spot_img
Homeວິທະຍາສາດ-ວິທະຍາການແຄບຊູລພາກພື້ນດິນ ສິ່ງປະດິດໃໝ່ຂອງດູໄບ

ແຄບຊູລພາກພື້ນດິນ ສິ່ງປະດິດໃໝ່ຂອງດູໄບ

Published on

Bjarke Ingels Group (BIG) ບໍລິວັດສະຖາປະນິກລາຍໃຫຍ່ ແລະ Hyperloop One ເຈົ້າຂອງເທັກໂນໂລຢີການຂົນສົ່ງລ້ຳຍຸກ ດ້ວຍການສະໜັບສະໜູນຂອງກົມຂົນສົ່ງທາງບົກເມືອງດູໄບ ປະເທດສະຫະລັດອາຫຼັບເອມິເຣດ ໄດ້ຮ່ວມກັນອອກແບບລະບົບຂົນສົ່ງອັດຕະໂນມັດລະຫວ່າງເມືອງ ດູໄບ ແລະ ເມືອງ ອາບຸດາບີ ທີ່ບໍ່ພຽງແຕ່ຈະໄວທີ່ສຸດເທົ່ານັ້ນ ແຕ່ຍັງສະດວກສະບາຍສຸດໆ ດ້ວຍແນວຄິດ “ອອກຈາກປະຕູດຽວໄວຮອດຈຸດໝາຍ”

Hyperloop One ກຳລັງພັດທະນາເທັກໂນໂລຢີຂົນສົ່ງຜູ້ໂດຍສານ ແລະ ສິນຄ້າດ້ວຍລົດແບບແຄບຊູລແລ່ນໃນທໍ່ເຫຼັກທີ່ມີຄວາມດັນຕ່ຳ ແຄບຊູລຈະຖືກຍົກລອຍເໜືອລາງເລັກໜ້ອຍ ແລະ ແລ່ນໄປດ້ວຍຄວາມໄວເກືອບເທົ່າຄວາມໄວສຽງ ໄວກວ່າເຮືອບິນ ຂັບເຄື່ອນດ້ວຍລະບົບໄຟຟ້າ ແລະ ຄອມເພຣສເຊີ ບໍ່ມີການປ່ອຍສານຜິດ ບໍ່ມີສຽງ ແລະ ບໍ່ໄດ້ສົ່ງຜົນກະທົບໃດທຕໍ່ສະພາບອາກາດ

Hyperloop One ໄດ້ທົດສອບລະບົບຂັບເຄື່ອນທີ່ກາງແຈ້ງໃນທະເລຊາຍນອກເມືອງ ລາສເວກັສ ເມື່ອເດືອນ ພະຈິກ 2016 ທີ່ຜ່ານມາ ເຮັດຄວາມໄວເຖິງ 187 ກມ/ຊມ ໃນເວລາພຽງ 1.1 ວິນາທີເທົ່ານັ້ນ ສຳລັບເສັ້ນທາງດູໄບ-ອາບູດາບີທີ່ຫ່າງກັນປະມານ 15 ກມ ນັ້ນຄາດວ່າຈະໃຊ້ເວລາເດີນທາງພຽງ 20 ນາທີ ຫາກເດີນທາງດ້ວຍລົດຍົນຕ້ອງໃຊ້ເວລາເຖິງ 2 ຊົ່ວໂມງ

ຜູ້ໂດຍສານຈອງປີ້ການເດີນທາງດ້ວຍ Hyperloop One ໄດ້ທາງມືຖື ແລະ ໄປຂຶ້ນລົດທີ່ສະຖານີທີ່ມີຊື່ວ່າ “portal” ແລ້ວກໍ່ຍ່າງໄປຫາສາຍລົດທີ່ຕົນຈອງໄວ້ (ແບບລົດເມ) ຈາກນັ້ນກໍ່ເຂົ້າໄປນັ່ງໃນແຄບຊູລ “pod” ໄດ້ເລີຍ ແຕ່ລະ pod ຈະບັນຈຸຜູ້ໂດຍສານໄດ້ 6 ຄົນ ແລະ ມີ pod ຫຼາຍແບບໃຫ້ເລືອກນັ່ງເຊັ່ນ:​ ຫ້ອງນັ່ງຫຼິ້ນ,​ ຫ້ອງເຮັດວຽກ ຫຼື ຫ້ອງປະຊຸມ ແລ້ວແຕ່ຜູ້ໂດຍສານຈະເລືອກໃຊ້ຊ່ວງເວລາໃດເດີນທາງເພື່ອເຮັດສິ່ງໃດ

pod ກໍ່ຈະເດີນທາງໂດຍອັດຕະໂນມັດໄປທີ່ສະຖານີຂອງ Hyperloop One ເຊິ່ງຈະຈັດລວມກຸ່ມ 4 podsນຳເຂົ້າໄປໃນແຄບຊູລ ທີ່ມີຊື່ວ່າ “transporters” ເມື່ອພ້ອມ transporters ຈະຖືກນຳເຂົ້າໄປໃນທໍ່ກ່ອນທີ່ຈະເດີນທາງດ້ວຍຄວາມໄວ 1,2000 ກມ./ຊມ. ເມື່ອໄປຮອດສະຖານີ (portal) ປາຍທາງແລ້ວ pod ຈະໄປສົ່ງຜູ້ໂດຍສານໄປຍັງຈຸດໝາຍທີ່ກຳນົດໄວ້ໂດຍໃຊ້ຖະໜົນພາຍໃນເມືອງຄືກັນກັບລົດຍົນທົ່ວໄປ ນັບວ່າເປັນການເດີນທາງທີ່ໄວທີ່ສຸດ

ຖ້າຍາກຈະເດີນທາງດ້ວຍເທັກໂນໂລຢີລ້ຳຍຸກສະໄໝແບບນີ້ ຄົງຕ້ອງໃຊ້ເວລາໃນການສ້າງດົນສົມຄວນ ໃນລະຫວ່າງນີ້ເຮົາມາເບິ່ງວິດີໂອແນະນຳກ່ອນ

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...