ສຳນັກຂ່າວເອເອຟພີລາຍງານເມື່ອວັນທີ 15 ມີນາ 2017 ຜ່ານມາວ່າ ສຳນັກງານດ້ານຄວາມປອດໄພການບິນຂອງອອສເຕຣເລຍ (ເອທີເອສບີ) ອອກມາເຕືອນເຖິງອັນຕະລາຍຂອງການໃຊ້ອຸປະກອນທີ່ເພິ່ງພາ ພະລັງງານຈາກແບັດເຕີຣີ່ເທິງເຄື່ອງບິນ, ຫຼັງກໍລະນີລ່າສຸດ ໄດ້ເກີດເຫດຂຶ້ນກັບແມ່ຍິງຄົນໜຶ່ງ ທີ່ໄດ້ຮັບບາດເຈັບຈາກຫູຟັງລະເບີດ ແລະເກີດໄຟລຸກຂຶ້ນ ຂະນະທີ່ນອນ ຢູ່ເທິງຖ້ຽວບິນ ທີ່ເດີນທາງຈາກນະຄອນຫຼວງປາກກິ່ງຂອງຈີນ ໄປຫາເມືອງເມລເບິຣນ ຂອງອອສເຕຣເລຍ ໃນເມື່ອວັນທີ 19 ກຸມພາ 2017 ຜ່ານມາ
ຫູຟັງທີ່ໃຊ້ແບັດເຕີຣີ່ຂອງຜູ້ໂດຍສານຍິງຄົນໜຶ່ງ ເກີດລະເບີດຂຶ້ນຂະນະນອນຟັງເພງ ຈົນຕ້ອງໄດ້ຖອດຫູຟັງທີ່ເກີດໄຟໄໝ້ລົງພື້ນ, ຈາກນັ້ນພະນັກງານເທິງເຄື່ອງບິນໄດ້ເອົານໍ້າລາດໃສ່ຫູຟັງເພື່ອດັບໄຟ ເຊິ່ງແບັດເຕີຣີ່ ແລະຝາປິດຫູຟັງ ຈົນຕິດກັບພື້ນເຄື່ອງບິນ, ສ່ວນແມ່ຍິງຄົນດັ່ງກ່າວພົບວ່າ ມີຮອຍໄໝ້ເປັນສີດຳຄໍ້າເທິງໃບໜ້າ ແລະຄໍ, ມີບາດແຜພອງຢູ່ມື ລວມເຖິງມີຮອຍໄໝ້ຢູ່ຜົມອີກດ້ວຍ