ສຳນັກຂ່າວຕ່າງປະເທດລາຍງານ ເມື່ອວັນທີ 3 ເມສາ 2017 ຜ່ານມາວ່າ ບໍລິສັດ ລອດເຕ້ ກຣຸ໊ບ ໄດ້ເປີດຕົວຕຶກ “Lotte World Tower” ໃໝ່ໃຈກາງກຸງໂຊນ ເຊິ່ງຖືກຈັດໃຫ້ເປັນຕຶກທີ່ສູງເປັນອັນດັບ 5 ຂອງໂລກ ແລະສູງທີ່ສຸດໃນເກົາຫຼີໃຕ້ ໂດຍມີຄວາມສູງເຖິງ 555 ແມັດ ມີຈຳນວນ 123 ຊັ້ນ
ຈຸດຊົມວິວຂອງຕຶກ ຫຼື “Seoul Sky” ຈະເລີ່ມຕົ້ນທີ່ຊັ້ນ 117 ເປັນຕົ້ນໄປ ແລະຊັ້ນ 118 “Sky Deck” ເປັນຫໍຊົມວິວພື້ນແກ້ວ ທີ່ຖືກບັນທຶກສະຖິຕິວ່າ ເປັນຈຸດຊົມວິວທີ່ສູງທີ່ສຸດໃນໂລກ, ນອກຈາກນີ້ “Sky shuttle” ລິບຂອງຕຶກລອດເຕ້ ເວິລ ຍັງເປັນລິບຄູ່ທີ່ສູງທີ່ສຸດໃນໂລກ
ມີການເປີດຕົວໃນຄືນຜ່ານມາ ມີການຈູດພຸດອກໄມ້ໄຟ ເພື່ອສະເຫຼີມສະຫຼອງ, ຕຶກ “Lotte World Tower” ຈະເປີດຢ່າງເປັນທາງການໃນວັນທີ 3 ເມສາ 2017 ແລະຜູ້ບໍລິຫານຫວັງວ່າ ຕຶກນີ້ຈະເປັນແລນມາກດຶງດູດນັກທ່ອງທ່ຽວໃໝ່ຂອງເກົາຫຼີໃຕ້