spot_img
Homeຂ່າວພາຍ​ໃນຮອງນາຍົກ ໂອ້ລົມພີ່ນ້ອງເຊື້ອຊາດລາວ ແລະນັກສຶກສາຢູ່ຍີ່ປຸ່ນ

ຮອງນາຍົກ ໂອ້ລົມພີ່ນ້ອງເຊື້ອຊາດລາວ ແລະນັກສຶກສາຢູ່ຍີ່ປຸ່ນ

Published on

ໃນລະຫວ່າງວັນທີ 5-10 ມີນາ 2017 ຜ່ານມາ ທ່ານສອນໄຊ ສີພັນດອນ ຮອງນາຍົກລັດຖະມົນຕີ ແ່ຫງ ສປປ ລາວ ໃນໂອກາດຢ້ຽມຢາມຍີ່ປຸ່ນຢ່າງເປັນທາງການ ໄດ້ຖືໂອກາດໂອ້ລົມ ກັບພີ່ນ້ອງຄົນເຊື້ອຊາດລາວ ແລະນັກສຶກສາລາວຢູ່ປະເທດຍີ່ປຸ່ນ.
ໃນການໂອ້ລົມຄັ້ງນີ້, ທ່ານ ສອນໄຊ ສີພັນດອນ ໄດ້ແຈ້ງສະພາບການ ແລະ ເຫດການສຳຄັນທີ່ພົ້ນເດັ່ນຢູ່ໃນ ສປປ ລາວ ໃນປີ 2016 ຜ່ານ ມາເປັນຕົ້ນ, ຜົນສຳເລັດກອງປະຊຸມໃຫຍ່ຄັ້ງທີ X ຂອງພັກປະຊາຊົນ ປະຕິວັດລາວ; ຜົນການເລືອກຕັ້ງສະມາຊິກສະພາຊຸດທີ VIII; ການຈັດຕັ້ງຄະນະລັດຖະບານລາວຊຸດທີ VIII ແລະ ຜົນສຳເລັດການເປັນປະທານໝູນວຽນອາຊຽນ ຄັ້ງທີ 2 ຂອງ ສປປ ລາວ. ໂດຍສະເພາະໄດ້ຍົກໃຫ້ເຫັນສະພາບ ການປັບປຸງການບໍລິຫານປະເທດຂອງຄະນະລັດຖະບານ ຊຸດທີ VIII ເປັນຕົ້ນການ ແກ້ໄຂບັນຫາສໍ້ລາດບັງຫຼວງ, ອອກດຳລັດ 15 ກ່ຽວກັບການ ຫ້າມຕັດໄມ້ ແລະ ສົ່ງໄມ້ທ່ອນ ອອກນອກປະເທດ, ບັນຫາທີ່ດິນ, ການດັດປັບລາຄາໄຟຟ້າ ຈາກ 3 ລະດັບມາເປັນ 6 ລະດັບ, ຮັດກຸມການນຳເຂົ້ານ້ຳມັນ ແລະ ການແກ້ໄຂບັນຫາ ຫຍໍ້ທໍ້ຕ່າງໆໃນສັງຄົມ ຊຶ່ງລັດຖະບານໄດ້ອອກກົດໝາຍຄຸ້ມຄອງສື່ອອນລາຍ ໂດຍຖືໂອກາດນີ້ແຈ້ງເຕືອນພີ່ນ້ອງຄົນເຊື້ອຊາດລາວ ແລະ ນັກສຶກສາລາວຢູ່ປະເທດຍີ່ປຸ່ນໃຫ້ມີສະຕິລະວັງຕົວ ເພື່ອຮັບເອົາຂໍ້ມູນຂ່າວສານທີ່ຖືກຕ້ອງ. ປັດຈຸບັນ, ລັດຖະບານກຳລັງເອົາໃຈໃສ່ໃນການປະຕິບັດແຜນພັດ ທະນາເສດຖະກິດ – ສັງຄົມ ແຫ່ງຊາດ 5 ປີ ຄັ້ງທີ 8 ເພື່ອ ນຳພາປະເທດຊາດໃຫ້ຫຼຸຸດພົ້ນ ອອກຈາກສະຖານະພາບປະເທດດ້ອຍພັດທະນາໃນປີ 2020.
