spot_img
Homeຂ່າວເຫດການຜູ້ໂດຍສານເລົ່າຄວາມທຸກ ເມື່ອລົດເມປ່ຽນຈຸດໝາຍກາງທາງ

ຜູ້ໂດຍສານເລົ່າຄວາມທຸກ ເມື່ອລົດເມປ່ຽນຈຸດໝາຍກາງທາງ

Published on

ເລື່ອງມີຢູ່ວ່າ ວັນທີ 16/4/2016 ມີລົດເມວຽງຈັນ – ສາລະວັນ (ລົດເມນອນ) ປ້າຍ ບກ 0333 ອອກຈາກຄິວສາຍໃຕ້ ເວລາ 8:30 ນາທີ(ຕອນແລງ) ມີຜູ້ໂດຍສານປະມານ 20 ຄົນ ເປັນຂອງບໍລິສັດ ສີທອນພວງປະເສີດ (ຕາມປີ້). ໃນນັ້ນ ມີຜູ້ໂດຍສານທີ່ຈະເດີນທາງໄປປາກເຊ 8 ຄົນ, 2 ຄົນ ຂຶ້ນລົດຢູ່ຄິວສາຍໃຕ້ (ຕົ້ນທາງ) ອີກ 6 ຄົນ ຂຶ້ນຢູ່ ບໍລິຄຳໄຊ ຄຳມ່ວນ ແລະ ສະຫວັນນະເຂດ (ເຊໂນ). ຕອນອອກຈາກຄິວ ລົດຄັນນີ້ໄສ່ປ້າຍໜ້າລົດວ່າ ປາກເຊ ແຕ່ພໍມາຮອດນາປົ່ງ (ສາລະວັນ) ເວລາ 6 ໂມງ ເຊົ້າ ລົດຄັນນີ້ຈອດຢູ່ທາງແບ່ງ 20 ນາທີ ຂພຈ ຈຶ່ງລົງໄປຖາມໂຊເຟີລົດວ່າ ເປັນຫຍັງຄືຈອດ ໃສວ່າຊິຮອດປາກເຊ 6 ໂມງ ຕາມທີ່ຕອບກ່ອນໜ້ານີ້. ໂຊເຟີ ຕອບວ່າ ຂ້ອຍຖ້າຕໍ່ລົດໃຫ້ໄປປາກເຊ ແລະ ຫຼາຍຄົນໄປຖາມສໍ້ ໂຊເຟີລົດຈຶ່ງພາຜູ້ໂດຍສານທັງ 8 ໄປຈອດຢູ່ຄິວລົດສອງແຖວ ແລະໃຫ້ລົງລົດ ແລະ ໄປຈ້າງລົດສອງແຖວເພື່ອໄປສົ່ງຢູ່ປາກເຊ! ເວນກຳ! ໂຊເຟີລົດເມ ໃຫ້ເງິນຄົນຂັບລົດສອງແຖວແຕ່ 150,000 ກີບ ແລະ ຂັບລົດເຂົ້າສາລະວັນເສີຍ. ຄົນຂັບລົດສອງແຖວ ບໍ່ຍອມອອກຈາກຄິວ ໂດຍໃຫ້ເຫດຜົນວ່າ ການອອກຄິວຕ້ອງແມ່ນ 200,000 ກີບ ຜູ້ໂດຍສານທັງ 8 ຄົນ ຕ້ອງໄດ້ເກັບກັນອີກ 50,000 ກີບ ໃຫ້ລາວ ຈຶ່ງອອກເວລາ 6:45 ນາທີ ແລະ ຮອດປາກເຊ ເວລາ 8:45 ນາທີ ສະຫຼຸບໃຫ້ຟັງສັ້ນໆວ່າ ລົດໂດຍສານຄັນນີ້ໂກງຜູ້ໂດຍເຊິ່ງໜ້າ 20 ຄົນ ເຊິ່ງເຮັດໃຫ້ພວກຂ້າພະເຈົ້າເສຍເວລາ, ເສຍເງິນເພິ່ມ ແລະ ເສຍຄວາມຮູ້ສຶກ…. ພາກສ່ວນທີ່ກ່ຽວຂ້ອງ ເຊັ່ນ ເຈົ້າຂອງລົດ, ບໍລິສັດຕົ້ນສັງກັດ, ເຈົ້າຂອງຄິວ ແລະ ພາກລັດ (ໂຍທາທິການ-ຂົນສົ່ງ) ຄວນຈະຕ້ອງໄດ້ແກ້ໄຂ ເພື່ອບໍ່ໃຫ້ເຫດການແບບນີ້ອີກຕໍ່ໄປ.
ໝາຍເຫດ: ຂພຈ ໄດ້ໂທຫາບໍລິສັດນີ້ ເພື່ອແຈ້ງເຫຕການ ແລະ ໄດ້ໂທຫາປະທານສະມາຄົມລົດຂົນສົ່ງສາລະວັນ ເພື່ອຮັບເລື່ອງຮ້ອງທຸກແລ້ວ.

ແນວໃດກໍຕາມ, ຜູ້ໂດຍສານຄົນດັ່ງກ່າວໄດ້ເວົ້າສົ່ງທ້າຍວ່າ: ນະໂຍບາຍແບບນີ້ຄົງຈະບໍ່ມີບໍລິສັດໃດເຮັດ ເຫດການທີ່ເກີດຂຶ້ນອາດຈະເປັນການປະພຶດເອງຂອງໂຊເຟີລົດກັບແອັດລົດກໍໄດ້.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...