spot_img
Homeວິທະຍາສາດ-ວິທະຍາການນັກວິທະຍາສາດຄົ້ນພົບວິທີປູກຖ່າຍເຊລຫົວໃຈໃນ "ໃບຜັກປັງ"

ນັກວິທະຍາສາດຄົ້ນພົບວິທີປູກຖ່າຍເຊລຫົວໃຈໃນ “ໃບຜັກປັງ”

Published on

ຄະນະວິໄຈແຫ່ງສະຖາບັນ Worchester Polytechnic Institute (WPI) ມະຫາວິທະຍາໄລ Wisconsin ວິທະຍາເຂດ Madison ແລະ ຈາກ Arkansas State University ໄດ້ຮ່ວມກັນທົດລອງປູກຖ່າຍເຊລຫົວໃຈຂອງມະນຸດລົງໃນໃບຜັກປັງ ຫຼື Spinach ໂດຍໃຊ້ເຄືອຂ່າຍທໍ່ລຳລຽງໃນໃບຜັກປັງເປັນຕົວສົ່ງຜ່ານຂອງເຫຼວໄປທີ່ສ່ວນຕ່າງໆຂອງໃບຜັກປັງນັ້ນ

ນັກວິໄຈເຊື່ອວ່າຜົນການທົດລອງນີ້ອາດນຳໄປສູ່ການພັດທະນາເນື້ອເຍື້ອຫົວໃຈຂອງມະນຸດ ເຊິ່ງໃນທີ່ສຸດອາດນຳມາໃຊ້ໃນການປ່ຽນຖ່າຍເຊລຫົວໃຈໃໝ່ໃຫ້ກັບຜູ້ປ່ວຍໂຣກຫົວໃຈ ແລະ ຫຼອດເລືອດ ຫຼື ຜູ້ທີ່ເຄີຍມີອາການຫົວໃຈລົ້ມເຫຼວ

ສາດສະດາຈານ Glenn Gaudette ແຫ່ງພາກວິຊາວິສະວະກຳການແພດ ແຫ່ງສະຖາບັນ WPI ໜຶ່ງໃນຄະນະນັກວິໄຈຊຸດນີ້ ກ່າວວ່າ “ປົກກະຕິແລ້ວ ພືດ ແລະ ສັກມີຮູບແບບພື້ນຖານໃນການລຳລຽງຂອງເຫຼວສານເຄມີ ແລະ ໂມເລກຸນຕ່າງໆ ໃນຮ່າງກາຍແຕກຕ່າງກັນ ແຕ່ກໍ່ມີໂຄງສ້າງຂອງເຄືອຂ່າຍທໍ່ລຳລຽງເຫຼົ່ານັ້ນຄ້າຍໆກັນຈົນໜ້າແປກໃຈ ”

ນັກວິໄຈຜູ້ໜຶ່ງຍັງບອກອີກວ່າ “ວິທີທົດລອງດ້ວຍການນຳເຊລຂອງພືດອອກມາຈາກໃບໃຫ້ໝົດເພື່ອສຶກສາໂຄງສ້າງພາຍໃນນີ້ ອາດຂ່ວຍເປິດປະຕູສູ່ວິທະຍາສາດສາຂາໃໝ່ທີ່ສຶກສາກ່ຽວກັບຄວາມເໝືອນ ຫຼື ແຕກຕ່າງລະຫວ່າງພືດ ແລະ ສັດໄດ້ ແລະ ຍັງຖືເປັນການແກ້ບັນຫາ ຫຼື ຂໍ້ຈຳກັດຫຼາຍຢ່າງທີ່ນັກວິທະຍາສາດກຳລັງປະເຊີນໜ້າຢູ່ ”

ການຄົ້ນພົບໃນຄັ້ງນີ້ຖືວ່າມີຄວາມສຳຄັນຢ່າງຍິ່ງ ເນື່ອງຈາກເທັກໂນໂລຢີດ້ານຊີວະວິສະວະກຳໃນປັດຈຸບັນເຊັ່ນ: ເຄື່ອງພິມສາມມິຕິ ຍັງບໍ່ສາມາດຖອດແບບຄວາມສະຫຼັບຊັບຊ້ອນຊອງເຄືອຂ່າຍເສັ້ນເລືອດໃນຮ່າງກາຍມະນຸດເຮົາໄດ້

ໃນການທົດລອງໃນໃບຜັກປັງ ນັກວິທະຍາສາດໄດ້ນຳເຊລຂອງພືດອອກຈາກໃບຜັກປັງທັງໝົດແຕ່ງໂຄງກ້ານຂອງໃບໃສ່ເມັດກົມໆ ຂະໜາດເທົ່າເຊລເມັດເລືອດຂອງມະນຸດເຂົ້າໄປໃນເຄືອຂ່າຍທໍ່ລຳລຽງຂອງໃບຜັກປັງນັ້ນ ແລ້ວຈິ່ງໃສ່ເຊລເມັດເລືອດແດງນຳເຂົ້າໄປ ເພື່ອເຮັດໃຫ້ທໍ່ລຳລຽງຂອງພືດເຮັດໜ້າທີ່ຄ້າຍຫຼອດເລືອດຂອງມະນຸດ

ນັກວິໄຈກ່າວເສີມວ່າ ນອກຈາກຜັກປັງ ຫຼື Spinach ແລ້ວ ຍັງມີພືດອີກຫຼາຍຊະນິດທີ່ເຊື່ອວ່າອາດນຳໃຊ້ປູກຖ່າຍເຊລຂອງມະນຸຸດໄດ້ຄືກັນ ເຊັ່ນ:​ ຜັກຫອມເປ, ຮາກຂອງຖົ່ວດິນ

ເຖິງຢ່າງໃດກໍ່ຕາມ ເບິ່ງຄືວ່າ ໃບຜັກປັງຈະເປັນຕົວເລືອກທີ່ດີທີ່ສຸດໃນຕອນນີ້ ເນື່ອງຈາກໂຄງສ້າງຂອງເຊລທໍ່ລຳລຽງທີ່ຄ້າຍກັບເຊລກ້າມເນື້ອຫົວໃຈຂອງເຮົາ.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...