຫາ ປີ 2014, ຄະນະກຳມະການແຫ່ງຊາດ ເພື່ອສົ່ງເສີມກາເຟລາວ ໄດ້ຈັດກອງປະຊຸມຄັ້ງທີ

3 ຂຶ້ນ ໂດຍມີເປົ້າໝາຍ ທົບທວນຄືນການຮ່າງແຜນຍຸດທະສາດ ສົ່ງເສີມກາເຟລາວ ຮອດປີ 2025 ເຊິ່ງໄດ້ລົງເລິກ

ຄົ້ນຄ້ວາເນື້ອໃນສຳຄັນຂອງແຜນຍຸດທະສາດ, ການຈັດຕັ້ງຄຸ້ມຄອງຂະແໜງກາເຟ, ນັບທັງການສ້າງກອງທຶນ

ພັດທະນາກາເຟແຫ່ງຊາດ. ພ້ອມນີ້ໄດ້ມີການຫາລືເຖິງການກະກຽມ ແລະ ຜົນປະໂຫຍດ ທີ່ຈະໄດ້ຮັບໃນການເຂົ້າ

ເປັນສະມາຊິກອົງການກາເຟສາກົນ (ICO), ການສະເໜີແຜນກິດຈະກຳບູລິມະສິດລວມໝູ່ສຳລັບ 2014​-2015,

ການສະໜັບສະໜູນສ້າງຄວາມເຂັ້ມແຂງ ໃຫ້ແກ່ການຈັດຕັ້ງຄຸ້ມຄອງກາເຟລາວ ແລະ ຄວາມຄືບໜ້າໃນການ

ກະກຽມຈັດງານມະໂຫລານກາເຟລາວຄັ້ງປະຖົມມະເລີກ.

ສຳລັບວິໄສທັດຂອງແຜນຍຸດທະສາດ ແມ່ນແນໃສ່ສົ່ງເສີມກາເຟລາວໃຫ້ເຕີບໂຕຢ່າງຕໍ່ເນື່ອງຫັນ ໄປສູ່ຄຸນນະ

ພາບ ແລະ ເປັນມິດກັບສິ່ງແວດລ້ອມ, ສ້າງລາຍຮັບທີ່ດີ ແລະ ໝັ້ນຄົງໃຫ້ຜູ້ຜະລິດຂະໜາດນ້ອຍ, ທັງສ້າງ

ເງື່ອນໄຂເອື້ອອຳນວຍໃຫ້ພາກເອກກະຊົນໄດ້ມີສ່ວນຮ່ວມ. ພັດທະນາການປູກກາເຟລາວ ດ້ວຍການຂະຫຍາຍ

ເນື້ອທີ່-ພ້ອມຍົກສະມັດຕະພາບການຜະລິດໃຫ້ສູງຂຶ້ນ ແລະ ໃຫ້ໄດ້ບໍລິມາດຫລາຍຂຶ້ນ ຕາມຄວາມຕ້ອງການ

ຂອງຕະຫລາດ ຈາກປັດຈຸບັນທີ່ມີປະມານ 80.000 ເຮັກຕາ ໃຫ້ເພີ່ມຂຶ້ນຫລາຍກວ່າ 130.000 ເຮັກຕາໃນປີ

2025, ໃນນັ້ນເລັ່ງໃສ່ຜູ້ຜະລິດ ຂະໜາດນ້ອຍໃຫ້ຫລາຍຂຶ້ນ.

