ດ້ວຍຄວາມຫຍຸ້ງຍາກຂອງເສັ້ນທາງ ເຮັດໃຫ້ການເຂົ້າ-ອອກບ້ານບໍ່ສະດວກ ໃນວັນທີ 11 ສິງຫາຜ່ານມາ
ປະຊາຊົນກຸ່ມບ້ານທີ 4 ລວມ 8 ບ້ານໃນເມືອງປາກຊ່ອງ ຈິ່ງເຕົ້າໂຮມກັນສາມັກຄີສ້ອມແປງທາງເຂົ້າບ້ານ
ດ້ວຍຕົນເອງ.
ການອອກແຮງງານໃນຄັ້ງນີ້ ໂດຍການໃຫ້ກຽດເຂົ້າຮ່ວມຊີ້ນຳຂອງ ທ່ານ ຄຳສີ ປ່ຽງວໍລະວົງ ເຈົ້າເມືອງໆ
ປາກຊ່ອງ, ມີຄະນະພັກເມືອງ ຂະແໜງການທີ່ກ່ຽວຂ້ອງ, ອຳນາດການປົກຄອງ ແລະ ປາຊາຊົນເຂົ້າຮ່ວມ
700 ກວ່າຄົນ.
ການອອກແຮງງານແມ່ນໄດ້ກຳນົດເອົາຈຸດບ້ານຫ້ວຍຈຽດເປັນຈຸດເລີ່ມຕົ້ນ ເຊິ່ງໄລຍະທາງທີ່ເປ່ເພໜັກ
ແມ່ນ 300 ແມັດ ໂດຍປະຊາຊົນໄດ້ນຳເອົາພະຫານະຂອງຕົນ ມາແກ່ເອົາດິນ, ເອົາຫີນມາຖົມຕາມຈຸດທີ່
ເປັນຂຸມເປັນບວກ, ຂຸດຄອງລະບາຍນ້ຳຕາມ 2 ຟາກທາງ ແລະ ຖາງປ່າຈຸຸດທີ່ຮົກເຮື້ອ ເພື່ອເຮັດໃຫ້ການ
ສັນຈອນໄປມາ ໄດ້ສະດວກກວ່າເກົ່າ.
ຕໍ່ກັບການອອກແຮງງານໃຫຍ່ໃນຄັ້ງນີ້ ທ່ານ ຄຳສີ ປ່ຽງວໍລະວົງ ເຈົ້າເມືອງໆປາກຊ່ອງ ກໍໄດ້ຍ້ອງຍໍຊົມເຊີຍ
ຕໍ່ຄະນະພັກ ອຳນາດການປົກຄອງ, ຂະແໜງການ ແລະ ປະຊາຊົນ ທີ່ໄດ້ມີຄວາມຕັດສິນໃຈສູງສາມັກຄີ
ຮ່ວມແຮງຮ່ວມໃຈກັນ ປະກອບສ່ວນພັດທະນາທ້ອງຖິ່ນຂອງຕົນ ກໍຄືເຮັດໃຫ້ການສັນຈອນໄປມາ, ການ
ຂົນສົ່ງສິນຄ້າ ແລະ ການເຈັບເປັນ ກໍຈະໄດ້ໄປປິ່ນປົວຢ່າງທັນເວລາຕື່ມອີກ.
ຂອບໃຈຂ່າວຈາກ: http://www.sedthakid.la/home/khao/19958.html