ເຈົ້າໜ້າທີ່ ປກສ ເມືອງສີສັດຕະນາກ ນະຄອນຫຼວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮູ້ຄາດຕະກອນທີ່ກໍ່ເຫດຄາດຕະກຳ

ຄອບຄົວຄົນຍາມຕະຫຼາດສວນມອນ ເມື່ອສອງອາທິດຜ່ານມານີ້, ມີຄວາມຄືບໜ້າຫຼາຍຂຶ້ນ ແລະ ພວມເພີ່ມກຳລັງ

ເລັ່ງນຳຈັບຕົວຄົນຮ້າຍດັ່ງກ່າວມາດຳເນີນຄະດີໃຫ້ໄດ້ໂດຍໄວ.

ທ່ານ ພັນໂທ ທອງສະຫວັດ ແສນສຸວາດ ຮອງກອງບັນຊາການ ປກສ ເມືອງສີສັດຕະນາກ ນະຄອນຫຼວງວຽງຈັນ ໄດ້

ກ່າວຕໍ່ນັກຂ່າວລາວພັດທະນາພວກເຮົາວ່າ: ປັດຈຸບັນເຈົ້າໜ້າທີ່ເມືອງຕົນເອງໄດ້ເອົາໃຈໃສ່ຕິດຕາມຕົວຄົນຮ້າຍມາ

ດຳເນີນຄະດີໂດຍໄດ້ເພີ່ມການປະສານສົມທົບກັບບັນດາ ປກສ ກຸ່ມບ້ານ ແລະ ນະຄອນຫຼວງວຽງຈັນ ໂດຍໄດ້ສົ່ງຮູບ

ໜ້າຕາຂອງຄົນຮ້າຍທີ່ກຳລັງລົບຫລີກການນຳຈັບຕົວຂອງເຈົ້າໜ້າທີ່ຢູ່ນັ້ນ ໃຫ້ປະຊາຊົນໄດ້ຮັບຮູ້ ແລະ ຊ່ວຍເປັນຫູ

ເປັນຕາແຈ້ງເຈົ້າໜ້າທີ່ ຫາກພົບເຫັນບຸກຄົນຕ້ອງສົງໄສດັ່ງກ່າວ.

ຕາມສັງຄົມທີ່ມີຂ່າວລືວ່າ: ຄອບຄົວດັ່ງກ່າວໄດ້ເສຍຊີວິດໝົດນັ້ນແມ່ນບໍ່ມີຄວາມຈິງ ເນື່ອງຈາກປັດຈຸບັນຜູ້ທີ່ໄດ້ຮັບ

ບາດເຈັບ ແມ່ນໄດ້ຮັບການປິ່ນປົວ ແລະ ພົ້ນຂີດອັນຕະລາຍແລ້ວ ຊຶ່ງທາງເຈົ້າໜ້າທີ່ກໍໄດ້ຈັດກຳລັງຄຸ້ມຄອງພິເສດ

ເນື່ອງຈາກຈະເປັນຜູ້ທີ່ໃຫ້ຂໍ້ມູນລະອຽດຕໍ່ການນຳຈັບຕົວຄົນຮ້າຍມາດຳເນີນຄະດີໃຫ້ໄດ້ໂດຍໄວ.

ແຫຼ່ງຂ່າວ: http://laophatthananews.blogspot.com/2014/08/blog-post_54.html