ສຳນັກຂ່າວເດລີ່ເມລລາຍງານເມື່ອວັນທີ 2 ມີນາ 2017 ຜ່່່່່່ານມາວ່າ ທ້າວ ຊຸນຊ່າຍ ຄົນຈີນອາຍຸ 39 ປີ ປ່ວຍເປັນໂຣກເນື້ອງອກເທິງໃບໜ້າ ເຊິ່ງເນື້ອງອກດັ່ງກ່າວມີນໍ້າໜັກເກືອບ 15 ກິໂລກຣາມ ລາວປະຕິເສດທີ່ຈະຮ່ວມລາຍການໂຊຂອງແປກ ຫຼື Freak Show
ທ້າວ ຫວງ ຫຼືຮູ້ຈັກກັນໃນນາມ “ມະນຸດຊ້າງ” ມີອາການເນື້ອງອກຜິດປົກກະຕິເທິງໃບໜ້າຕັ້ງແຕ່ອາຍຸ 4 ປີ ຕ້ອງອອກຈາກໂຮງຮຽນຫຼັງຈາກເລີ່ມຮຽນໄດ້ບໍ່ພໍເທົ່າໃດປີ, ປັດຈຸບັນອາໄສຢູ່ກັບຍາດຕິພີ່ນ້ອງ ແລະພໍ່ແມ່ ໃນໝູ່ບ້ານຢູ່ຫຼານ ເຂດຢົ່ງຊິນ ມົນທົນຫູໜານ ພາກກາງຂອງປະເທດຈີນ
ຄົນເຈັບອາການປະຫຼາດນີ້ ເປັນກໍລະນີສຶກສາທາງການແພດ ແລະປະກົດການໃນສາລະຄະດີມາຫຼາຍຄັ້ງ ນັບຕັ້ງແຕ່ເປີດຕົວ ແລະເຂົ້າຮັບການຜ່າຕັດເປັນຄັ້ງທຳອິດໃນປີ 2007 ຈາກນັ້ນໄດ້ຮັບການຜ່າຕັດຢ່າງຕໍ່ເນື່ອງອີກ 3 ຄັ້ງໃນປີຖັດໆມາ ເຊິ່ງໄດ້ຮັບເງິນຊ່ວຍເຫຼືອຈາກການບໍລິຈາກ, ການຜ່າຕັດຊ່ວຍຫຼຸດກ້ອນເນື້ອລົງໄດ້ເລັກໜ້ອຍ ແຕ່ເວລາທີ່ທ້າວ ຫວງ ອອກໄປຕາມສະຖານທີ່ສາທາລະນະ ກໍຍັງເປັນຈຸດສົນໃຈຂອງຄົນອື່ນຢູ່ ແລະຍັງມີເນື້ອງອກໃໝ່ທີ່ໃຫຍ່ຂຶ້ນ
ທາງການແພດຜູ້ປິ່ນປົວບອກວ່າ ທ້າວຫວງ ປ່ວຍເປັນໂຣກນິວໂຣໄຟໂບຣມາໂຕຊິສ ຫຼືພະຍາດທາງກຳມະພັນ ທີ່ເຮັດໃຫ້ຜ້ປ່ວຍມີຄວາມສ່ຽງທີ່ຈະເກີດເນື້ອງອກໄດ້ງ່າຍ ແລະລາວຍັງເປັນຕົວຢ່າການສຶກສາທາງການແພດ ແລະຖືກຖ່າຍທອດຜ່ານສາລະຄະດີມາເປັນເວລາຫຼາຍປີ