ເມື່ອວັນທີ 30 ມີນາ 2017 ເຄເອຟພີລາຍງານການເຄື່ອນໄຫວການນັດພົບກັນຂອງສອງຜູ້ນຳປະເທດມະຫາອຳນາດ ລະຫວ່າງປະທານາທິບໍດີ ສີ ຈິ້ນ ຜິງ ຂອງຈີນ ທີ່ເດີນທາງມາປະຊຸມຮ່ວມກັບທ່ານ ໂດນັລ ທຣັມ ປະທານາທິບໍດີ ສະຫະລັດ ອາເມລິກາ ທີ່ລັດຟໍຣິດາ ເຊິ່ງ ທ່ານ ໂດນັລ ທຣັມ ຈະເປີດຣີສອດສ່ວນຕົວຕ້ອນຮັບ ລະຫວ່າງວັນທີ 6-7 ເມສາ 2017 ທີ່ຈະຮອດນີ້.

ການມາຢ້ຽມຢາມໃນຄັ້ງນີ້ຈະມີຂຶ້ນຫຼັງຄວາມສຳພັນຂອງທັງສອງປະເທດບໍ່ຄ່ອຍດີປານໃດ ເນື່ອງຈາກວ່ານັບຕັ້ງແຕ່ ທ່ານ ໂດນັລ ທຣັມ ຂຶ້ນມາດຳລົງຕຳແໜ່ງຜູ້ນຳສະຫະລັດ ມັກຈະກ່າວໂຈມຕີນະໂຍບາຍການຄ້າຂອງຈີນຢູ່ປະຈຳ ຮວມໄປເຖິງການວິຈານທ່ານທີຂອງຈີນໃນການກົດດັນໂຄງການຈະຫຼວດນິວເຄຣຍຂອງເກົາຫຼີເໜືອ ແລະ ປະເດັນໄຕ້ຫວັນທີ່ສະຫະລັດມີທ່າທີຫວນກັບບໍ່ສະໜັບສະໜູນນະໂຍບາຍຈີນດຽວ

ນອກຈາກນີ້ແຜນການພົບກັນຂອງທັງສອງ ຍັງສືບເນື່ອງມາຈາກການພັດປ່ຽນກັນຢຽມຢາມຂອງເຈົ້າໜ້າທີ່ລະດັບສູງຂອງສະຫະລັດ ແລະ ທາງການຈີນ ເຖິງຢ່າງໃດກໍ່ຕາມມີການຄາດວ່າການພົບກັນຄັ້ງນີ້ຈະເປັນໂອກາດດີທີ່ເຮັດໃຫ້ຜູ້ນຳທັງສອງປະເທດທຳຄວາມຮູ້ຈັກກັນຫຼາຍຂຶ້ນ ເພື່ອປູທາງໄປສູ່ການພົບປະຫາລືໃນຄັ້ງຕໍ່ໆໄປ

“ການພົບກັນຂອງທັງສອງຝ່າຍອາດເປັນການປະນີປະນອມຕາມຍຸດທະສາດສະໝານນະສັນ ແລະ ອາດມີການແລກຂອງຂັວນທາງເສດຖະກິດກັນ ກ່ອນທີ່ບັນຫາດ້ານການຄ້າ ດານຍຸດທະສາດເໜືອພູມິພາດ ແລະ ປະເດັນເລື່ອງຊັບພະຍາກອນມະນຸດ”