ໜຶ່ງໃນສາເຫດຂອງການເກີດອຸບັດຕິເຫດທາງລົດຍົນກໍ່ຄື ຄົນຂັບລົດມີອາການຫຼັບໃນ ໃນຄໍລຳສາລະໜ້າຮູ້ມື້ນີ້ ແອັດມິນມີ ວິທີແກ້ໄຂອາການເຫງົານອນປ້ອງກັນການຫຼັບໃນ ເມື່ອຂັບລົດ ມາຝາກ ເຊິ່ງຈະເຮັດແນວໃດນັ້ນເຮົາມາອ່ານໄປພ້ອມກັນເລີຍ

ຕ້ອງເຮັດແນວໃດ ບໍ່ໃຫ້ເກີດຫຼັບໃນຂຶ້ນມາ

1. ກິນໝາກໄມ້ທີ່ມີຣົດຊາດສົ້ມ ເພາະໝາກໄມ້ທີ່ມີຣົດຊາດສົ້ມຈະຊ່ວຍກະຕຸ້ນປະສາດໃຫ້ສົດຊື່ນຂຶ້ນ

2. ອົມນ້ຳກ້ອນເຢັນໆ ຫຼື ດື່ມນ້ຳເຢັນໆ, ໃຊ້ນ້ຳເຢັນລ້າງໜ້າ ຈະຊ່ວຍໃຫ້ສົດຊື່ນຕື່ນຕົວ

3. ປິດແອຣໃນລົດແລ້ວເປີດແວ່ນໃຫ້ອາກາດຖ່າຍເທ ລົມທຳມະຊາດຈະຊ່ວຍໃຫ້ຄົນຂັບສົດຊື່ນຂຶ້ນ

4. ເປີດເພງດັງໆຈັງຫວະມັນໆ ແລ້ວຮ້ອງເພງໄປພ້ອມຈະຊ່ວຍໃຫ້ແກ້ອາການເຫງົານອນໄດ້

5. ຫາກເຫງົານອນແຮງບໍ່ໄຫວແທ້ໆໃຫ້ຫາຈຸດທີ່ຄິດວ່າປອດໄພຈອດພັກຜ່ອນສາຍຕາປະມານ 10-15                  ນາທີ ກ່ອນເດີນທາງຕໍ່

6. ຫາຄົນຊ່ວຍຂັບລົດປ່ຽນກັນຂັບຕະຫຼອດເສັ້ນທາງ

7. ເພື່ອບໍ່ໃຫ້ຮ່າງກາຍເມື່ອຈົນເກີນໄປສຳລັບຄົນທີ່ເດີນທາງໄກຄວນຈອດລົດພັກທຸກໆ 2-3 ຊົ່ວໂມງ                      ປະມານ 10-15 ນາທີ ກ່ອນເດີນທາງຕໍ່ໄປ