spot_img
Homeຂ່າວເຫດການປີ 2016 ຫວຍພັດທະນາ ສາມາດຈັດເກັບລາຍຮັບໄດ້ 142,02 ຕື້​ກີບ

ປີ 2016 ຫວຍພັດທະນາ ສາມາດຈັດເກັບລາຍຮັບໄດ້ 142,02 ຕື້​ກີບ

Published on

ບໍລິສັດ ລັດ​ວິ​ສາ​ຫະ​ກິດຫວຍພັດທະນາ​ ແມ່ນ​ຫົວໜ່ວຍ​ທຸລະກິດ​ໜຶ່ງ ​ທີ່​ໄດ້​ຮັບ​ການ​ເອົາໃຈໃສ່ຢ່າງ​ໃກ້ຊິດ​ຈາກ​ຂັ້ນ​ເທິງ ກໍ່​ຄືກະຊວງ​ການ​ເງິນ ສຳລັບ​ຢູ່​ທ້ອງຖິ່ນແມ່ນ​ພະແນກການ​ເງິນ​ແຂວງ ແລະ ຫ້ອງການ​ການ​ເງິນ​ເມືອງ ໄດ້​ເອົາໃຈໃສ່​ຄຸ້ມ​ຄອງ​ການ​ເຄື່ອນໄຫວ ແລະ ບັນດາ​ຕົວ​ແທນ​ຈຳໜ່າຍ ​ດຳເນີນທຸລະ​ກິດ​ຢ່າງ​ຖືກຕ້ອງ​ຕາມ​ລະບຽບ​ຫຼັກການ ​ເຮັດໃຫ້​ການເຄື່ອນໄຫວ​ທຸລະ​ກິດ​ຫວຍພັດທະນາ​ ມີ​ການ​ເຕີບ​ໃຫຍ່​ຂະຫຍາຍ​ຕົວ​ຂຶ້ນ​ເລື້ອຍໆ ເຮັດໃຫ້ສ້າງລາຍຮັບເຂົ້າສູ່ງົບປະມານ ປີໜຶ່ງໄດ້ຫຼາຍສິບຕື້ກີບ

ທ່ານ ຄຳ​ເພັງ ທິນນະກອນ ຜູ້ອຳນວຍການ​ບໍລິສັດ ລັດ​ວິ​ສາຫະ​ກິດ​ຫວຍ​ພັດທະນາ ໄດ້​ກ່າວວ່າ: ປີ 2016 ຫວຍ​ພັດທະນາ ໄດ້​ສຳເລັດ​ແຜນການ​ຫຼາຍ​ດ້ານ ເຊັ່ນ: ວຽກ​ງານ​ປັບປຸງ​ກຳນົດ​ມື້ອອກ​ເລກ​ລາງວັນ​ຈາກ 3 ຄັ້ງ ມາ​ເປັນ 2 ຄັ້ງ​ຕໍ່​ອາທິດ ຫັນ​ການຈຳໜ່າຍ​ເລກ 3 ໂຕ 2 ໂຕ ແບບຈົດ​ຂາຍ​ມາ​ເປັນ​ແບບ​ທັນ​ສະໄໝ ສຳເລັດ​ໃນ​ຂອບ​ເຂດ​ທົ່ວ​ປະເທດ ໂຄສະນາ​ແກ້​ໄຂບັນຫາ​ຄວາມ​ສົນໃຈ ແລະ ສ້າງຄວາມ​ເຊື່ອ​ໝັ້ນ​ຂອງ​ສັງຄົມ ທັງເປັນ​ການ​ຢັ້ງຢືນ​ສະແດງ​ເຖິງຄວາມ​ບໍລິສຸດ ແລະ ປອດ​ໃສ​ໃນການ​ອອກ​ເລກ​ລາງວັນຫວຍ​ພັດທະ​ນາ ​ໄດ້​ສົມທົບ​ກັບ​ໂທລະພາບແຫ່ງ​ຊາດ​ລາວ ຈັດ​ຕັ້ງ​ການ​ຖ່າຍທອດ​ສົດ​ອອກ​ເລກ​ລາງວັນ​ທຸກໆຄັ້ງ​ໃຫ້​ມວນ​ຊົນ​ໄດ້​ເບິ່ງ ແລະ ຕິດຕາມ​ພາບ​ການ​ອອກ​ເລກ​ລາງວັນຕົວ​ຈິງ ປີ 2016 ຍອດ​ຕົວ​ເລກ​ລາຍ​ຮັບ ປະຕິບັດໄດ້ 142,02 ຕື້​ກີບ ເທົ່າ​ກັບ 130,05% ຂອງ​ແຜນການ ແລະ ໄດ້​ມອບ​ພັນທະ​ງົບປະມານ​ໃຫ້​ລັດ 84,23 ຕື້​ກີບ ເທົ່າ​ກັບ 131,46% ຂອງ​ແຜນການ ນອກຈາກ​ນີ້ ຍັງໄດ້​ປະກອບສ່ວນ​ຊ່ວຍເຫຼືອ​ສັງຄົມ ລວມ​ມູນ​ຄ່າ​ຫຼາຍ​ກວ່າ 100 ລ້ານກີບ.

ແຫຼ່ງຂ່າວ: ໜັງສືພິມ ວຽງຈັນໃໝ່

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...