ນອກນີ້ ຕ້ອງເລັ່ງໃສ່ການຜະລິດທີ່ມີທ່າແຮງພິເສດໃນເຂດພູພຽງບໍລະເວນເພື່ອໃຫ້ໄດ້ຄຸນນະພາບດີເລີດໃຫ້ສາ

ມາດເຂົ້າເຖິງຕະຫລາດພິເສດ ແລະ ຂະຫຍາຍການຜະລິດໄປສູ່ເຂດອື່ນທີ່ບໍ່ທັນມີການຜະລິດມາກ່ອນ ແຕ່ມີ

ເງື່ອນໄຂເອື້ອອຳນວຍ. ຢ່າງໃດກໍຕາມການ ເຂົ້າເປັນສະມາຊິກຂອງ ICO ເປັນການສ້າງເຄືອຂ່າຍແລກປ່ຽນຄວາມ

ຮູ້ ແລະ ປະສົບການເພື່ອນຳມາພັດທະນາກາເຟລາວແບບໃໝ່, ສາມາດລະດົມການຊ່ວຍເຫລືອຈາກສາກົນເພື່ອ

ຂະຫຍາຍຕະຫລາດກາເຟ ແລະ ຊ່ວຍພັດທະນາດ້ານວິຊາການຕິດພັນກັບຄຸນນະພາບສ້າງຄວາມເຂັ້ມແຂງໃຫ້ຜູ້

ຜະລິດຂະໜາດນ້ອຍ.

ທ່ານ  ວິໄລວັນ ພົມເຂ ລັດຖະມົນຕີວ່າການກະຊວງກະສິກຳ-ປ່າໄມ້ ກ່າວຕໍ່ທີ່ປະຊຸມຄັ້ງນີ້ວ່າ: ລັດຖະບານໄດ້ເອົາ

ໃຈໃສ່ໃນການຈັດຫາແຫລ່ງທຶນທັງພາຍໃນ ແລະ ຕ່າງປະເທດ ເພື່ອສົ່ງເສີມ ແລະ ພັດທະນາດ້ານວິຊາການດ້ານ

ກາເຟລາວ ມາຮອດປັດຈຸບັນ ສາມາດຄົ້ນຄວ້າແນວພັນໄດ້ 60 ສາຍພັນ. ພ້ອມນີ້ ຍັງໄດ້ລະດົມທຶນໃສ່ການຜະ

ລິດ-ປຸງແຕ່ງກາເຟລາວ ບໍ່ສະເພາະແຕ່ຢູ່ເຂດພູພຽງບໍລະເວນເທົ່ານັ້ນ ແຕ່ຍັງມີການຂະຫຍາຍໄປສູ່ໃນ 5 ແຂວງ

ພາກເໜືອ ແລະ ບັນດາແຂວງຂອງພາກໃຕ້ອີກຈຳນວນໜຶ່ງ ທີ່ ເຫັນວ່າສະພາບອາກາດເອື້ອອຳນວຍ.

ທ່ານລັດຖະມົນຕີວ່າການກະຊວງກະສິ ກຳ-ປ່າໄມ້ ຢ້ຳໃຫ້ມີການຄົ້ນຄວ້າ ແລະ ຈັດຕັ້ງປະຕິບັດແຜນຍຸດທະສາດ

ແຕ່ນີ້ຮອດປີ 2025 ຢ່າງມີປະສິດທິພາບ, ກາເຟລາວບໍ່ພຽງແຕ່ເປັນສິນຄ້າສະໜອງພາຍໃນປະເທດເທົ່ານັ້ນ

ແຕ່ຍັງເປັນສິນຄ້າສົ່ງອອກໄປຫລາຍປະເທດ ທັງພາກອາຊີ ແລະ ເອີຣົບ ສາມາດສ້າງລາຍຮັບເງິນຕາເຂົ້າປະ

ເທດເປັນອັນດັບຕົ້ນໃນຂະແໜງກະສິກຳ ທັງເປັນລາຍໄດ້ທີ່ໝັ້ນຄົງໃຫ້ແກ່ຜູ້ຜະລິດ ແລະ ຜູ້ປະກອບການເປັນ

ຢ່າງດີ ປະກອບສ່ວນຫລຸດຜ່ອນຄວາມທຸກຍາກຂອງປະຊາຊົນ.

ແຫຼ່ງຂ່າວ: ສຳນັກຂ່າວສານປະເທດລາວ

 

ບົດຄວາມຫຼ້າສຸດ

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...