ນອກນັ້ນ, ທ່ານຮອງນາຍົກຍັງໄດ້ຍົກໃຫ້ເຫັນເຖິງສະພາບການພົວພັນຮ່ວມມືສອງ ຝ່າຍລາວ – ຍີ່ປຸ່ນ ທີ່ເປັນການ ພົວພັນທີ່ດີມາກວ່າ 6 ທົດສະວັດ ໂດຍການນຳຂັ້ນສູງ ແລະ ຂະແໜງການຕ່າງໆໄດ້ສືບຕໍ່ ແລກປ່ຽນການຢ້ຽມຢາມເຊິ່ງກັນ ແລະ ກັນຢ່າງເປັນປະຈຳ, ພິເສດຜູ້ນຳສອງປະເທດໄດ້ ຕົກລົງຍົກລະດັບການພົວພັນ ຮ່ວມມືແບບຮອບດ້ານເປັນຄູ່ ຮ່ວມຍຸດທະສາດ, ສອງປະເທດສະເຫຼີມສະຫຼອງວັນສ້າງ ຕັ້ງສາຍພົວພັນການທູດຄົບຮອບ 60 ປີ ໃນປີ 2015; ການພົວພັນທາງດ້ານເສດຖະກິດ ລາວ – ຍີ່ປຸ່ນ ກໍໄດ້ມີການຂະຫຍາຍຕົວຂຶ້ນ ໂດຍສະເພາະ ປັດຈຸບັນໄດ້ມີນັກທຸລະກິດຍີ່ ປຸ່ນໃຫ້ຄວາມສົນໃຈເຂົ້າມາລົງ ທຶນຢູ່ ສປປ ລາວ ຫຼາຍຂຶ້ນ ໂດຍນັກລົງທຶນຂອງຍີ່ປຸ່ນຢູ່ໃນ ອັນດັບ 8 ທີ່ມາລົງທຶນຢູ່ ສປປ ລາວ ແລະ ທີ່ສຳຄັນຍີ່ປຸ່ນເປັນ ປະເທດທີ່ໃຫ້ການຊ່ວຍເຫຼືອ (ODA) ແກ່ ສປປ ລາວ ອັນ ດັບໜຶ່ງ. ພ້ອມດຽວກັນນັ້ນ, ທ່ານຮອງນາຍົກ ສອນໄຊ ສີ ພັນດອນ ຍັງໄດ້ຕາງໜ້າໃຫ້ ແກ່ພັກ ແລະ ລັດຖະບານລາວ ສະແດງຄວາມຍ້ອງຍໍຊົມເຊີຍ ຕໍ່ພີ່ນ້ອງຄົນເຊື້ອຊາດລາວທີ່ ອາໄສຢູ່ຍີ່ປຸ່ນ ໃນການປະກອບສ່ວນພັດທະນາເສດຖະກິດ-ສັງຄົມຂອງ ສປປ ລາວ ຕະຫຼອດໄລຍະຜ່ານມາ ໂດຍໄດ້ເນັ້ນໜັກເຖິງນະໂຍບາຍຂອງ ພັກ- ລັດຖະບານ ຍາມໃດກໍຖື ສະເໝີວ່າພີ່ນ້ອງຄົນເຊື້ອຊາດ ລາວທີ່ອາໄສຢູ່ຕ່າງປະເທດ ແມ່ນພາກສ່ວນໜຶ່ງທີ່ສຳຄັນ ເຊິ່ງບໍ່ສາມາດຕັດແຍກອອກ ຈາກວົງຄະນາຍາດແຫ່ງຊາດລາວໄດ້, ເປັນແຫຼ່ງກຳລັງແຮງອັນ ໜຶ່ງໃນການປະກອບສ່ວນປົກ ປັກຮັກສາ ແລະ ສ້າງສາພັດທະ ນາປະເທດຊາດໃຫ້ມີຄວາມ ຈະເລີນກ້າວໜ້າ, ເປັນຂົວຕໍ່ໃນ ການເປີດກວ້າງສາຍພົວພັນ ມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ຍີ່ປຸ່ນ.

ແຫຼ່ງຂ່າວ: ໜັງສືພິມ ປະຊາຊົນ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...