ສຳນັກຂ່າວເອເອຟຟີລາຍງານເມື່ອວັນທີ 1 ມີນາ 2017 ຜ່ານມາວ່າ ປະເທດຈີນຈະຫຼຸດການຈ້າງງານໃນອຸດສະຫະກຳເຫຼັກກ້າ ແລະຖ່ານຫີນລົງ ຈຳນວນ 5 ພັນຕຳແໜ່ງໃນປີນີ້ ທ່າມກາງພາວະເສດຖະກິດທີ່ຂະຫຍາຍຕົວຊ້າລົງ
Yin Weimin ລັດຖະມົນຕີວ່າການກະຊວງຊັບພະຍາກອນມະນຸດ ປະກາດການປັບຫຼຸດການຈ້າງງານ ໃນນະຄອນຫຼວງປາກກິ່ງ ຄົນທີ່ຈະຖືກເລີກຈ້າງງານ ຈະເຂົ້າສູ່ໂປແກມການຊອກຫາຕຳແໜ່ງວຽກທີ່ເໝາະສົມ ຫຼືອາດຈະໄດ້ຮັບການສະເໜີໃຫ້ກະສຽນອາຍຸກ່ອນກຳນົດ
ປະເທດຈີນ ເປັນປະເທດທີ່ຜະລິດເຫຼັກຫຼາຍກວ່າເຄິ່ງຂອງການຜະລິດເຫຼັກຂອງໂລກ ແຕ່ດ້ວຍພາວະເສດຖະກິດທີ່ຂະຫຍາຍຕົວຊ້າລົງ ເຮັດໃຫ້ອຸດສາຫະກຳໃນຈີນລົ້ນຕະຫຼາດ
ແນວໃດກໍຕາມ ໃນປີຜ່ານມາລັດຖະບານປະກາດທີ່ຈະຫຼຸດການຈ້າງງານ ໃນອຸດສະຫະກຳເຫຼັກກ້າ ແລະຖ່ານຫີນລົງຈຳນວນ 1.8 ລ້ານຕຳແໜ່ງ ແຕ່ລັດຖະບານສາມາດຫຼຸດການຈ້າງງານລົງໄດ້ພຽງແຕ່ 726,000 ຕຳແໜ່ງ